51
göstəricilərdən biri də “Ərəb baharı” kimi səciyyələndirilən
Yaxın Şərq və Şimali Afrika olayları zamanı bəhs edilən
təsisatların sərgilədiyi mövqe, yaxud fəaliyyət metodlarıdır.
Belə ki, bəhs edilən geosiyasi məkanda hələ iğtişaşlar
başlamamışdan öncə sözügedən transmilli media institutları
qara PR (piar) səciyyəli və təhrif olunmuş informasiyalar
təqdim etməklə dünya ictimaiyyətində konkret hegemon milli
aktorların və ya infoimperialist güclərin mövqeyini dəstəklə-
yən, eləcə də region ölkələrinin xalqlarını təxribata sürüklə-
yəcək durum yaratmağa çalışırdılar. Elə buna da müəyyən
mənada nail oldular. Amma bu, son deyildi. Yaxın Şərq və
Şimali Afrikada iğtişaşların və qarşıdurmaların başlamasın-
dan sonra transmilli media institutları “qeyri-adi” informasi-
yalar təqdim etməklə dünya ictimaiyyətinə qarşı ciddi infor-
masiya manipulyasiyasını həyata keçirdi. Nəticə etibarilə, bu
olaylar xalqların azadlıq mübarizəsi kimi təqdim edilməklə
dünya siyasətinin başlıca meyillərini müəyyənləşdirən im-
perialist güclərin “Yaxın Şərq və Şimali Afrika əməliyyatı”na
haqq qazandırıldı. Əslində isə, işğal faktı baş vermiş böyük
bir siyasi coğrafiya infoimperialistlər tərəfindən qəsb edilmiş-
di. Regionun bütün resursları uzun müddət istismar ediləcək,
ölkələr etnik-dini və siyasi toqquşmanın ağuşuna atılacaqdı.
Transmilli media isə bu barədə bir kəlmə belə danışmadı.
Təbii ki, bütün bunlar “Böyük Ortadoğu və Genişləndirilmiş
Şimali Afrika Projesi”nin fonunda transmilli media struktur-
larının missiyası kontekstində səciyyələndirilməlidir.
Beləliklə, konkret faktlar əsasında müəyyən etdiyimiz
kimi, transmilli media strukturlarının fəaliyyət mexanizmi
beynəlxalq münasibətlər sistemi çərçivəsində dominant güc
kimi çıxış edən konkret milli aktorların maraqlarına xidmət
edir.
52
Əlbəttə ki, fikirlərimizi daha da konkretləşdirmək üçün
bir sıra transmilli media institutlarının fəaliyyətində konkret
detallar və faktlar əsasında toxunmaq məqsədəmüvafiqdir. Bu
kontekstdə müşahidə edilən başlıca reallıq və tendensiyalar-
dan biri də transmilli media strukturu olan BBC-nin fəaliyyə-
tində nəzərə çarpan informasiya manipulyasiyası və ideoloji
təzyiq elementləridir. Bu, bir gerçəklikdir ki, BBC hər zaman
konkret imperialist güclərin transmilli maraqlarına müvafiq
media fəaliyyəti sərgiləyib. Məhz buna görə də BBC-nin
fəaliyyət mexanizminin əsasında informasiya, resurslarının
lokal və qlobal şəbəkəsini formalaşdıran transmilli media
qurumlarının istinad etdikləri ən müxtəlif metod və vasitələr
xüsusi yer tutub. Bunlar sırasında isə siyasi-ideoloji səciyyəli
informasiya manipulyasiyası xüsusilə qeyd edilməlidir. Belə
ki, nəhəng güc mərkəzlərinin Yaxın Şərq əməliyyatı zamanı-
Əfqanıstan olayları, İraq müharibəsi, Yaxın Şərq və Şimali
Afrika hadisələri ərəfəsində BBC-nin sərgilədiyi mövqe və
istinad etdiyi metodlar, vasitələr bir daha bunu göstərdi ki,
bəhs edilən transmilli media institutunun fəaliyyəti obyektiv-
likdən uzaq şəkildə konkret imperialist güclərin hərbi-siyasi
ekspansiyasının ideoloji əsaslarına xidmət edir.
Digər tərəfdən, BBC-nin fəaliyyətində müşahidə edilən
başlıca reallıqlardan biri də müxtəlif dövlətlərə qarşı istifadə
edilən şantaj vasitələridir. Belə ki, bəhs edilən qurum beynəl-
xalq münasibətlər sisteminin müstəqil aktoru olan milli döv-
lətlərə və onların başçılarına qarşı müxtəlif məsələlər ətrafın-
da şantaj siyasəti həyata keçirir və bu sırada daha çox infor-
masiya manipulyasiyasına, qara piar komponentlərinə istinad
edir. Nəticədə dövlət rəsmiləri bir sıra hallarda güzəştə get-
mək, irəli sürülən tələbləri yerinə yetirmək məcburiyyətində
qalır. Azərbaycanda belə jurnalistika fəaliyyəti “rekert jurna-
53
listika” adlandırılır. Qlobal şirkət isə elə qlobal rekertdir. Bu-
nunla yanaşı, BBC-nin transmilli missiyalarından birini də
milli dövlətlərarası ziddiyyət yaratmaq təşkil edir. Yaxın Şərq
ölkələri arasında ziddiyyət yaratmaq naminə gündəmə gətiri-
lən məsələlər və dövriyyəyə buraxılan informasiyalar (əslin-
də, dezinformasiyalar) bunu sübut edən başlıca arqumentlər-
dəndir. Son olaraq, BBC “Eurovision” məsələsiylə bağlı
Azərbaycanın ünvanına ittihamlar səsləndirməklə bu məsələ-
ni siyasi manipulyasiya vasitəsinə çevirməyə çalışırdı.
Dolayısıyla, bütün bunlar ona dəlalət edir ki, transmilli
media institutu olan BBC öz fəaliyyəti ilə həm də ideoloji
təzyiq qrupu qismində çıxış edir.
Nəticə etibarilə, transmilli media institutları infoim-
perializmin transmilli məqsəd və niyyətlərinin həyata keçiril-
məsində strateji resurs qismində çıxış edir.
3.4. Beynəlxalq informasiya savaĢında yeni kibertex-
nologiyalar və texnoloji innovasiyalar spesifik strateji va-
sitə kimi
Bəşər sivilizasiyasının indiki mərhələsində kibertexno-
logiyanın inkişafı insanların sosial, mədəni, iqtisadi və siyasi
həyatında olduqca əhəmiyyətli yer tutan bir vasitəyə çevrilib.
Sosial innovasiya kimi qiymətləndirə biləcəyimiz bu hadisə,
eyni zamanda, kibertexnologiyalar vasitəsilə iki socialyönüm-
lü xüsusi fəlsəfi ideyanın, azadlıq və nəzarətin də məzmun və
mahiyyətinə yeni keyfiyyət dəyişiklikləri gətirib. Bu günə
qədər bəşər tarixində elə bir kommunikasiya vasitəsi olmayıb
ki, cəmiyyətin sosial münasibətlərini-fərdlərarası münasibət-
ləri, cəmiyyətdaxili institutlararası təmasları bu dərəcədə
asanlaşdırsın.
Dostları ilə paylaş: |