53
şagirdlərdə yaradıcılıq qabiliyyətlərinin inkişafına təkan verir: Uşaqlar
müstəqil düşünərək olduqca müxtəlif fikirlər söyləyirlər. Üçüncüsü, suallardan
bəziləri şagirdləri müqayisələr aparmağa, müstəqil mühakimələr yürütməyə
təhrik edir. 4-cü sual (Şəkildə Azərbaycan şahını tapın və onun şah olduğunu
sübut edin) buna misal ola bilər. Şagirdlər şəkildəki əlində qılınc dayanan
şəxsi, öküzə güc gələn pəhləvanı, taxtda oturan insanı və digərlərini nəzərdən
keçirəndən, onların kimliyini izah edəndən sonra belə qənaətə gəlirlər ki,
oturan şəxs şahdır. Dördncüsü, şəkillə əlaqədar şagirdlər qarşısında qoyulan
sual elə ifadə olunur ki, tarixi hadisələri müasir dövr hadisələri ilə
tutuşduraraq cavablandırmaq mümkün olsun. 6-cı sual və ona verilən cavablar
buna misal ola bilər. Sual belə idi: Qədim dövrlərdə döyüş zamanı hansı
silahlardan istifadə olunarmış? Şəkil əsasında suala diqqət yetirən şagirdlər
avtomat, pistolet, tüfəng, top, raket kimi müasir silahları xatırlasalar da qılınc,
qalxan, ox, nizə kimi silahları dilə gətirirlər. Beşincisi, şagirdlərdə diqqətliliyin,
iradi keyfiyyətlərin, təxəyyülün, təfəkkürün, nitqin inkişafına təkan verən
suallar da vardır. İkinci sual (Azərbaycan xalqının tarixi qəhrəmanlarından
kimlərin obrazları şəkildə əks olunmuşdur?), 3-cü sual (Şəklə baxanda
Azərbaycan xalqının hansı tarixi döyüşləri yadınıza düşür?), 7-ci sual (Şəklin
sağında aşağıda oturan qadın nə barədə düşünür?) kimi suallar və həmin
suallar ətrafında şagirdlərin fikirləri buna misal ola bilər.
Göründüyü kimi, bir şəkil, şer, hekayə ilə əlaqədar bir neчə psixoloji
qüvvələrin inkişafına istiqamət vermək olur. Bununla yanaşı, hər hansı şəklin
və ya mətnin (şeиrin, hekayənin) mahiyyətini şagirdlərin dərk etməsi üçün
diqqətin iradənin, hafizənin, təxəyyülün, təfəkkürün bilərəkdən işə salınması
müstəsna əhəmiyyət kəsb edir. Bunsuz şəkil haqqında uşaqlarda yalnız
ümumu təəssürat yaranır; yuxarıda sadaladığımız psixoloji qüvvələr şəklə
baxarkən şüurlu olaraq şagirdlərin fəaliyyətlərinə qoşulduqda iki vacib vəzifə
yerinə yetirilir: Bir tərəfdən şagirdlərdə diqqət, iradə, təfəkkür və s. psixoloji
гцввяляр inkişaf edir; digər tərəfdən də psixoloji qüvvələri inkişafda olan
54
şagirdlər hadisənin (şəklin, mətnin) mahiyyətini şüurlu surətdə mənimsəmiş
olurlar.
Yönəldici və düşündürücü çalışmalar.
1. Təlimin təhsilləndirici, tərbiyələndirici və inkişafetdirici vəzifələrini
vəhdətdə həyata keçirəndə və keçirməyəndə nəticə necə olur?
2. Təlimdə tərbiyəvi imkanların üzə çıxarılması nə üçün zəruridir?
3. Təlimdəki tərbiyə imkanlarının reallaşdırılmasının faydası nədədir?
4. Təlimdə psixoloji inkişaf imkanlarını aşkar etmək nə üçün vacibdir?
5. Təlimdə psixoloji qüvvələri inkişaf etdirmək tələbəyə, gələcəkdə sinif
müəlliminə və şagirdlərə nə verir?
55
FƏSİL 7
Dərsin tərbiyələndirici imkanlarından istifadə təcrübəsi.
1.Dərs zamanı şagirdlərin nümunəvi davranışlarının və uğurlarının
müəllim tərəfindən rəğbətləndirilməsi təcrübəsi.
Yuxarıda dərsin bəzi cəhətlərinin, o cümlədən zənglə əlaqədar, ev
tapşırıqları, müəllimin nitqinə münasibətlə bağlı tərbiyə imkanlarının
olduğuna və bu imkanlardan istifadənin əhəmiyyətinə toxunmuşuq. Dərsin
tərbiyəvi imkanları deyilənlərlə bitmir. Belə imkanlar kifayət qədərdir.
Şagirdlərin nümunəvi davranışına və uğurlarına, çətin tərbiyə olunanlara,
dərsdə geri qalanlara, xüsusi qabiliyyətli şagirdlərə münasibət və s. məsələlər
buna misal ola bilər. Bu cür hallara müəllimlərin münasibətləri, təяssüf ki,
birmənalı olmur.
Ayrı-ayrı şagirdlərin dərsdə nümunəvi davranışına və uğurlarına
müəllimlərimizin münasibətlərinə diqqət yetirək. Müşahidələr göstərir ki, aşağı
siniflərdə tədris edilən Azərbaycan dilindən də, riyaziyyatdan da, musiqidən
də, təsviri sənətdən də, digər fənlərdən də ayrı-ayrı şagirdlərin uğuru
müəllimini də, valideynlərini də sevindirir. Müəllim belə şagirdi yoldaşlarına
nümunə gətirir və hərdəн deyir:
-Bax, belə oxuyarlaр!
Söz yoxdur ki, uğurla oxuyan şagirdin sinifdə nümunə kimi qeyd
edilməsi tərbiyə cəhətdən əhəmiyyətlidir; sinifdəki yoldaşları ondan nümunə
götürə bilərlər. Lakin düşünürük ki, uğurla təlim-tərbiyə alan şagirdin
nümunəsi bir şərtlə daha güclü tərbiyəvi təsir göstərə bilər: biz uğurlu fəaliyyəti
56
səciyyələndirən əlamətlərin müəllim tərəfindən sinif qarşısında açılmasını
nəzərdə tuturuq. Şagirdlər yəqin edəрdilər ki, yaxşı oxumağın sirri dərsdə son
dərəcə diqqətli olmaqdadır, müəllimin şərhinə, yoldaşlarının dediklərinə
diqqətlə qulaq asmağı bacarmaqdadır, oxuduğu şeиrdə, yaxud hekayədə rast
gəldiyi sözlərin mənasını başa düşməyə çalışmaqdadır, evə verilən tapşırıqları
vaxtında və səliqəli yerinə yetirməkdədir.
Nümunəvi oxuyan şagirdin fəaliyyətindəki xüsusiyyətlərin yoldaşlarının
gözü qarşısında çözələnməsi onları daha çox maraqlandırыr və konkret
əlamətləri əхs edirlər.
Başqa səciyyəli nümunəyə müəllim münasibətlərinin də şahidi olmuşuq.
Şagirdlərdən biri riyaziyйat sahəsində, digəri səliqəli yazıda, üçüncüsü
nəğmədə, daha birisi təsviri sənətdə və s. sahədə fərqlənir. Sual olunur:
Nümunənin bu cür təzahür formalarına müəllimlərin münasibəti necədir?
Müxtəlif! Müəllimlər var ki, şagirddə təhsilin yalnız bircə cəhətində qabilyyət
nişanəsi gördüyündən, qalan fənlər üzrə isə çətinlik çəkdiyi üçün onu danlayır.
Bəla həm də burasındadır ki, belə müəllim şagirdin çətinliklərinin səbəbləri ilə
maraqlanmır, ona məsləhət verə, yol göstərə bilmir.
Yuxarыda qeyd etdiyimiz kimi, həm təhsildə müvəffəqiyyətin səbəblərini,
həm də uğursuzluğun səbəblərini bəzi müəllimlərin açmadığının nədən irəli
gəldiyi indi başa düşülür. Başa düşülür ki, vaxtı ilə ali pedaqoji təhsil alarkən
təlim zamanı şagirdlərin uğurlu və ya uğursuz fəaliyyət göstərmələrinin
psixoloji mexanizmlə, psixoloji qüvvələrlə bağlılığı tələbələrə öyrədilməmişdir.
Məhz bu cəhətdən də ali təhsilli sinif müəllimi kimi kadrların hazırlanmasında
islahat zərurətə çevrilmişdir.
2. Dərsdə geri qalan şagirdlərə qayğılı münasibət göstərilməsi
təcrübəsindən.
Yuxarda qeyd etdiyimiz kimi, şagirdlər arаsında təlimdə geri qalma
halları olur. Təhsil sahəsində geri qalma halları ən ciddi, ən köklü
problemlərdən biridir. Nə üçün? Çünki geri qalma halları yalnız belə
şagirdlərin özlərinin problemləri deyil, mənəvi cəhətdən sıxıntı çəkmək,
Dostları ilə paylaş: |