Prof. Dr. Cihan Bulut, Elçin Süleymanov
200
nilməsi nəzərdə tutulmamışdır. Bir sıra ölkələrdə hələ də natural vergilər möv-
cuddur. Məsələn, Laos və Vyetnamda kənd təsərrüfatı vergiləri düyü ilə ödənilir.
Vergilərin altıncı əlaməti onların əvəzsiz xarakter daşımasıdır. Vergi şəklində
dövlət büdcəsinə pulun müqabilində vergi ödəyicisi bilavasitə heç nə almır, yəni
verginin ödənilməsi öhdəliyi birtərəfli xarakter daşıyır.
Vergilərin yeddinci əlaməti onların abstrakt ödəniş olmasıdır. Vergilər büdcəyə
keçirilərkən məqsədli təyinat daşımırlar, yəni onların konkret olaraq hansı dövlət
xərclərinin ödənilməsi üçün köçürüldüyü göstərilmir. Dövlət büdcəsinə daxil olan
vəsaitlər dövlətin bütün ehtiyaclarının ödənilməsi üçün nəzərdə tutulur.
89
8.3.VERGİNİN ƏSAS FUNKSİYALARI
Bazar iqtisadiyyatlı bütün ölkələrdə vergilərdən büdcə münasibətlərinə və mal,
iş və xidmət istehsalına birbaşa təsir vasitəsi kimi istifadə olunur. Vergilər vasitəsi
ilə dövlət iqtisadi, sosial və digər ictimai problemləri həll edir.
Bu nöqteyi - nəzərdən vergilər aşağıdakı beş əsas funksiyanı yerinə yetirir:
- fiskal funksiya ;
- bölüşdürücü funksiya;
- tənzimləyici funksiya;
- inteqrasiya edici funksiya;
- nəzarət edici funksiya.
Bu funksiyaları sxematik olaraq aşağıdakı kimi göstərmək olar:
İndi isə bu funksiyaların hər birini ayrı-ayrılıqda araşdıraq.
90
Fiskal funksiyası. ”Fisk” latın sözü olub, zənbil deməkdir. Qədim Romada ilk
əvvəllər pulların saxlandığı kassa, sonralar imperatorların şəxsi xəzinəsi və nəha-
yət, gəlir, vergi və digər rüsumların cəmləşdiyi mərkəz fisk adlandırılmışdır. Bu
funksiyanın mahiyyəti dövlət xərclərinin maliyyələşdirilməsini təmin etmək üçün
89
F.Ə. Məmmədov, A.F. Musayev, M.M. Sadıqov, Y.A. Kəlbiyev, Z.H. Rzayev “Vergilər və
vergitutma”, 2006, s.81
90
A.F. Musayev, A.A. Qəhrəmanov, ”Vergi mədəniyyəti”, Bakı, 2004
Vergilərin əsas funksiyaları
Fiskal
Tənzimləyici
bölüşdürücü
Nəzarətedici
Stimullaşdırıcı
Ləngidici
Təkrar istehsal
İnteqrasiya edici
Dövlät Maliyyäsi
201
ayrı-ayrı fiziki və hüquqi şəxslərin gəlirlərinin (mənfəətinin) müəyyən hissəsinin
dövlət xəzinəsinə cəlb edilməsidir. Vergilərin əsas təyinatı, ümum-dövlət proqram-
larının həyata keçirilməsidir. Yerdə qalan funksiyalar isə fiskal funksiyanın, bir
növ törəmələridir.
Bölüşdürücü funksiya. Vergilərin bölüşdürücü funksiyanın mahiyyəti ictimai
gəlirin əhalinin ayrı-ayrı kateqoriyaları arasında yenidən bölüşdürülməsindən iba-
rətdir. Başqa sözlə, əhalinin güclü təbəqəsinin vergi yükünün ağırlaşdırılması ba-
lansına vəsaitlər bu kateqoriyadan əhalinin daha zəif kateqoriyalarına ötürülür. Bö-
lüşdürücü funksiyaya misal olaraq aksizləri, mütərəqqi vergitutmanı göstərmək olar.
İqtisadi cəhətdən inkişaf etmiş ölkələrin əksəriyyətində vətəndaşları onların öz
nəzarətləri xaricində olan amillərin doğurduğu iqtisadi çətinliklərdən qorunmasını
təmin edən geniş sosial müdafiə şəbəkəsi mövcuddur. Sosial müdafiə dedikdə, ilk
növbədə cəmiyyətin aztəminatlı üzvlərinə maliyyə yardımını nəzərdə tutan dövlət
proqramları nəzərdə tutulur. Bu cür proqramlara işsizliyə görə müavinətlərin veril-
məsi, əlilliyə və qocalığa görə pensiyaların verilməsi, pulsuz tibbi xidmətin göstə-
rilməsi, pulsuz yaşayış sahələrinin verilməsi və s. daxildir.
Tənzimləyici funksiya. Bu funksiya vergi mexanizmləri vasitəsi ilə dövlətin
qarşıya qoyduğu müəyyən məqsədlərə nail olunmasına xidmət edir. Bu funksiya
vasitəsi ilə vergilər, təkrar istehsal prosesinə onun sürətini stimullaşdırmaq və ya
ləngitməklə əhəmiyyətli təsir göstərir, kapital yığımını gücləndirir və ya zəiflədir,
ödəniş qabiliyyətli tələbi artırır və ya azaldır.
Vergilərin tənzimləyici funksiyasını təhlil edərək onun aşağıdakı üç alt funksi-
yasını qeyd etmək lazımdır:
- stimullaşdırıcı alt funksiya;
- ləngidici alt funksiya;
- təkrar istehsal alt funksiya;
Stimullaşdırıcı alt funksiya bu və ya digər iqtisadi proseslərin inkişafının təmin
edilməsinə yönəlir. O, güzəşt və azadolmalar sistemi vasitəsi ilə həyata keçirilir.
Ləngidici alt funksiya isə əksinə, vergi yükü vasitəsi ilə hər hansı bir iqtisadi
prosesin inkişafının qarşısının alınmasına yönəldilir. Bu məqsədlə dövlət müəyyən
fəaliyyət növləri üçün yüksək vergi dərəcələri müəyyənləşdirir, kapital ixracına
vergi tətbiq edir və s.
Təkrar istehsal alt funksiyası isə istifadə olunmuş ehtiyatların bərpa edilməsinə
xidmət edir.
İnteqrasiya edici funksiya. XX əsrin sonlarında vergilər bazar iqtisadiyyatının
tənzimlənməsi mexanizmlərində keyfiyyətcə yeni bir funksiyanı yerinə yetirməyə
başladılar. Bu, öz əksini xarici iqtisadi münasibətlərin tənzimlənməsində vergilərin
inteqrasiya edici funksiyanı yerinə yetirməsində tapmış oldu. Onun meydana çıx-
Prof. Dr. Cihan Bulut, Elçin Süleymanov
202
masını şərtləndirən əsas amil dünya təsərrüfat sisteminin inkişafının xarakterik
xüsusiyyəti ilə, yəni milli iqtisadiyyatların qarşılıqlı asılılıq proseslərinin güclən-
məsi və təsərrüfat həyatının hərtərəfli beynəlmiləlləşməsi ilə bağlıdır.
Nəzarətedici funksiya. Dövlət vergilər vasitəsilə müəssisələrin və vətəndaş-
ların maliyyə-təsərrüfat fəaliyyətinə nəzarət vasitəsi ilə dövlət büdcəsinə və vergi
sisteminə bu və ya digər düzəlişlərin edilməsi zərurətini müəyyənləşdirir.
91
8.4. DÖVLƏTİN VERGİ SİYASƏTİ, ONUN FORMALARI
VƏ TİPLƏRİ
Bazar iqtisadiyyatı heç də dövlətin idarəetmə və tənzimləmə proseslərindən kə-
narlaşdırılması demək deyildir. Əsas məsələ ondan ibarətdir ki, bu proseslər özlü-
yündə təsərrüfat subyektlərinin istehsal-maliyyə fəaliyyətinə bilavasitə müdaxiləni
ifadə etməməlidirlər. Dövlət bazar mexanizmlərinin fəaliyyəti üçün zəruri şərait
yaratmalı və bu mexanizmlərin köməyi ilə iqtisadi prosesləri tənzimləməlidir.
Hətta iqtisadi inkişaf səviyyəsi təqribən eyni olan müxtəlif ölkələrdə dövlətin
iqtisadiyyata müdaxilə səviyyəsi müxtəlifdir. Məsələn, İsveçdə bu müdaxilənin sə-
viyyəsi kifayət qədər yüksək, Almaniya, Yaponiya, ABŞ-da isə nisbətən aşağıdır.
92
İstənilən dövlət həyat fəaliyyətinin müxtəlif sahələrində cəmiyyətin maraqla-
rını ifadə etməklə iqtisadi, hərbi, sosial və digər sahələrdə siyasət işləyib hazırlayır
və həyata keçirir. Dövlət tənzimlənməsi prosesində bilavasitə dövlətin maliyyə si-
yasətində təcəssüm olunan maliyyə mexanizmlərindən istifadə olunur.
Vergi siyasəti dövlətin maliyyə siyasətinin ayrılmaz tərkib hissəsidir. Ölkənin
vergi sistemini yaradarkən, dövlət ondan müəyyən maliyyə siyasətinin məqsədləri
üçün istifadə etməyə can atır. Vergilər iqtisadiyyatın dövlət tənzimlənməsinin əsas
elementlərindən biridir.
Dövlətin vergi siyasəti dedikdə, dövlət tərəfindən işlənib hazırlanmış, vergi
sahəsində cəmiyyətin qarşısında duran bu və ya digər vəzifələri həyata keçirməyə
yönəlmiş tədbirlər sistemi başa düşülür.
İqtisadi, siyasi və digər fərqlərə baxmayaraq, istənilən dövlətin vergi siyasəti,
ilk növbədə, onunla müəyyən olunur ki, dövlət özü təkrar istehsal prosesinin fəal
iştirakçısı kimi çıxış edir. Dövlətin əsas məqsədi cəmiyyətin qarşısında duran iqti-
sadi və sosial məsələlərin həll edilməsidir ki, bu da vergi siyasətinin formalaşma-
sına öz təsirini göstərir.
Vergi siyasətinin əsas məqsədi vergilərin mahiyyəti və funksiyalarından irəli
gəlir və məcmu ictimai məhsulun bir hissəsinin dövlət tərəfindən alınmasından və
91
D. Vəliyev və E.E. İmanov,”Vergi Hüququ”, 2003, s.38
92
A.F. Musayev, “Vergi siyasətinin iqtisadi problemləri”, 2004
Dostları ilə paylaş: |