244
OMV VƏ RWE ŞİRKƏTLƏRİNİN İDARƏ
HEYƏTLƏRİNİN SƏDRLƏRİ
GERHARD ROİSSİ VƏ YURGEN QROSMAN
İLƏ GÖRÜŞ
Brüssel
23 iyun 2011-ci il
Azərbaycan prezidenti İlham Əliyev iyunun 23-də Brüs-
seldə Avstriyanın OMV və Almaniyanın RWE şirkətlərinin idarə
heyətlərinin sədrləri Gerhard Roissi və Yurgen Qrosman ilə
görüşmüşdür.
Görüşdə ölkəmiz ilə OMV və RWE şirkətləri arasında
əməkdaşlığın inkişaf perspektivləri müzakirə olundu, Azər-
baycan qazının Avropaya nəqli və Nabukko layihəsinin həyata
keçirilməsi ilə bağlı məsələlər ətrafında fikir mübadiləsi
aparıldı.
246
KRANS MONTANA FORUMUNUN
İŞTİRAKÇILARININ ŞƏRƏFİNƏ NAHARDA
İŞTİRAK
Brüssel
23 iyun 2011-ci il
İyunun 23-də Brüsseldə Azərbaycan prezidenti İlham
Əliyevin adından Krans Montana Forumunun iştirakçılarının
şərəfinə nahar verilmişdir.
Dövlətimizin başçısı və xanımı Mehriban Əliyeva naharda
iştirak etmişlər.
Səfər başa çatdı
İyunun 23-də Azərbaycan Respublikasının Prezidenti İlham
Əliyevin Belçika Krallığına işgüzar səfəri başa çatmışdır.
247
RUSİYA FEDERASİYASININ TATARİSTAN
RESPUBLİKASINA İŞGÜZAR SƏFƏR
Kazan
23 iyun 2011-ci il
İyunun 23-də Azərbaycan Respublikasının Prezidenti
İlham Əliyev Rusiya Federasiyasının Tatarıstan Respublikasına
işgüzar səfərə gəlmişdir.
Dövlətimizin başçısını Kazanın Beynəlxalq aeroportunda
Tatarıstan Respublikasının Prezidenti Rustam Minnixanov və
digər rəsmi şəxslər qarşıladılar.
Milli geyimli qızlar prezident İlham Əliyevə duz-çörək
təqdim etdilər.
248
«KAZAN VERTOLYOT ZAVODU» ASC
İLƏ TANIŞLIQ
Kazan
24 iyun 2011-ci il
İyunun 24-də Azərbaycan prezidenti İlham Əliyev
Tatarıstan prezidenti Rustam Minnixanovun müşayiəti ilə
«Kazan Vertolyot Zavodu» Açıq Səhmdar Cəmiyyəti ilə tanış
olmuşdur.
Prezident İlham Əliyevə məlumat verildi ki, zavod 1940-cı
ildən fəaliyyət göstərir. Burada müxtəlif təyinatlı, o cümlədən
səhiyyədə, idman yarışlarında, mülki aviasiyada, yükdaşımada,
eləcə də müdafiə sahəsində istifadə olunan helekopterlər,
«KamAZ» avtotexnikası, avtobuslar və s. istehsal edilir.
Dövlətimizin başçısı zavodun ayrı-ayrı sexlərini gəzdi,
məşhur Mi-17, Mi-38 helekopterlərinə baxdı, müasir tipli «Ak-
tay», «Kazan», «Ansat», «Ansat-U» helekopterlərinin texniki
göstəriciləri ilə tanış oldu. Bildirildi ki, zavodun istehsal etdiyi
bu helekopterlərin əsas xüsusiyyətləri yüksək etibarlılıq və
təhlükəsizlikdir.
Prezident İlham Əliyev zavodun istehsal etdiyi metan mühər-
rikli «KamAZ», kommunal təsərrüfatı, inşaat avtotexnikası,
«Nefaz» avtobusu ilə də tanış oldu. Azərbaycan prezidenti bu
texnikanın qaz mühərrikinin qidalanma sisteminə baxdı, onun
ekoloji parametrləri ilə maraqlandı.
Sonda dövlətimizin başçısına Mi-17 helekopterinin və
«KamAZ»ın maketləri hədiyyə olundu.