67
fonunda demokratik idarəetmə ilə bağlı başlıca məsələ həmin
peşəkar qrupların necə formalaşdırılmasıdır. Beləliklə, de-
mokratiya xalqın razılığı və iradəsi ilə elitanın leqal və legi-
tim idarəetməsidir. Bütün bunların fonunda hər bir cəmiy-
yətdə iyerarxik strukturların formalaşması obyektiv zərurətə
çevrilir. İqtisadi, siyasi, hərbi, maliyyə elitaları yaranır və
ayrı-ayrı sahələrdə idarəetmə funksiyasını yerinə yetirirlər.
Beləliklə, yuxarıda nəzərdən keçirdiyimiz demokratiya
modellərinin hər biri təcrübi gerçəklik baxımından müəyyən
üstünlüklərə və çatışmazlıqlara malikdir. Ən əsası, hər bir
model və onun əsasında yaradılmış nəzəriyyə və konsepsi-
yalar özündə bir və ya bir neçə strateji istiqaməti ehtiva
etdiyindən bütövlükdə kompleks məsələləri əhatə etmir və
demokratiyanın total mahiyyətini aşkar etməyə yetərli hesab
olunmur. Məhz buna görə də, bir çox araşdırmaçılar belə bir
mövqedən çıxış edirlər ki, mövcud modellərin siyasi reallığa
adekvat surətdə cavab verən əsas prinsipləri və xüsusiyyət-
lərini seçməklə yeni və daha təkmil model yaradılsın. Bu, elə
bir model olmalıdır ki, orada təcrübi gerçəkliklərə müvafiq
nəzəri təsbitlər və məsələlər yer alsın və utopik baxışlar
sistemi səciyyəsi daşımasın. Məhz belə bir model siyasi
praqmatizm nöqteyi-nəzərindən rasional prinsiplər, qanuna-
uyğunluqlar və mental xüsusiyyətlər əsas götürülməklə ha-
zırlana və təcrübi müstəviyə transfer edilə bilinər.
Demokratiya haqqında mövcud fikir və mülahizələrin
hamısı bir-birindən elmi, məntiqli, maraqlı və cəlbedici gö-
rünsə də, bütün hallarda nəzəriyyəçilərin ya qeyri-səmimiliyi,
ya da sonunadək izah edə bilməmələri açıq görünür. Bizim
qənaətimizcə, demokratiya haqqında ən kütləvi və ən
ümumiləşmiş fikir olan “demokratiya xalqın hakimiyyətidir,
yaxud çoxluğun insan hüquqları ilə məhdudlaşdırılmış haki-
68
miyyətidir” tezisi o qədər də doğru deyil. Xalqın hamısının
eyni vaxtda hakimiyyətdə olması praktik baxımdan gülünc-
dür. Belə olduqda, görəsən, hakimiyyət altında olanlar kim
olacaq?
Ona görə də, bu tezis daha çox ictimai ahəngdarlığı və
hormoniyanı qorumaq və azlığın (bir qrupun) hakimiyyətini
təmin etmək üçün düşünülmüş təbliğata bənzəyir. Demokra-
tiya bütün digər növ cəmiyyət quruluşu modelləri kimi,
cəmiyyətin təbii tələbatı olan qrup hakimiyyətini təmin edir.
Digər deyilənlər isə siyasi aksesurlardan başqa bir şey deyil.
Üstün cəhət isə sadəcə vaxtında seçkilərə getməklə hakim
qrupun təzələnməsidir. Hakimiyyətin mütləq məzmunu isə
hökm etməkdir. Bu, bütün cəmiyyətlərin yazılmamış ali
qanunudur.
Ancaq demokratiya üstün dəyər kimi bu gün daha çox
siyasi spekulyasiya vasitəsinə, hətta qlobal güc mərkəzlərinin
imperiya maraqlarının reallaşdırılmasına xidmət edən alətə
çevrilib. “Demokratiya” mərkəzlərindən ixrac edilən bu cür
“genetik modifikasiya olunmuş” demokratiya isə heç də
həqiqi demokratiya istəyən xalqların milli maraqlarına uyğun
gəlmir. Ancaq “demokratiya bazarı” imperialist “demokrat-
lar”ın inhisarında olduğu üçün “bazar”da başqa “mal”, alter-
nativ yoxdur. Biz mütləq demokratiya adı altında bizə sırı-
nanları almalıyıq. Ona görə də, nəzəriyyəyə çox da aludə
olmadan bütün hallarda milli və dövlət maraqları ilə
uzlaşmayan demokratiyadan imtina etmək lazımdır. Bizcə,
qloballaşan, hamınının bir-birinə bənzədilməsinə çalışılan
dünyada milli-mənəvi dəyərlərin qorunmasının ən düzgün
yolu budur.
Amma müxtəlif ölkələrin nümunəsində toplanılan empi-
rik faktlar belə bir nəticəyə gəlməyə əsas verir ki, modern
69
cəmiyyət və qeyri-formal milli dövlət quruculuğu vəzifəsinin
fonunda həyata keçirilən demokratik tranzit heç də xətti
sabitlik və dinamik inkişafın zəmanət altına alınması
mənasına gəlmir. Belə ki, mürəkkəb tarixi situasiyanın
fonunda əsası qoyulan tranzit prosesinin milli münasibətlər
zəminində davamlılığının təmin edilməsi lazımdır ki, ictimai-
siyasi müstəvidə sabitlik, ahəngdarlıq və dinamizm təmin
edilsin və reallaşdırılan siyasi-hüquqi islahatlar vasitəsilə
milli inkişaf strategiyası mərhələli surətdə həyata keçirilsin.
Məhz bundan sonra demokratik tranzitin bütün mərhələlərini
reallaşdırmaq mümkündür. Lakin demokratik tranzit
ərəfəsində olan bəzi ölkələrdə sistematik strateji tədbirlərin
müvafiq tələblərə, qanunauyğunluqlara və reallıqlara adekvat
surətdə həyata keçirilməməsi transformasiyanın natamam
xarakter almasına səbəb olur. Məhz belə bir situasiyanın
fonunda həmin cəmiyyətlərdə demokratik tranzit baş tutmur
və transformasiya avtoritarizmdən neoavtoritarizmə keçid
formasında təzahür olunur.
Bütün bu elmi-nəzəri müəyyənləşdirmələrə baxmaya-
raq, “demokratiya” və “demokratik tranzit” məsələsindən real
surətdə təsir vasitəsi kimi istifadə edilməkdədir. Daha da
dəqiqləşdirsək, modern beynəlxalq münasibətlər sisteminin
lokomotiv aktorları, əsasən də Anqlo-sakson ittifaqının nü-
mayəndələri və Avrosentristlər “demokratiya” və “insan haq-
ları” kimi formal institusional məfhumlardan xarici siyasət
vasitəsi kimi (xarici siyasətdə ideoloji təsir-nüfuz vasitəsi ) is-
tifadə etməkdədirlər.
Faktdır ki, beynəlxalq münasibətlər sisteminin təcrübi
məsələlərlə təsbit edilmiş mühüm nəzəri-empirik gerçəkliklə-
rindən biri də millətlərarası münasibətlərdə ideoloji, siyasi və
iqtisadi müstəvidə cərəyan edən proseslərdə ümumbəşəri
Dostları ilə paylaş: |