Nəriman mahmud siRLİ ƏMƏLİyyat (İbrətamiz hekayələr) “Yeni Poliqrafist” mmc bakı 2016
Yüklə 372,12 Kb. Pdf görüntüsü
|
ölmüşdü. Cəmilə də ərinə qoşulub fəryad qopardı. Tamaranın vaxtilə ona dediyi, “ay qız, başına at təpməyib ki, bu nə hərəkətdir, yeddi ildən sonra Allah sənə övlad bəxş eləyib, gəl bu işə haram qatma” sözləri qulaqlarında cingildədi. May 2014 85 SİRLİ ƏMƏLİYYAT Yetimin qisası Zamiq hələ iki yaşında ikən avtomobil qəza- sında atasını itirmiş, bir il sonra anası Gülyaz dünyasını dəyişmişdi. Kimsəsiz qalan uşağın xala və dayı sarıdan da bəxti gətirməmişdi. Gülyaz ailənin tək övladı idi. Ata tərəfi isə nəsillikcə kasıb həyat yaşayırdı. Zavallı uşağı himayəsinə götürüb böyütmək istəyən çox olsa da, əksəriyyətin buna imkanı çat- mırdı. Məsləhət-məşvərətdən sonra həmin o ək- səriyyət ümidini Zamiqin böyük əmisi Fərmana bağlamış, hamının nəzərləri ona yönəlmişdi. Çünki o biri doğmalara, qohum-qardaşa baxanda dolanışıq sarıdan bir az fərqlənirdi. Necə deyər- lər, onların yanında “toya getməli” idi. Amma sözlə ifadə etməsə də, Fərman əvvəlcə narazı olduğunu hərəkətləri ilə onlara qandıra bildi. Bu vaxt elə bil hamının üstünə su ələndi. Baxışları ilə Fərmanı məzəmmət elədilər, gözləri ilə yeyib tökdülər kişini. O da sanki bu qəzəbli baxışlardan qorunmaq üçün kənara çəkilib xəyala getdi. Son- radan nə fikirləşdisə qohum-əqrəbanın yanına qayıtdı. Bir az əvvəlki Fərmandan əsər qal- 86 NƏRİMAN MAHMUD mamışdı, gözləri gülürdü. Qaranquşlar baharın gəlişini müjdələdikləri kimi, o da tamamilə başqa ovqatda təkrar gəlişi ilə hər kəsi sevindirdi. Üzünü onlara tutub dedi: - Əlbəttə, bir az əvvəl baş verənlər anlaşıl- mazlıq idi. Deyəsən, bir-birimizi yaxşı başa düşməmişik. Biz qardaşımızın yadigarını hi- mayəmizə götürüb saxlamağa borcluyuq. Şəxsən mən buna hazıram. Fərmandan bu sözləri eşidən qardaşların üstündən sanki ağır yük götürüldü. Birlikdə bacıları Səbinənin evinə yollandılar. Bu həmin Səbinə idi ki, Gülyaz rəhmətə gedəndən sonra müvəqqəti baxmaq üçün uşağı cəmi üç-dörd ay əvvəl evləndiyi ər evinə aparmışdı. Uşağın bibisi əvvəl onu heç kəsə vermək istəməsə də, qardaşlar əl çəkmədilər. – Ay qız, düzdü, Valeh yaxşı adamdı, amma ərin olsa da, bizdən bir-iki köynək uzaqdır, belə, xətrinə dəyməsin, yad oğludur, bir də ki ayıbdır, el-oba bizi qınayar, - dedilər. Səbinə də istehza ilə cavab verdi. - Əlbəttə, Valeh çox gözəl insandır, bilirəm ki, uşağa bizdən də yaxşı baxacaq, - dedi. Və bir az təhər-töhmət, tənə-filan, bir az da dil-ağız elədi. Amma yenə qardaşının beyninə batmadı ki, batmadı. – Zamiqi mən 87 SİRLİ ƏMƏLİYYAT aparmalıyam, - deyib durdu. Söz verdi ki, onu öz uşaqlarından ayırmayacaq. Fərman uzun çək-çevirdən sonra uşağı alıb evə gətirdi. Söz verdiyi kimi, yaxşı baxdı. İnsafən arvadı Şəkər də Zamiqə öz övladı kimi yanaşırdı. Amma uşağın məktəb yaşı çatanda elə bil Fər- manın beyninin qurdu tərpəndi. Dərsdən çıxanda gəzinti adı ilə onu hər gün götürüb evdən çıxar, bir yerdə daldalanıb təzə paltarlarını dəyişər, əvəzində tamamilə nimdaşlaşmış, cırılıb sökülmüş paltar geyindirər, yarı xoş, yarı könülsüz şəhərin küçələrində diləndirər, özü də kənardan müşahidə edərdi. Zavallı uşaq hərəkətləri ilə etirazını bildirəndə, ona hədə-qorxu gələr, “bax, kiməsə desən, özünü ölmüş bil”, deyərdi. Zamiq də qorxusundan başını aşağı salıb “işini” görər, dilənib-dolanmaqla əldə etdiyi pulların hamısını əmisinə təhvil verərdi. Bundan kimsənin xəbəri də olmazdı... Aylar, illər ötdükcə arıq, çəlimsiz Fərmanın qarnı un yemiş ulaq kimi şişir, ailəsindən xəbərsiz ailə büdcəsi də artırdı. Artdıqca da necə deyərlər, gözləri yer görmür, hədəqəsindən çıxırdı. Uşaq vaxtı qonşunun ona verdiyi sınıq-salxaq velosipeddən başqa minik adında heç nə gör- 88 NƏRİMAN MAHMUD məyən Fərman indi bir az köhnə də olsa, normal görünüşlü inomarka avtomobil almışdı. Yaşına görə səkkizinci sinfə getməli olan, artıq belə həyat tərzinə öyrəşən Zamiq isə səhər tezdən təkbaşına evdən çıxar, yığdığı pulları axşamlar yenə də əmisinə verər, növbəti gün yenidən dilənməyə yollanardı. Bir dəfə dilənərkən Zamiq tükürpədici səs eşitdi. O da hamının getdiyi tərəfə qaçdı. Fər- manın yüksək sürətlə idarə etdiyi avtomobil “KAMAZ” markalı maşının arxasına çırpılmış, ailə üzvləri həlak olmuş, özü isə ağır bədən xəsarəti ilə xəstəxanaya çatdırılmışdı. Hadisədən sonra bibisi Səbinənin evində qalan Zamiq özəl şirkətlərin birində işə düzəlsə də, ayağının biri dizindən yuxarı amputasiya olunan Fərman dilən- məyə başlamışdı. May 2014 89 SİRLİ ƏMƏLİYYAT İsfəndiyarın kitab əhvalatı 82 yaşlı İsfəndiyar kişi ömrü boyu dəmir yolda fəhlə işləmişdi. Yaşının və işinin çox hissəsi də keçmiş sovet hökumətinin, yəni SSRİ-inin vax- tına düşmüşdü. Fəhlə olsa da, hələ gənc yaşların- dan kitab oxumağa meylli idi. Darısqal evinin bir küncündə şəxsi kitabxana da düzəltmişdi özü üçün. Şənbə və bazar günlərindən başqa gündəlik səkkiz saatlıq ağır dəmiryol işindən, yol təmirindən sonra evə qayıdar, yorğunluğunu aza- cıq alıb kitab rəfini eşələyər, birini götürüb oxu- yardı. Özü də çox sürətli oxumağı vardı İsfəndiyarın. Yorunuq-ərinik vaxtında orta həcmli kitabı cəmi iki günə oxuyub sona çatdırardı. Qeyri iş günlərində isə oxuduğu kitabın axırına əsasən elə həmin günü çıxardı. İsfəndiyarın bir adəti də var idi ki, çox vaxt şənbə və bazar günlərində özünü ya parka, ya da hansısa yaşıllıq əraziyə salar, götürdüyü kitabı da elə ordaca oxuyardı. Tay-tuşlar, dost-tanışlar da hərdən başına yığışıb bir-birindən maraqlı söz- 90 NƏRİMAN MAHMUD Yüklə 372,12 Kb. Dostları ilə paylaş:
|