Nəriman mahmud siRLİ ƏMƏLİyyat (İbrətamiz hekayələr) “Yeni Poliqrafist” mmc bakı 2016
Yüklə 372,12 Kb. Pdf görüntüsü
|
öz yerində. Görəsən, bizdən 20-30 qat artıq mə- vacib alan və həmişə aza qane olmağı məsləhət görən Atakişi müəllim özünü bizim yerimizdə təsəvvür edə bilirmi? Yox. Hələ eşitmişəm ki, yavaş-yavaş özünün şəxsi biznesini qurmağa başlayıb... “Simsiz telefon” danışdıqca, faktları bircə- bircə ortaya çıxardıqca Atakişi müəllimin sifətinin görünməyən tərəfləri açılır, açıldıqca adamların hissləri də coşurdu. Onlar elə bu dəqiqə Atakişinin qəbuluna getmək, “sandığı açıb, pambığı tökmək” istədilər. Bu vaxt Arzumanın telefonu zəng çaldı. İçəridə səs-küy var idi deyə, bayıra çıxıb cavab verdi. Nə eşitdisə cəld içəriyə qayıdıb dedi: – Ay camaat, qulaq asın, hələ heç yerə gedə bilməyəcəksiniz, yəni bunun bir mənası yoxdur, boşuna zəhmət çəkməyin. – Niyə? – hamı birdən təəccüblə soruşdu. – Ona görə ki, Atakişi müəllim artıq bir neçə qohum-əqrəbası ilə Həcc ziyarətinə yola düşüb. Elə bil camaatın üstünə su ələndi. Hamının əli üzündə qaldı. – Atakişi müəllim hara, Həcc zi- yarəti hara?! – deyə təəccübləndilər. – Yəqin Allah-Taala qəbul eləməz, – dedilər. Bu vaxt “Zakon Eldar” işə qarışdı: 75 SİRLİ ƏMƏLİYYAT – Ay camaat, elə deməyin, qurban olduğum Allah hər şeyi görən və biləndir. Atakişi müəl- limin layiq olduğu qiyməti də, inşallah, Allah- Taalanın özü verəcək. – Amin!!! – deyə hamı bir ağızdan dilləndi. Cəmi beş-altı dəqiqə keçmişdi ki, “simsiz telefon”a daha bir zəng gəldi. Xəttin o başından danışan adam həyəcanlı səslə Atakişi müəllimin faciəli şəkildə öldüyünü xəbər verirdi. Amma bəd xəbərin ardınca şad xəbər də gəlmişdi. Müalicəsi uğurla başa çatan Hacı Qəzənfər iki-üç gündən sonra yenidən müəssisənin rəhbərliyinə qayıda- caqdı. Aprel 2014 76 NƏRİMAN MAHMUD Elmirin kobudluğu Elmiri yuxudan yataqxananın süpürgəçisi oyatmışdı. Süpürgəçi qadın otağın qapısını açıb içəri girəndə gözünə ilk sataşan, masanın üstündəki araq şüşəsi olmuş, bir az irəlidə, qapının arxa tərəfindəki çarpayıda isə Elmiri görmüşdü. Amma bu cavan oğlan yatmış adamdan daha çox, dünyasını dəyişmiş insanı xatırladırdı. Onu bu vəziyyətdə görən süpürgəçi xanım əvvəlcə diksinib geri çəkilmiş, lakin Elmirin yerindən tər- pənərək qəribə səslər çıxarması qadını cəsarətə gətirmişdi. O, dayanıb nə baş verdiyini aydın- laşdırmaq istədi. Masanın, çarpayının və ümumi- likdə otağın səliqəsiz vəziyyətdə olması, üstəlik, Elmirin pal-paltarlı yatması onun sərxoşluğundan xəbər verirdi. Qadın bir-iki dəfə çağırsa da, heç nə başa düşülməyən qırıq-qırıq səslərdən başqa bir şey eşidə bilmədi. Süpürgəçi xanıma yalnız orası məlum oldu ki, artıq özünü idarə edə bilməyən oğlan araqdan zəhərlənib. Cəld aşağı düşüb təcili tibbi yardım çağırdı. Çox çəkmədi ki, həkim gəlib çıxdı. Müayinədən sonra Elmirin həqiqətən də 77 SİRLİ ƏMƏLİYYAT zəhərləndiyi aşkar edildi... Elmir gözlərini açanda özünü xəstəxanada gördü. Başının üstünü kəsdirən həkim və tibb bacıları ilk tibbi yardımdan sonra onun ayılmasını gözləyirdilər. Elmir özünə gələndə üç-dörd litr ilıq su ilə mədəsini yuyub təmizlədilər. O, həkimin təyin etdiyi dərman preparatlarını qəbul edib yenidən yuxuya getdi. Cəmi bir neçə günlük müalicədən sonra xəstəxanadan çıxan kimi işlədiyi çayxanaya qayıtdı. Amma çayxana sahibi yeni işçi qəbul etmişdi. Elmirin əlindən gələn bir iş varsa, o da fəh- ləlik idi. O, vaxt itirmədən şəhərdəki “qul bazarı” adlanan yerlərdən birinə gəlib müştəri gözləməyə başladı. Çox keçmədi ki, xarici markalı avtomobil qarşısında dayandı. İçəridən qırx-qırx beş yaşlarında bazlı-burutlu bir kişi çıxıb üç nəfər fəhlə seçdi. Elmir də həmin o üç nəfərin içərisində idi. Kişi onları avtomobilə əyləşdirib Bakı kəndlərinin birindəki bağ evinə gətirdi. Fəhlələr bir hektara yaxın sahəni çör-çöpdən təmizləməyib belləməli idilər. Bundan ötrü onlara üç gün vaxt verilmişdi. Elmirgil gecəni gündüzə qatıb verilən tapşırığı vaxtında yerinə yetirdilər. Ev sahibi də buna görə onlara əvvəlcədən 78 NƏRİMAN MAHMUD şərtləşdikləri qiymətdən artıq zəhmət haqqı verib yola saldı. Bu, onun çayxanada üç gün ərzində qazandıqlarından təxminən yeddi-səkkiz dəfə artıq olardı. Elmir artıq neçə gündən bəri getmədiyi yataqxanaya qayıtmaq, yarımçıq qalmış araq şüşəsinin axırına çıxmaq istədi. İki yüz qram kol- basa, bir çörək, iki-üç dəstə də göy-göyərti alıb yataqxanaya qayıtdı. Araq şüşəsini masanın üstündə görməyəndə dünya başına fırlandı sanki. Bir qədər axtarmalı oldu. Əyilib paltar şkafının al- tına baxdı. Araq şüşəsini tapıb masanın arxasına keçdi. Bu dəfə lap əməlli-başlı yeyib içib dərin yuxuya keçdi. Səhər tezdən vaxtında oyanıb yeni iş yerinə – “qul bazarı”na getdi. Axşama qədər gözləsə də müştəri tapa bilmədi. Elə bil bazarı birdəfəlik bağlanmışdı Elmirin. Sonrakı beş-altı gündə də bir qəpiyin yiyəsi olmadı. Gözlərini yumub qazandıqlarını havaya sovururdu deyə, pulu da tükənmək üzrə idi. Üzünə üz qaralığı çəkib kəndə qayıtmaq istədi. Əvvəlcə şəhərə işləməyə gələrkən, atasının verdiyi öyüd-nəsihət yadına düşdü. Necə deyər- lər, “mindiyi eşşəkdən düşməyə” utansa da, son- radan nə fikirləşdisə verdiyi qərarı qətiləşdirdi. 79 SİRLİ ƏMƏLİYYAT Yüklə 372,12 Kb. Dostları ilə paylaş:
|