[67]
Səhabələr haqqında yazılan əsərlərdən aşağıdakılar daha da məşhurdur:
I.
İbn Əbdülbirr əl-Qurtubi (öl.463 h/q). “əl-İstiab fi mərifətil-əshab.”
Alim burada 3.500-ə qədər səhabənin bioqrafiyasını vermişdir.
II.
İbn əl-Əsir (öl 630 h/q). “Üsdül-qabə fi mərifətis-səhabə.” Bu əsərdə
8.000-ə qədər səhabənin tərcümeyi-halı verilmişdir. Bu əsərin son VII cildi xanım
səhabələr haqqındadır.
III.
İbn Həcər əl-Əsqəlani (öl.852 h/q). “əl-İsabə fi təmyizis-səhabə.”
Burada 12.279 səhabənin bioqrafiyasından bəhs edilir. Bu əsər mövzuya aid olan
əsərlərin ən irihəcmlisidir.
311
IV.
İbn Səd (öl. 230 h/q) “ət-Təbəqatül-kübra” əsəri də bu əsərlər
içərisində ən məşhurudur.
Şübhəsiz ki, hədis rəvayət edən təbəqələr haqqında yazılan əsərlər müasir
dövrümüzdə də davam etməkdədir. Son əsrdə bu barədə yazılan əsərdən aşağıdakıları
qeyd etmək olar:
1). 2). Ayətullah Burucerdinin “Mərkəbül-əsanid” və “Təbəqatür-rical” əsərləri.
3). Ayətullah Ərdəbilinin “Camiür-rüvvat” əsəri
4). Ayətullah Seyid Əbülqasim Xoinin “Möcəmu ricalil-hədis”əsəri. Bu əsər 23
cilddədir.
5) Ayətullah Cəfər Sübhaninin “Külliyatür-rical” əsəri.
Ən son vəfat etmiş səhabə
Hədis alimlərinin verdikləri məlumatlara görə ən son vəfat edən səhabə Əbu
Tüfeyl Amir bin Vasilə əl-Leysidir. O, hicri 100 və yaxud 110-cu ildə Məkkədə
vəfat etmişdir.
312
Səhabədən ən çox fətva verənlər
Səhabələr təbəqəsini mükəmməl və hərtərəfli tədqiq edən hədisşünaslar hətta
onlardan hansının daha çox hökm və ya fətva verməsini belə aydınlaşdırmışlar.
Böyük İslam alimləri ən çox fətva verən səhabələri aşağıdakı kimi siramışlar:
Ömər bin Xəttab, Əli bin Əbi-Talib (ə), Abdullah bin Məsud, Abdullah bin
Ömər, Abdullah bin Abbas, Zeyd bin Sabit, Aişə bint Əbu Bəkr. Bunların içərisində
ən çox fətva verən İbn Abbasdır. Bu barədə Əhməd bin Hənbəl yazır: “Peyğəmbər
(s)səhabələrindən heç kəs İbn Abbasdan çox fətva verməmişdir.”
313
Bu haqda görkəmli alim ustad Cəfər Sübhani Nəvəvidən nəqlən yazır:
“Səhabələr içərisində ən çox fətva verən: İbn Abbasdır. Məsruq deyir: “Səhabələrin
elmi altı nəfərdə sona yetir: Ömər, Əli, Übeyy, Zeyd, Əbi Dərda, İbn Məsud, bunların
da içərisində Əli və Abdullahla elm sona yetir.”
314
311
İ. Çakan, Hədis üsulu, səh. 86
312
İ. Canan, Hadis üsulu və Hədis Tarixi, səh. 455, İ. Çakan, Hədis üsulu, səh. 82
313
H. S. əd-Dari, Muhadarat fi ülumil-hədis, səh. 170
314
Üsulul-hədis və əhkamuhu, səh. 126, həmçinin bunun üçün bax: Süyutinin Tədribür-ravi əsəri, c. II, səh. 216-217 və
Ülumul-hədis, səh. 266 əsərinə.
[68]
Səhabələrdən Abdullah adını daşıyanlar
Səhabələrdən Abdullah adını daşıyanlar: İbn Abbas, İbn Zübeyr, İbn Amr bin
As hesab edilir. İbn Məsud bura daxil deyirldir. Bütün bunlardan başqa Abdullah
adını təxminən 220-ə yaxın səhabə daşımışdır.”
315
Məşhur hədis alimi Prof. Haris Süleyman əd-Dari yazır: “Səhabələrdən
abdullahlar dedikdə dörd Abdullah nəzərdə tutulur. Onlar: Abdullah bin Ömər,
Abdullah bin Abbas, Abdullah bin Zübeyr və Abdullah bin Amr bin Asdır. Abdullah
bin Məsud bura daxil deyildir. Çünki Abdullah bin Məsud tez dünyadan getmişdir.
Onlar elmlərində höccətdirlər,onlar bir şey üzərində icma etsələr, o höccətdir. Buna
görə də onlara abdullahlar deyilmişdir
316
.
Səhabələrdən ilk İslam olanlar
Səhabələrdən kimin ilk müsəlman olması bəzi İslam alimləri içərisində
ixtilaflıdır. Bəzi alimlər ilk müsəlman olan səhabələri aşağıdakı kimi qeyd etmişlər:
I.
Əbu Bəkr
II.
Əli bin Əbi Talib
III.
Zeyd bin Harisə
IV.
Xədicə bint Xüveylid
317
İbn Salah yazır: “Azad insanlardan ilk müsəlman olan Əbu Bəkr əs-Siddiq,
uşaqlardan Əli bin Əbi Talib, qadınlardan Xədicə bint Xüveylid, məvalidən (qeyri-
ərəb və yaxudda valideyni məcusi olan) Zeyd bin Harisə, qullardan Bilaldır.”
318
Prof. Dr. Sübhi əs-Salih isə yazır: “Səhabələrdən ilk müsəlman olanlar Xədicə
bint Xüveylid, yaşlılardan Xədicənin əmisi oğlu Vərəqə bin Nofəl, azad kişilərdfən
Əbu Bəkr, azad insanlardan Zeyd bin Harisə, uşaqlardan Əli bin Əbi Talib,
kölələrdən Bilal, iranlılardan Salmandır.”
319
Digər qrup alimlər isə haqlı olaraq ilk müsəlman olan səhabənin Əli bin Əbi
Talib (ə) olduğunu, ondan sonra da Xədicə bint Xüveylid olduğunu demişlər.
Bildiyimiz kimi Əli bin Əbi Talib (ə) Peyğəmbər (s) risalətə yetişməzdən əvvəl
daim onunla olmuş və mələyin səsini eşitmişdir. Buna görə də Peyğəmbər (s): “Ya
Əli, əgər mən peyğəmbərlərin sonuncusu olmasaydım, sən də peyğəmbərliyə şərik
olardın. Lakin sən peyğəmbər deyilsən, onun vəsisi və varisisən, hətta sən vəsilərin
seyidisən.”
320
İmam Əlinin (ə) ilk müsəlman olması onun öz sözlərindən də anlaşılmaqdadır.
Belə ki, Həzrət (ə) buyurur: “And olsun Allaha, onun sözünü təsdiq edən ilk adam
mənəm...”
Bu və ya digər səhih hədislərə əsaslanaraq İslam alimlərinin böyük əksəriyyəti
səhabələr içərisində ilk müsəlmanİmam Əli (ə) və Xədicə olduğunu demişlər
321
.
315
Cəfər Sübhani, Üsulul-hədis və əhkamuhu, səh. 126, əs-Süyuti, Tədribür-ravi, c. II, səh. 192
316
Muhadarat fi ülumil-hədis, səh. 170
317
Muhadarat fi ülumil-hədis, səh. 171
318
Abu Amr bin Salah, Ülumul-hədis, səh. 269-270
319
Hədis elmləri və Hədis istilahları, səh. 296
320
Nəhcül-bəlağə, Tehran-1995, səh. 139
321
həmin mənbə, səh. 69