Qarori alohida ta‟lim ehtiyojlari bo„lgan bolalarga ta‟lim berishga oid normativ-huquqiy hujjatlarni tasdiqlash to„G„risida

3-bob. O„quvchini maktab-internatdan “Muruvvat” internat uyiga o„tkazish
13. O„quvchining ota-onasi va maktab-internat rahbariyati maktab-internatda ta‟lim 
olishga layoqatsiz, ruhiyatida sezilarli nuqsonlar mavjud bo„lgan, doimiy tibbiy-ijtimoiy yordamga 
muhtoj (etiologiyasi har xil bo„lgan o„rtacha darajadagi aqliy zaiflik (og„irlashgan shakli), og„ir va 
chuqur darajadagi aqliy zaiflik va hokazo) nogiron o„quvchilarni maktab-internatdan “Muruvvat” 
internat uyiga o„tkazish tashabbusi bilan chiqish huquqiga ega. 
14. O„quvchini maktab-internatdan “Muruvvat” internat uyiga o„tkazish uchun uning ota-
onasi o„tkazish sabablarini, “Muruvvat” internat uyi nomini ko„rsatgan holda maktab-internat 
direktoriga ariza bilan murojaat qiladi. 
Arizaga bolaning rivojlanish tarixidan mufassal ko„chirma hamda tibbiyot muassasasi 
davolovchi vrachining o„quvchini “Muruvvat” internat uyiga o„tkazish zarurligi to„g„risidagi 
xulosasi ilova qilinadi. 

---

15. Quyidagi hollarda maktab-internat rahbariyati ota-onalarning yozma roziligini olgan 
holda o„quvchini “Muruvvat” internat uyiga o„tkazish choralarini ko„rishi lozim: 
maktab-internat tibbiyot hamda pedagog xodimlari tomonidan muassasa rahbariyatiga 
o„quvchini “Muruvvat” internat uyiga o„tkazish to„g„risida tavsiya berilganda; 
tibbiy ko„rik paytida o„quvchining fiziologik va jismoniy holatida salbiy o„zgarishlar 
aniqlanib, uni “Muruvvat” internat uyiga o„tkazish lozim deb topilganda. 
16. Ota-onalarning arizasi yoki yozma roziligiga asosan ushbu masala maktab-internatning 
pedagogik kengashi tomonidan ko„rib chiqiladi.
Pedagogik kengash qaroriga asosan maktab-internat direktori psixologik-tibbiy-pedagogik 
komissiyaga tegishliligiga ko„ra quyidagi hujjatlarni taqdim etadi: 
bolaning rivojlanish tarixidan mufassal ko„chirma hamda tibbiyot muassasasi davolovchi 
shifokorining o„quvchini “Muruvvat” internat uyiga o„tkazish zarurligi to„g„risidagi xulosasi; 
maktab-internat tibbiyot hamda pedagog xodimlarining o„quvchini “Muruvvat” internat 
uyiga o„tkazish to„g„risidagi tavsiyanomasi; 
o„quvchining fiziologik va jismoniy holatida salbiy o„zgarishlar aniqlanganligi haqida 
tibbiy ko„rikdan o„tkazgan vrachning xulosasi. 
17. Taqdim etilgan hujjatlar psixologik-tibbiy-pedagogik komissiya tomonidan ko„rib 
chiqiladi. 
18. Psixologik-tibbiy-pedagogik komissiyaning o„quvchini “Muruvvat” internat uyiga 
o„tkazish to„g„risidagi xulosasiga muvofiq o„quvchi ta‟lim olayotgan maktab-internat direktori 
o„quvchini maktab-internat o„quvchilari safidan chiqarish to„g„risida buyruq qabul qiladi. 
19. O„quvchini maktab-internat o„quvchilari safidan chiqarish to„g„risida buyruq 
chiqarilgach, uch kun ichida sinf jurnali va o„quvchilar harakati daftariga tegishli yozuv kiritiladi. 
20. “Muruvvat” internat uyiga o„tkazish uchun maktab-internat o„quvchilari safidan 
chiqarilgan o„quvchining ota-onasiga maktab-internat rahbariyati tomonidan quyidagi hujjatlar 
taqdim etiladi: 
o„quvchining maktab-internat o„quvchilari safidan chiqarilganligi to„g„risidagi buyruqdan 
ko„chirma; 
o„quvchining baholar (o„zlashtirish) tabeli; 
o„quvchining tibbiy kartasi; 
maktab-internat tomonidan berilgan psixologik-pedagogik tavsifnoma.