63
2.Dərsdə geri qalan şagirdlərə qayğı hansı formalarda göstərilə bilər?
3.Şagirdin fərdi xüsusiyyətlərini müəllim təlim zamanı nəzərə almasa və ya
ala bilməsə hansı nəticələrlə üzləşər?
4.Bəzilərinin dediklərinə görə, qabiliyyət tanrı vergisidirsə onun
formalaşdırlması ilə xüsusi məşğul olmaq nə dərəcədə məntiqlidir?
64
DÖRDÜNCÜ BÖLMƏ.
Təlim zamanı şagirdlərdə psixoloji qüvvələrin və
xüsusiyyətlərin inkişaf etdirilməsi
FƏSİL 8.
Təlim-tərbiyənin keyfiyyətinə psixoloji qüvvələrin təsiri təcrübəsi
1.Təlim və psixoloji inkişaf arasındakı qarşılıqlı əlaqə; bunu bilməyin
əhəmiyyəti.
Təlim ilə psixoloji qüvvələr arasında əlaqənin olduğu elmdə çoxdan
məlumdur. Təlim zamanı öyrənənlərin yaş, cinsi və fərdi xüsusiyyətlərini nəzərə
almağın vacibliyi alimlər arasında mübahisə doğurmur. Hamı – uşaq da, yaşlı
adam da öz şəxsi həyatında duyur ki, məsələn, hafizəsi möhkəm olan şəxs
eşitdiyini, gördüyünü və ya oxuduğunu yadında yaxşı saxlayır; belə adam
hafizəsində möhkəm qalan məlumatlardan istədiyi vaxt istifadə edə bilir və belə
keyfiyyətə malik olan şəxs həyatda uğur qazanır. Hafizənin möhkəmliyi təhsil
almaqda xüsusilə əhəmiyyətlidir.
Hafizəsi zəif olan şəxs başqaları ilə ünsiyyətdə, fəaliyyətdə, o cümlədən
təhsildə xeyli çətinliklərlə üzləşir; nəyisə yada salmaq istəyəndə hafizənin zəifliyi
başqaları yanında onun üzünü qara edir; zəif hafizə sahibi həyatda, fəaliyyətdə,
xüsusən təhsildə xeyli çətinlik çəkir.
Deyilənlər təxəyyül, təfəkkür, iradə, diqqət kimi psixoloji qüvvələrə də
aiddir. Adamlar nəinki yaş xüsusiyyətləri, cinsi xüsusiyyətləri cəhətdən, həm də
psixoloji qüvvələrin keyfiyyəyləri cəhətdən fərqlənirlər. Bu səbəbdən də alimlər
məsləhət görürlər ki, təlim zamanı adamların psixoloji xüsusiyyətləri nəzərə
alınsın.
Bu problemin digər tərəfi keçən əsrin əvvəllərindən xüsusiylə intensiv
müazkirə olunur: təlim zamanı dinləyicilərin psixoloji qüvvələrini inkişaf etdirmək
olarmı?
Psixoloqların və pedaqoqların apardıqları tədqiqatlar suala müsbət cavab
verir: bəli, təlim-tərbiyə işi, obyektiv olaraq, müəllimin istəyindən asыlı olmayaraq,
65
şagirdlərdə və tələbələrdə psixoloji qüvvələrin inkişafına müəyyən dərəcədə
müsbət təsir göstərir.
Bu həyat təcrübəsindən başqa sual yaranır: müəllimin istəyi ilə təlimi elə
təşkil etmək olarmı ki, şagirdlərdə intensiv formalaşdırılan hafizə, təxəyyül,
təfəkkür, iradə, diqqət və s. psixoloji qüvvələr təlimin sonrakı mərhələsinin
səmərəsini nəzərə çarpacaq dərəcədə artırsın? Etiraf edək ki, son zamanlar
aparılan tədqiqatlar və qabaqcıl müəllimlərin təcrübəsi bu suala da müsbət cavab
verir.
Respublikamızın bəzi müəllimləri öz dərslərində yeri gəldikcə şagirdləri
fəallaşdıran müasir üsullardan, o cümlədən rollu oyunlardan, kublaşdırmadan,
müzakirədən, problemli situasiyadan, əqli hücumdan, BİBO üsulundan, ziqzaq
üsulundan, tədqiqat üsulundan, şaxələndirmə üsulundan, beşlikdən, Blum
taksonomiyasından və s-dən istifadə edirlər. Bu üsullardan istifadə edilən dərslərin
müşahidəsindən görünür ki, dərsdə şagirdlərin fəallığı, şüurluluğu artдыqca,
nitqləri və mühakimələri təkmilləşdikcə, iradə, diqqət, hafizə, təxəyyül, təfəkkür
kimi psixoloji qüvvələri də intensiv inkişaf edir. Nəticədə növbəti məşğələlərin
səmərəliliyi artır.
Sual olunur: dərs zamanı şagirdləri fəallaşdıran, oların təşəbbüskarlığını
artıran müasir üsullardan istifadə etməyin tələbəyə dəxli varmı? Bəli, var! Özü də
iki cəhətdən. Əvvəla, yeni iş üsullarının faydalı olduğundan bir tələbə kimi özü
üçün nəticə çıxarır, özünü təkmilləşdirir. İkincisи, özünü gələcək sinif
müəllimliyinə hazırlamalı olur, dərsin səmərəsini artırmağın yollarını öyrənir.
Təlim zamanı şagirdlərdə psixoloji qüvvələri inkişaf etdirməyin yollarını
konkretləşdirən təcrübəyə müraciət edək.
2. Dərs zamanı şagirdlərdə diqqəti inkişaf etdirmək təcrübəsi.
Sinif müəllimi psixoloji qüvvələrin, o cümlədən diqqətin həyatda, xüsusən
təhsildə rolunu daim yadda saxlamalıdır. Çünki təlimdə onun uğur qazanmasına
imkan verəcək psixoloji qüvvələrdən biri şagirdlərindəki mövcud diqqətlilik
dərəcəsidir. Oxuyan, yazan, dinləyən şagird dərsdə nə qədər diqqətli olursa bir o
qədər uğurla təhsil alır. Bu cür şagirdlərlə müəllimin təlim işi müvəffəqiyyətli
cərəyan edir, irəliləmə tempi artır. Diqqəti tez-tez yayınan şagird yazıda da, oxuda
da, dinləməkdə də qüsurlara yol verir; özü çətinlik çəkdiyi kimi müəlliminin işini
xeyli mürəkkəbləşdirir; müəllim belə şagirdə əlavə vaxt sərf etməli olur; onun iş
əmsalı azalır, “Diqqət biliyin qapısıdır” deyənlər yanılmır. Sinif müəllimi
çalışmalıdır ki, birinci sinfə qəbul olunan şagirdlərdə diqqətliliyin səviyyəsi ilə
66
maraqlansın, diqqəti zəif olan, diqqəti tez-tez yayınanlara əlavə qayğı göstərsin.
Nəcə? Necəliyi bir neçə misalda aydınlaşdıraq. Müəllim dərsboyu şagirdlərə
tapşırıqlar verir, onların qarşısında suallar qoyur, lövhədə nəsə yazır,
köçürülməsini xahiş edir və s. və i. a.
Təcrübəli müəllim hər dəfə tapşırığın, sualın bütün şagirdlər tərəfindən
eşidilib-eşidilmədiyini müəyyənləşdirir. Tapşırığı və ya sualı eşitməyən olduqda
şagirdlərdən birinə təkrar etdirir; diqqəti yayınanın nəzərinə çatdırır, diqqətli
olmasını xahiş edir. Müəllimin göstərişi ilə şagirdlər tapşırıq üzərində işləyirlər.
Müəllim kimin necə işlədiyi, diqqətin yayınıb-yayınmadığı üzərində nəzarət qoyur,
diqqəti yayınana xəbərdarlıq edir. Tapşırığı səliqəli, keyfiyyətli icra edən şagirdləri
adlandıran, belələrini həvəsləndirən müəllimlərimiz az deyil. Bu müəllimlərin
işində yaxşı cəhət həm də odur ki, onlar şagirdlərin uğurlarını sadəcə dilə
gətirməklə kifayətlənmirlər; müvəffəqiyyətin səbəblərini də açmağa çalışırlar,
tapşırığı yerinə yetirərkən daim diqqətli olduqlarını, heç bir kənar işlə məşğul
olmadıqlarını qeyd edirlər.
Dərsdə şagirdlərin fəaliyyətinin başqa cəhətinə nəzər salaq. Müəllim danışan
zaman şagirdlərin diqqətlilik dərəcəsi də onun maraq dairəsində olmalıdır. Burada
da qabaqcıl müəllimlərin təcrübəsinə müraciət etmək faydalı olardı. Müəllim
danışan zaman həm sinifdəki bütün şagirdləri, həm də özünü nəzarətdə saxlamаlı
olur. Çalışır ki, kimin nə ilə məşğul olduğunu, kimin diqqətlə qulaq asdığını, kimin
isə diqqətinin yayındığını müəyyənləşdirsin; o, sonuncu hal baş verdikdə müəyyən
pedaqoji təдbir görür, məsələn, kitaba baxan, nəsə yazan, yaxud yoldaşı ilə
danışan və ya gözlərini harasa zilləyən şagirdə deyir:
-Yaqut, mənim sonuncu fikrim nə oldu? Təkrar et!
Şagird ayağa qalxır, lakin bir söz deyə bilmir. Müəllim səbəbini soruşur.
Yaqut cavab verir:
-Müəllim, bağışlayın, eşitmədim.
Müəllim bu dəfə həmiн sualla sinfə müraciət edir. Şagirdlərin böyük
əksəriyyəti əlлərini qaldırır. Müəllimin məsləhəti ilə onlardan biri сялис cavab verir.
Müəllim əlavə edir:
-Baxın, adam diqqətli olanda belə düzgün cavab verə bilir.
- Няинки сual verən, щятта cavab verən şagirdə qalan şagirdlərin
münasibətлярində də diqqəti tərbiyə etmək imkanları var. Təcrübəli müəllim
şagirdlərdən birиня sual verir və qalan şagirdlərə tapşırır ki, diqqətlə qulaq assınlar.
Dostları ilə paylaş: |