69
Firmanın işi pis getmirdi, Abram Nussimbaum fəaliy yə-
tini genişləndirib Birjevaya küçəsində, Buniyatovun evində
yeni ofisə köçmüşdü. Ümidvardı ki, yaxın müddətdə daha
böyük uğurlar əldə eləyəcək. Hələ ki, Nobel qardaşlarının,
Əsədullayevin, Rotşildlərin, Şibayevin, Mantaşovun, Nağı-
yevin şirkətləri və firmalarıyla bəhs eləyə bilməzdi.
1910-cu ilin yaz günlərinin birində Basyanı yenə əsəbi,
kədərli, pərişan vəziyyətdə gördü, başa düşdü ki, təşkilatda
işlər qaydasında deyil. Məsələnin nə yerdə olduğunusa bir
neçə ay sonra həm də təsadüfən öyrəndi. Şərikinin uzaq qo-
humu Bayıl həbsxanasından çıxmışdı, Kobanın da orda yat-
dığını deyibmiş, üstəlik, Koba ötən il də Bayıl həbsxanasına
salınıbmış, sonra sürgün olunub, amma sürgündən qaçıb
gəlib, yenidən ələ keçib.
Abram başa düşdü ki, Kobanı siyasi dustaq kimi evində
saxladığı məlum olsa, əlli-ayaqlı gedər. Amma Basya heç nə
eşitmək istəmirdi, nə evlə, nə uşaqla maraqlanırdı, fikri-zik-
ri Kobanı necə azad eləməklə məşğul idi. “Nikitiç” haralar-
dasa yoxa çıxmışdı, Kamo Avropadaydı, Kobasa sürgündə
“dincəlirdi”. Belə çıxırdı ki, bütün həyatlarını həsr elədikləri
iş uçurum qarşısındadı. Bunu fikirləşdikcə əsəbləri gərilir,
tir-tir əsməyə başlayırdı, bir neçə dəfə də bütün qəzəbini
qulluqçunun və Leonun üstünə tökmüşdü. Abram arvadı-
nın ruhi sarsıntılarının səbəbini başa düşür, amma onu xilas
eləmək üçün daha əlindən heç nə gəlmirdi. Bir dəfə Basyanı
həkimə göstərmək istəmişdi, amma arvadının əsəbi etira-
zından sonra fikrindən daşınmalı olmuşdu.
Öncəduyumunun işarə elədiyi faciə fevral günlərinin
birində, daha doğrusu, fevralın on altısında, səhər saat 11-
də baş verdi. Xanımın hələ də oyanmadığını görən qulluqçu
Abramın tapşırığıyla ona baş çəkmək üçün yataq otağına
girəndə onu döşəmədə namünasib vəziyyətdə sərilmiş gör-
dü. Dərhal nəsə baş verdiyini duyan qulluqçunun haray-
həşirinə qaçıb gələnlər Basyanı tez-tələsik Mixaylovsk xəstə-
70
xa nasına çatdırdılar, amma binəva özünə gəlmədən öldü.
Yataq otağında tapılan şüşə ölümün karbon turşusundan
baş verdiyini aşkara çıxarırdı. Əlbəttə, bu maddi səbəb idi,
mənəvi səbəbsə hələ Abram Nussumbaumdan başqa
kimsəyə məlum deyildi, o da “sağalmaz xəstəliyə düçar oldu-
ğuna görə, əsəblərinin tab gətirmədiyi” versiyasını münasib
saydı, adamlarsa dərdinə şərik olub təəssüfləndilər.
Abram Nussimbaum Bertanı mümkün qədər səssiz-
küysüz dəfn eləməyə çalışdı: nə qəzetdə onun ölüm xəbərini
dərc etdirdi, nə başsağlığı verilməsini məsləhət gördü,
üstəlik, çalışdı ki, dəfndə az adam iştirak eləsin. Arvadının
ölümüylə ürəyinə daş kimi çökmüş ağır yükdən qurtarır,
özündə etiraf eləmək istəmədiyi yüngüllük duyurdu.
Bu faciə Abrama təbii və qaçılmaz görünsə də, altı yaşı-
na qədəm qoymuş Leoda heç bir təəssürat oyatmadı. Anası
onu yalnız bətnindən dünya işığına çıxarmışdı, uşaq ondan
nə sevgi, nə diqqət, nə şəfqət görmüşdü. Qulluqçu da günü-
nün çoxunu otaqları yığışdırmaq, yemək bişirmək, camaşır-
ları yumaqla məşğul olduğundan, Leo otağında tək qalır, ya
qonaq otağındakı divanda oturur, ya da pəncərədən bayıra
baxırdı. Aydın sifəti, iri gözləri, geniş alnı ondakı ağıl
əlamətlərini büruzə verirdi, amma anasının üzündən
məhkum olduğu bu həyat oğlanı heç təmin eləmirdi.
***
Basyanın ölümündən sonra Leonun da qəfil xəstəliyi üzə
çıxdı: qulluqçunun dediyinə görə, uşağı bir neçə dəfə huşu-
nu itirmiş vəziyyətdə tapmışdı, xeyli silkələyəndən, üzünə
su vurandan sonra özünə gələn Leo ətrafına bir müddət
yad, maraq dolu nəzərlərlə baxmışdı. Abram dərhal həkim
gətirtdi, ətraflı müayinədən sonra məlum oldu ki, uşaqda
anadangəlmə ürək çatışmazlığı var, onu bayıra buraxmaq,
nəzarətsiz qoymaq olmaz. Həkim dedi, ola bilsin, sonralar
ötüb-keçsin, amma oğlanı müəyyən müddətə gözdən qoy-
mamaq lazımdı.
71
Əlbəttə, belə vəziyyət dayə tapmaq zərurətini daha da
qətiyyətlə ortaya qoyurdu. Əslində, Abram bu barədə
çoxdan, lap uşaq dünyaya gələndən fikirləşirdi. Amma
ailədəki mühitə daha bir nəfərin də şahid olacağı fikri ona
əzab verdiyindən indiyədək cəsarət eləməmişdi.
İndisə Basya yox idi. Faciə ailəni təhlükədən qurtarmış-
dı, bu da taleyin oyunuydu.
Dayəni işgüzar tanışlarından biri tapdı. Quzey Reyndə
– Vestfaliyada doğulmuş, Baltik dənizi sahillərində böyü-
müş, qızlıq soyadı Dette olan Alisa Melaniya Şulte qırx yaş-
larında, iri gövdəli, amma çevik, nəzakətli, bir qədər də
təkəbbürlü, amma savadlı qadın idi, həm də bu şəhərdə
tək-tənha yaşayırdı. Tale onu Tiflisə gətirib çıxarıb, orda ailə
qurubmuş; əri elə ötən rəhmətə gedib, o da bir neçə gün
imiş Bakıya, bacısının yanına gəlibmiş.
Abram bu təsadüfdən sevindi, amma özünün təkcə hə-
yat tərzini yox, mənzilini də dəyişməyi qərara aldı. Çox gü-
man ki, beləcə, Basyayla, onun bağlı olduğu hadisələrlə
birdəfəlik vidalaşmaq istəyir, keçmişdən qopmağa çalışırdı.
Frau Alisiya Şulte Basyanın müqabilində Allahın Abra-
ma bəxş elədiyi lütf idi. Şəfqətli, qayğıkeş, səbirliydi, Leo-
nun “dilini”də qısa müddətə tapdı. Oğlanın tək qalıb
xəyallar aləmində yaşamasının nəticələrini gözəl başa dü-
şürdü, daha nəsə uydurur, fantaziyaları sərhəd bilməyən
uşağın yaşantılarına bir qədər həyat çaları qatmaq üçün
əlindən gələni eləyirdi, ardabir nəzarət altında saxlamaqla
yaşıdlarıyla oynamağına icazə verir, ziyafətlərə dəvət olu-
nanda yanından əl çəkmirdi. Neçə dəfə Əsədullayevlərin,
Aşurbəyovların, Dadaşovların ailəsində olmuş, Ümmülba-
nunu, Saranı, Naziməni, Məryəmi danışdığı hekayələrlə
əməlli-başlı heyrətləndirmişdi. Xüsusilə, ondan bir yaş kiçik
Saranın altı yaşı tamam olanda Aşurbəyovların mülkündə
verilən böyük ziyafəti unuda bilmirdi. İri salonda otuza
qədər uşaq yığışmışdı, şənlənir, deyib-gülür, eşidib-gördük-
lərini bir-birinə danışırdılar. Leo frau Şultedən eşitdiyi na-
Dostları ilə paylaş: |