53
6,25 q zülalda saxlanılır (100:16). Orqanizmdə olan və ondan xaric edilən azotun
miqdarını öyrənməklə ona müvafıq gələn zülalın miqdannı hesablamaq olar.
"Azot balansı" anlayışı altında orqanizmə qida ilə daxil olan azotla,
orqanizmdən sidiklə xaric olan azotun fərqi nəzərdə tutulur. Sağlam insan üçün
azot balansı sıfıra bərabərdir, yəni qida ilə mənimsənilmiş azotun miqdarı, sidiklə
ifraz edilən azotun miqdarına bərabərdir. Orqanizmdən daxil olan azot az
çıxarıldıqda, bu müsbət azot balansı, çox azot çıxarıldıqda isə mənfı azot balansı
kimi xarakterizə edilir. Müsbət azot balansı böyüyən orqanizmdə və hamilə
qadınlarda təsadüf olunur. Acqalma hallarında mənfı azot balansı yaranır.
Bioloji cəhətdən tam dəyərli və tam dəyərsiz zülallar mövcuddurlar. Zülalın
bioloji dəyərliyi onun tərkibində orqanizmin normal böyüməsi və inkişafı üçün
zəruri olan aminturşuların olub-olmaması ilə müəyyənləşdirilir. Tərkibində zülal
sintezi və orqanizmin normal inkişafı üçün zəruri olan bütün aminturşuları olan
zülallar tam dəyərli zülallar adlanırlar.
Hesablamalara görə, insanın sutkalıq qidasının kalori dəyərliyinin 12%-i zü-
lalların payına düşür. Bu da təxminən 400 kkalori təşkil edir. İnsan orqanizminin
bitki və heyvan zülallarına olan gündəlik tələbatı isə təxminən 90-100 q hesab
olunur ki, bunun da çox hissəsini heyvanat mənşəli zülallar təşkil etməlidir. Kör-
pələrdə və böyüməkdə olan uşaqların qidasında zülalların payı xüsusilə çox
olmalıdır. Uşaqların və yeniyetmələrin qidasında zülalın həm miqdarı, həm də
keyfıyyəti mühüm rol oynayır. Bu yaşlarda qidalılıq baxımından süd zülalları, ət
zülalları və yumurta zülalları böyük əhəmiyyət kəsb edir.
Normal qidalanma üçün qidanın tərkibində bitki və heyvanat zülallarının
nisbəti gözlənilməli, ikincilərin miqdarı ümumi zülalların təxminən 55%-ni təşkil
etməlidir. Onlar bitki zülallarına nisbətən asan və tez həzm olunurlar. Onların
həzmi 90%-ə çatır. Bitki zülalları ən yaxşı halda 60-80% həzm olunurlar. Ən asan
həzm olunan zülallara süd, balıq, sonra isə ət, çörək və digər məhsulların zülalları
aiddir. Qidanın istilik rejimində emal olunması, zülalların həzmini sürətləndırir.
Zülalların bioloji və ya qidalılıq dəyərini təyin etmək üçün bir sıra
metodlardan istifadə edilir. Onlardan biri aminturşu şkalası metodu adlanır. Bu
54
metod qida rasionunda və ya qida məhsulunda zülalın tərkibində olan ayrı-ayrı
aminturşuların, onların cəmi miqdarına olan nisbətlərinin öyrənilməsinə əsaslanır.
Digər metod isə qida rasionunda əvəzedilməyən aminturşuların miqdarının nəzərdə
tutulan hesabı miqdarına nisbətinin öyrənilməsini tələb edir.
Qidanın zülal kalori çatışmazlığı əhalinin fıziki və əqli fəaliyyətinə çox mənfi
təsir göstərən amillərdən biridir. Birləşmiş Millətlər Təşkilatı (BMT) Ümumdünya
Səhiyyə Təşkilatının son illərdəki məlumatları göstərir ki, iqtisadi cəhətdən zəif və
ya orta inkişaf etmiş ölkələrdə zülal kalori çatışmazlığı halları geniş yayılaraq bir
xəstəlik kimi əhalinin müxtəlif təbəqələrini əhatə edir. Qidada zülal çatışmazlığının
əsas simptomları orqanizmin boydan və çəkidən qalması, qaraciyərin piylənməsi,
bədəndə şişmə-sızılma hallarının baş verməsidir. Zülal çatışmazlığı xəstəlikləri
uşaq və yeniyetmələr üçün daha təhlükəlidir.
Aminturşular. Bütün zülallar, o cümlədən qida zülalları aminturşularından
ibarətdirlər. Qidada aminturuşular həm zülalın tərkibində, həm də sərbəst halda
olurlar. Qida məhsullarında 80-ə yaxın aminturşunun olduğu fərz edilir. İnsan or-
qanizmində zülallar adətən 20 növ aminturşudan sintez edilir. Yuxarıda göstərdik
ki, zülalın qidalılıq dəyəri (qiyməti) onun tərkibində olan aminturşuların miqdar və
keyfıyyət (növ tərkibi və fızioloji aktivliyi) göstəriciləri ilə müəyyən edilir.
Aminturşular orqanizmdə zülal sintezində iştirak etməklə yanaşı, biokimyəvi və
fızioloji proseslərdə müstəqil iştirak edərək orqanizmdə ən müxtəlif vəzifələr
daşıyırlar. Əvəzedilən və əvəzedilməyən aminturşular vardır. Birinci qrup amintur-
şular qida ilə orqanizmə daxil olmasa və ya az daxil olsa, orqanizm onları özü sintez
edə bilər. Əvəzolunan aminturşuları - alanin, asparagin turşusu, qlutamin turşusu,
qlisin, prolin, serin, tirozin, sistin, sistein, qlikol turşuları orqanizmə qidayla sərbəst
halda və ya zülalın tərkibində daxil olmalıdırlar. Əvəzedilməyən aminturşularına
metionin, lizin, triptofan, fenialalanin, leysin, izoleysin, treonin, valin, arginin, histidin
aiddir. Bəzi alimlərə görə hətta sistin və tirozin də bu qrupa mənsubdurlar (şəkil 1).
Zülallarda orqanizmi mikrob və viruslardan qoruyan antitellər yaranır. Bunlar
isə immunitet yaradır ki, xəstəliklərin çoxunun qarşısı alınır.
55
Qandakı zülalın - hemoqlobinin də rolu böyükdür. Gözün qişasında olan zülal
isə işığı qəbul etməyi təmin edir.
Nukleoproteidlər orqanizmdə zülal sintezini tənzim etməklə, nəsildən-nəsilə
keçmək amillərini daşıyırlar.
Zülallar çatışmadıqda orqanizm tərəfindən vitaminlər, mineral maddələr tam
istifadə olunmurlar. Bunların çoxu isə ferment sistemlərinin tərkibinə daxildirlər.
Bir sözlə, zülal mübadiləsi həyatın əsasını tənzimləyir.
Müəyyən olunmuşdur ki, qan plazması və qaraciyərdə zülali maddələrin
yeniləşməsi 15-20 gündə, dəri və skeletdə (sümükdə) isə 158 gün ərzində baş verir.
Şəkil 1. Əvəzedilməyən aminturşuların quruluş sxemləri
Orqanizmdə toxuma zülallarının parçalanması nəticəsində enerji (100 q zülal
400 kkal-yə qədər) və sidik cövhəri, ammonium duzları, su və karbon qazı əmələ
gəlir. Sidik cövhəri və ammonium duzları ən çox sidik və tərlə xaric olunurlar.
Orqanizmdə zülal mübadiləsinin vəziyyəti azot balansı ilə təyin olunur, yaxud
xörəklə daxil olan azotun miqdarı ilə sidiklə kənar olan sidik cövhəri arasındakı
tarazlıqla müəyyən olunur.
Qida ilə daxil olan azot xaric olan azotdan çox olduqda, bu balans qeyd
etdiyimiz kimi, müsbət azot balansı sayılır və onun orqanizm üçün rolu böyükdür.
Dostları ilə paylaş: |