19
“Əgər mən onu (islamı – E.M) müdafiə etmək istəyirəm-
sə, ...bütün imamların (alimlərin) görüşlərini nəzərdən keçi-
rim, bütün adətkərdə və qeyri-ənənəvi yanaşmalardan fay-
dalanım...
Əbu Hənifənin qalasında qərar tapıb zəkatdan, İbn Tey-
miyyənin qalasında qərar tapıb talaqdan, İmam Malikin də
qalasında dayanıb qidalar... haqda danışmağım qəbahət de-
yildir. Onlar islamın qüdrətli simaları, risalətin cəfakeşləri-
dir! Qarşılaşdığım problemlərin həllində onların görüşlərini
özümə həmdəm seçməyim, hər halda, qəbahət deyildir...”.
Həmçinin, bu fəsildə uydurma hədislərin “əlamət”lərin-
dən, müsəlman qadın alimlər və Sünnəyə xidmət proble-
mindən, “ahad” və “mütəvatir” hədis məfhumlarından, səhih
hədislərin mötəbərliyində qətilik dərəcəsi və digər məsələlər-
dən söhbət açılır.
Kitab ərəb dili və ədəbiyyatı ilə əlaqəli bəzi problemlərin
tədqiqata cəlb edilməsi ilə baş çatır.
Bir məsələni də qeyd edək ki, kitabda mərhum müəllifin
şikayətləndiyi əsas məsələlərdən biri alimlərə hörmətin qo-
yulmamağıdır. Ustad Qəzali bizdən istəyir ki, ümmətin alim-
lərinə ehtiram bəsləyək.
Ümumiyyətlə, alim bizdən tələb edir ki, dinimizə müna-
sibətdə şüurlu davranaq, real düşünək, prioritetlərimizi
müəyyənləşdirək, fikir mirasımıza dirigözlə baxaq, dinin tö-
rəmə məsələlərində bizdən fərqli düşünən qardaşlarımıza
yağı kəsilməyək, mübahisəyə açıq mövzularda mərəkə qo-
parmayaq, alimlərimizə hörmət qoyaq – bir sözlə, Allahın
razı qaldığı müsəlmana çevrilək.
20
Əziz oxucu! Təqdim etdiyimiz bu kitabı mütaliə etməklə
sən islam fikrinə səyahət edəcək, müsəlman dünyasının keçmiş
və indiki reallığı ilə tanış olacaqsan. Bu da öz növbəsində zeh-
ninə hakim kəsilmiş səhv təsəvvürləri redaktə edəcək, yəqin
biliklərini də möhkəmlədəcəkdir.
Sonda əziz oxucudan təmənnam budur ki, dualarında
mərhum müəllifi də, Allahın əfvinə möhtac tərcüməçini də
unutmasın.
Elvüsal Məmmədov
AMEA akad. Z.M. Bünyadov adına Şərqşünaslıq İnstitutunun əməkdaşı,
fəlsəfə üzrə fəlsəfə doktoru, dinşünas
21
ÖN SÖZ
Həm peyğəmbərlərdən bizə miras qalmış, həm əsas xü-
susiyyətləri risalətimiz
∗
də əks olunmuş, həm də xəta və əy-
riliklərdən təmizlənmiş təlimlər iki böyük həqiqətə əsaslanır:
“a) Dini doğru-dürüst tutun (qoruyub saxlayın);
b) onda ayrılığa düşməyin!”
1
Dini doğru-dürüst tutmaq dedikdə bütün dərəcələri çər-
çivəsində imanın “özül”ünü bərkidib, “talvar”ını genişləndir-
məklə yanaşı, həmin özülün üstündə, talvarın da altında indi-
ki və gələcək nəsilləri yetişdirmək başa düşülür.
“Dində ayrılığa düşmək olmaz!” qadağasına gəlincə, söhbət
canlı sistemə çağırışdan gedir. Canlı sistem öz-özlüyündə
parçalanmayan, bütün komponentləri və hissələrinə həyat
duyğusu bəxş edən sistemdir. Belə sistem bir məqsədə doğru
istiqamət götürdükdə bütün komponentləri böyük əzmkarlıq
içərisində onunla yanaşı addımlayar; kimsə kimsədən geri qal-
maz.
“Dini doğru-dürüst tutun (qoruyub saxlayın), onda ayrı-
lığa düşməyin!” – çəpərlə hasara alınmış vahid sistemdir! Nə
üçün? Çünki düşmənlər pusqudadırlar! Bu sistemi gözləri gö-
∗
Risalət: ilahi missiya; haqqı yayıb ədaləti bərqərar etmək vəzifəsi –
tərcüməçinin qeydi
.
1
“əş-Şura” surəsi, 13-cü ayə.
22
türmür və onlar ona nifrət edir, əleyhinə tədbir tökür-
lər.
Onlar tövhid inancına, ona əsaslanan hər bir şeyə ikrah
bəsləyirlər, hikkə ilə özlərindən çıxırlar, müsəlmanlara qaşqa-
baqlı, tutqun nəzərlərlə baxaraq deyirlər: “Ey insanlar, əgər
onlar sizə rəhbər olsalar, sizi daşqalaq edib, zorla müsəl-
manlaşdıracaqlar. Siz də bundan sonra heç vaxt uğur tapma-
yacaqsınız”.
Bu səbəbdən Qurani-Kərim haqq carçılarının nə etməli
olduqlarını yığcam şəkildə göstərib:
“Dini doğru-dürüst tutun (qoruyub saxlayın), onda ayrılığa
düşməyin”.
Söylənilməsi asan, əməl edilməsi çətin olan iki cümlə!
Müsəlman ümmətinə nəzər salır, halına məəttəl qalıram.
Mən və bir müsəlman dostum bütün vacib etiqad prin-
siplərinə inanırıq, dini öhdəlikləri yerinə yetirməyə ömür sərf
edirik. Bununla yanaşı, müştərək məsələlərin
∗
çoxuna etina-
sızlıq göstərir, bəzi mübahisəli mövzuları gülərüzlə qarşıla-
yıb alqış tuturuq! Məsələn, mən və o inanırıq ki, Allah var-
dır, təkdir, ortağı yoxdur, məxluqata oxşamır:
“...Ona bənzər heç bir şey yoxdur. O, (hər şeyi) eşidəndir,
(hər şeyi) görəndir!” (əş-Şura, 11).
∗
Məzhəbindən, düşüncəsindən asılı olmayaraq, bütün müsəlmanların
yekdilliklə qəbul etdikləri məsələlər nəzərdə tutulur. Allahın təkliyi,
peyğəmbərlərin göndərilməsi, cənnət və cəhənnəmin mövcudluğu, na-
mazın vacib ibadət hesab olunması və s. bu kimi məsələlərdəndir –
tərcüməçinin qeydi
.
Dostları ilə paylaş: |