______________________________________________________ Poetika.izm
118
XX əsrdə modernizm və postmodernizm kimi ədəbi düşüncə yarat-
mış olan bir sivilizasiya bunun ardınca bir də "hamburgerlərin, pepsilərin"
vətəninə çevrildi. Bu gün həmin mədəniyyətin maddəsi – materialist tə-
biətindən gələn bir "koka-kolonizasiya" bir "madonaldizm" var. Düşüncə-
nin, ruhun bir də bu yolla əsarəti standartlarla yaşamağa daha çox məcbur
etməkdədir. Başqa sözlə, kütlə psixologiyası belə bir zamanda fərdi, hətta
qüvvətli ola bilən "mən"ini üstələyə bilir. İndivid təklənməkdən sadəcə
çəkinmir, ondan dəhşətli dərəcədə qorxur da. Bu cəmiyyətdə qəbul olunan
ölçülərlə yaşaya bilməmək, qəbul etməmək və qəbul olunmamaq ölümü
gözə almağa bərabərdi. Belə bir ölüm cismani olmaya da bilir. Səbəb bu
cəmiyyətdə bəlkə məcnunluğa yer qalmamasıdır. Belə bir yerdə hər şey
mənfəətə söykəndiyindən hər nə varsa hərfi mənada qəbul edilir. İnsanın
özü-özündən usanıb dəliyə döndüyü bu yerdə məcnunluq ariflik demək
deyil. Buradakı divanəlik sadəcə olaraq, dəlilikdir və kimsə üçün maraqlı
deyil. Hər kəsin hər kəsə yad olduğu bir yerdə qüvvətli fərdiyyətilə se-
çilən şəxsiyyətin qarşı dayanacağı kütlə və mürəkkəblik dolu mühit də
yoxdur.
İnsanı bu şərtlər daxilində yaşadan cəmiyyət postindustrial, bu cə-
miyyətin yetişdirdiyi mədəniyyət və incəsənət postmodern adlanır.
Ədəbiyyatda postmodernizmin yaranması ilk növbədə Avropa və
Amerika kimi inkişaf etmiş ölkələrdə mövcud şəraitə qarşı antoqonist
reaksiyada özünü göstərir [1]. Postmodernizm məfhumu ilk dəfə Arnold
Toynbi tərəfindən 1946-cı ildə irəli sürülür. A.Toynbi 1875-ci ildən Qərbi
Avropa mədəniyyətində baş verən əsaslı dəyişikliyi beynəlxalq münasi-
bətlərin qlobal xarakteri ilə izah edir.
1917-ci ildə Rudolf Pannvitsa "Avropa mədəniyyətinin böhranı"
adlı kitabında "postmodern insan"dan bəhs edir. Ədəbiyyatda isə Lesli
Fidlerin "Sərhədləri dağıdın" məqaləsi böyük dəyişikliklərdən xəbər ve-
rirdi. L.Fidler Coys, Prust və Eliotun yaradıcılığındakı modernist "eli-
tarlığı" ruhi-mənəvi
zənginlik kimi deyil, yoxsulluq kimi qiymətləndirirdi.
"Sərhədlərin pozulması" kütlə ilə elitar təbəqə arasındakı fərqi aradan
götürə bilər. Bu isə, Filderə görə, tamaşaçı və sənətkarın bütövlüyü, bir-
liyi, ikincisi, ədəbiyyatın geniş imkanları deməkdir. Çünki kütlədə elitar
olanı, elitarlıqda kütləni təmsil etmək sənətkarın dünyagörüşündə ikilik,
haçalama yaradır.
Müasir dövrün aparıcı istiqamətlərindən olan postmodernizm post-
stukturalizm və dekonstruktivizmin nəzəriyyəsi və praktikasına əsaslanır.
Postmodernizmin bədii təzahürü ilk dəfə ABŞ-da incəsənətin vizual
formalarından – arxitektura, heykəltəraşlıq, rəngkarlıq, videoklip və di-
zaynda özünü büruzə verir. Nəzəriyyənin postmodernizm məfhumuna
münasibəti və dəyərləndirməsi isə bir qədər gec baş verir. Bəzi tədqi-
qatçılar bunun səbəbini estetikada mövcud olan "balkançılıq" tendensi-
______________________________________________________ Poetika.izm
119
yaları ilə əlaqələndirir [2].
Postmodernizm ətrafında gedən diskussiyalar XX əsrin 80-ci illərin-
dən daha geniş vüsət alır. Duqlas Devisin "Bədii sənət: Postmodernizm
haqqında esse" (1977), Akill Benito Olivinin "Müasir avanqard haqqında
esse" (1982), O.Steyner "Ritorikanın rəngləri". "Müasir ədəbiyyat və
rəngkarlıq arasındakı əlaqələr" (1982) bu illərin məhsuludur.
Postmodernizmin estetik mahiyyəti İ.Xassan, D.Lodiya, K.Batler,
D.Fokkemu, U.Xabermas, Y.Liotar [3] və s. ədəbiyyatşünas və filosoflar
tərəfindən tədqiq olunur.
Postmodernizm və onun nəzəri dərki modernizmlə "epistomoloji
ayrılması" sayəsində təşəkkül tapdı. Müasir Qərb alimləri postmodernizm
və modernizm nisbətinin aydın təsəvvürünü yarada bilmirlər. Qerxard
Xopman, Alfred Xornunq və R.Kunov modernist və postmodernist ədə-
biyyat arasındakı radikal uyğunsuzluğun olmasını iddia edirlər. Syuzan
Süleyman isə modernizm və postmodernizm arasında hər hansı ciddi
qarşıdurma olmasını inkar edir.
Postmodernizm ədəbiyyatda, incəsənətdə, sosiologiyada, fəlsəfədə,
iqtisadiyyatda, siyasətdə "zamanın ruhunun" göstəricisidir. O, müxtəlif
bədii üslubların qarşılıqlı münasibətindən yaranır. Üslubların dinamik
toqquşması çoxsaylı intellektual forma və məzmunlu əsərlərin meydana
çıxmasına şərait yaradır [4].
Ədəbiyyatda postmodernist estetikanın ən çox işlənən forması kol-
laj, parodiya, kiçik janrlar, metaroman, tarixi povestlər, keçmiş və müasir-
liyin birgələk allyuziyasıdır. Xaos, epstemoloji qeyri-müəyyənlik, inter-
tekstuallıq, avtoritetlərin böhranı, pastiş, fraqmentarlıq və s. postmoder-
nistlərin ən çox işlənən anlayışlarıdı.
İxab Xasan modernizm və postmodernizmdə işlədilən anlayışların
qarşılıqlı sxemini bele cızır:
MODERNİZM
POSTMODERNİZM
romantizm/simvolizm
qapalı/bağlı
parafizika/dadaizm
açıq antiforma
Məqsəd
oyun
iyerarxiya
anarxiya
distansiya
iştirak
yaradıcılıq/totallıq
dekonstruksiya
Mərkəzləşmə
haçalanma
janr/sərhədlər
mətn/intermətn
Bu sxemdən də aydın olur ki, postmodernizm XX əsrin tarix və
sivilizasiyasının
aspekti olaraq, yeni, müasir baxış formalaşdırır.