4
KIRISH
Biznes qiymatini baholash iqtisodiy fandagi eng istiqbolli yo‘nalishlardan
biri bo‘lib, boshqarish, hisob va tahlil sohasidagi nazariy ishlanmalarni ham, ushbu
fan doirasida yaratilgan amaliy yondashuvlarni ham o‘zida
muvaffaqiyatli
mujassamlashtiradi. Mubolag‘asiz shuni aytish mumkinki, biznes qiymatini
baholash – bu o‘ziga hos san’at bo‘lib, nazariya va amaliyotni puxta o‘rganishni
talab etadi. Bunday puxta o‘rganishsiz tayyor holdagi ilmiy tavsiyanomalar
mutlaqo foyda bermaydi.
Hozirgi paytda biznes qiymatini baholash bo‘yicha bir qator batafsil
qo‘llanmalar bor.
Lekin mualliflarninig fikricha, ularning hammasida bitta jiddiy
nuqson bor – ular iqtisodiy mutaxassislikdagi oliygohlar talabalarining real o‘quv
rejalarini hisobga olmaydi. Ko‘pincha darsliklar bir nechta mualliflar tomonidan
yoziladi, shuning uchun hatto bir darslikning ichida ham material turlicha bayon
etiladi.
Taklif etiladigan qo‘llanma o‘quvchini biznes qiymatini baholashning eng
muhim bo‘limlari bilan tanishtiradi hamda u magistratura ta’limi
doirasida
o‘zlashtirayotganlarga yordam berish uchun mo‘ljallangan.
Birinchi bobda biznes qiymatini baholashning mohiyati, maqsadlari va
vazifalari haqida gapirib beriladi. Ikkinchi bobda moliyaviy hisobotni tuzishda
ishlatiladigan asosiy tushunchalar eslatiladi. Tovar-moddiy boyliklarning
zaxiralarini baholash – uchinchi bobning mavzuidir.
Jihoz-uskunalar eskirishini
hisoblashning asosiy usullari to‘rtinchi bobda ko‘rib chiqilgan. Hisobot davrining
oxiriga kelib qarzdorlikni hisoblash beshinchi bobda o‘rganiladi. Korxona
faoliyatining natijalarini tahlil qilish oltinchi bobda amalga oshiriladi.
Ettinchi va sakkizinchi boblar moliyaviy matematika uchun ajratilgan
(moliyaviy matematikaning asosiy tushunchalari,
sodda va murakkab foizlar,
moliyaviy oqimlarning modellari, aksiyalar, obligatsiyalar). To‘qqizinchi
bobda investorlarning daromadlari va foydani shakllantirish kanallarining
tahlili keltiriladi.
Xarajatlar hisobi, ishlab chiqarish omillari va xarajatlar,
zararsizlik
5
tahlili – bu o‘ninchi va o‘n birinchi boblarning mavzusidir.
O‘n ikkinchi bobda aniqlik sharoitida investitsiyalarni baholash usullari
tahlil qilinadi. Inflyasiya va uning investitsion loyihalarga ta’siri hamda
investitsion loyihaning ehtimollik daraxti tuzilishini – o‘n uchinchi va o‘n
to‘rtinchi bobda o‘quvchi bilib oladi.
Kapitalning qiymati – o‘n beshinchi bobning mavzui. O‘n oltinchi bobda
moliyaviy aktivlarni baholash modeli ko‘rib chiqiladi va asosiy vositalarning
harakati va texnik holati tahlil qilinadi. Korxonaning moliyaviy holatini reyting
baholash usullari o‘n ettinchi bobda ko‘rib chiqilgan.
O‘n sakkizinchi, o‘n to‘qqizinchi va yigirmanchi
boblarda korxona
qiymatini baholashning xarajat, qiyosiy va daromad yondashuvlari o‘rganiladi
hamda baholash yondashuvlarini qiyosiy tahlil qilish amalga oshiriladi.
Yigirma birinchi bobdan o‘quvchi pul oqimlari bo‘lmagan korxonalarni
baholash va kapital tarkibi o‘zgarganda korxonalarni baholashni qanday
amalga oshirish haqida bilib oladi, korxona iqtisodiy qiymatining tahlilini
o‘rganadi.
Yigirma ikkinchi bobda opsionlar, opsion narxining shakllanishi va real
opsion modellari haqida gap boradi.
Korxonalarning birlashuvi, er uchastkasi
va gudvill qiymatini baholash yigirma uchinchi bobda ko‘rib chiqiladi.
Yigirma to‘rtinchi bobda risk (xatar)ni baholash uchun matematik
kutilma va standart chetlashuvni qo‘llash hamda royaltidan ozod qilish usuli
haqida gap boradi.
Kashfiyot, tovar belgisi va huquqiy himoyalangan sanoat mulki
ob’ektlari qiymatini baholash – yigirma beshinchi bobning mavzuidir.
Baholash natijalarini kelishish va ko‘chmas mulkka
investitsiya kiritish
riski yigirma oltinchi bobda ko‘rib chiqiladi. Bozor ijara haqini hisoblash va
aksiyaning qisqa balans qiymati yigirma ettinchi bobda o‘rganiladi.
Yigirma sakkizinchi bobda o‘quvchi korxonaning muvozanatli o‘sishi
hamda kichik va o‘rta biznes ob’ektlarining qiymati haqida bilib oladi.
Butun material boblarga, boblar esa – paragraflarga bo‘lingan. Har bir
6
paragraf – alohida mavzudir. Paragrafning boshida nazariy bilimlarning zaruriy
minimal miqdori beriladi, keyin model misollari batafsil tahlil qilinadi. Qanday
qilib Excelning ichki qurilgan funksiyalari va «Tahlil paketi» paket ustqurmasi
yordamida uzoq va og‘ir hisob-kitoblardan voz kechish mumkinligi
ko‘rsatilgan. Har bir misoldan keyin mustaqil echish uchun masala keltiriladi.
Barcha masalalarning javoblari kitobning oxirida berilgan. SHuningdek, o‘quv
qo‘llanmada kursning nazorat ishlari uchun masalalar bor.
O‘quv qo‘llanmani yozishda mualliflar mahalliy
va xalqaro nashrlardan,
o‘zlarining chop etilgan ishlari hamda “Baholash ishi” ta’lim yo‘nalishi bo‘yicha
o‘qilgan ma’ruza va amaliy mashg‘ulotlar materiallaridan foydalanganlar.