Beləliklə də İngiltərə özəlləşdirilməsi sosial funksiyasını -"xalq kapitalizmi" nin qurulmasını da
uğurla reallaşdırmışdı.
Özəlləşdirmənin gedişində müəssisənin menecerlər və öz işçiləri tərəfindən alınması
xeyli geniş
yayılmışdı. 1982-1989-cu illərdə 119 belə alqı həyata keçirilmişdir. Bütün satışlar 4 əsas qrupa
bölünürdü: birinci qrupa, müəssisənin bütövlükdə satışı, ikinciyə, parçalanaraq satışı, üçüncüyə,
yardımçı istehsalat strukturlarının və bölmələrinin satışı, nəhayət, dördüncü qrupa,
yerli orqanlara
məxsus müəssisələrin satışı daxil idi. 1990-cı ildə 14 alış belə formada həyata keçirilmişdi.*
Müəssisələrin, xüsusilə də rəqabətli sahələrə məxsus şirkətlərin özəl bölməyə verilməsi, onların
işində prinsipial dəyişikliklərə gətirib çıxarırdı. 1990-cı ildə "Yunayted riçers" məsləhət - tədqiqat
firmasının Londonun məşhur biznes məktəbi ilə birlikdə 46 özəlləşdirilmiş müəssisənin icraçı
direktorları arasında apardıqları anket sorğusunun nəticələrinə görə, müəssisələrin 75 faizi
özələşdirmədən sonra idarəetmə strukturunda dəyişiklik etmişdilər. Onlardan 15-nin idarəetmə
aparatı bütövlükdə ləğv edilmiş və yenidən təşkil olunmuşdur.*
İngiltərə özəlləşdirilməsinin digər xüsusiyyəti yüksək dərəcəli təbii inhisar sahələrinin-kommunal
təsərrüfatların satışa çıxarılması hesab oluna bilər. Burda inhisarçı
xüsusiyyətli müəssisələrin
əvvəlcə bütövlükdə, sonra isə hissələrə parçalanaraq satılması müşahidə olunmuşdur. Bəzi
müəssisələrin özəlləşdirilməsi üçün xüsusi idarələr və komissiyalar da yaradılırdı. Məsələn, telefon
rabitəsi, qaz, su və enerji təchizatı müəssisələrinə nəzarət etmək üçün xüsusi idarələr təşkil
olunmuşdu. Həmçinin, ölkədə inhisarçılar üzrə komissiya və ədalətli ticarət idarəsi də əlavə nəzarət
hüququnu həyata keçirirdi. Bu nəzarətin əsas forması qiymətlərin tənzimlənməsinə yönəldilmişdi.
Beləliklə də, İngiltərədə özəlləşdirmə proqramını qiymətləndirərək, qarşıya
qoyulan məqsədlərə
nail olma dərəcəsindən çıxış edərək, onu bütövlükdə uğurlu hesab etmək mümkündür. Belə ki,
müxtəlif illər üzrə özəlləşdirmədən daxil olan vəsait dövlət bölməsinin kəsirinin 60 faizini örtmüş,
dövlətin iqtisadiyyata müdaxiləsi azalmış, həmkarlar təşkilatının gücü zəifləmiş, səhmdarların
dairəsi genişlənmiş, səhmdar-işçilərin sayı xeyli artmışdır.
İngiltərə özəlləşdirilməsinin əsas xüsusiyyətlərindən biri də onun uzun müddətli dövrü əhatə
etməsidir. Bu ilk dövrlərdə özəlləşdirmənin tənəzzülün və işsizliyin qarşısını almaq məqsədilə
hökumətin həyata keçirdiyi sərt maliyyə və kredit siyasəti ilə paralel aparılması ilə izah oluna bilər.
Britaniyada özəlləşdirmə modelinin ənənəvi meyarlar baxımından müvəffəqiyyəti
qonşu Fransada
təkrar oluna bilmədi. Lakin buna baxmayaraq Qərbin özəlləşdirmə təcrübəsi üzrə diqqət yetirilməsi
vacib hesab olunan ölkələrdən biri də Fransadır. Fransada özəlləşdirmə proqramı 5 ilə hesablanmış
və 65 iri şirkəti əhatə etmişdir. *
Bu istiqamətdə ilk addım 1986-cı ildə J.Şirak hakimiyyəti dövründə atılmışdı. Sonradan 1984-cü
ildə sosialistlərin hakimiyyətə gəlməsi bu istiqamətli tədbirlərin yarımçıq saxlanılmasına səbəb
oldu. Lakin ötən 14 ay ərzində - sosialistlərin hakimiyyətinə qədər olan müddətdə - Fransada artıq
15 iri şirkətin özəlləşdirilməsi həyata keçirilmişdi. Qısa vaxt çərçivəsində belə sürətli
özəlləşdirməyə nail olmağın başlıca səbəbi, proses başlamamışdan onu ləngitmək imkanına malik
olan müəssisə rəhbərliyinin bütün heyətlə daha mütərəqqi idarəetmə qabiliyyətinə malik
menecerlərlə əvəz olunması ilə izah oluna bilər.
Fransız özəlləşdirilməsinin başlıca mexanizmi bazar vasitələri ilə mərkəzləşdirilmiş
tənzimlənmənin əlaqələndirilməsi əsasında qurulmuşdur. Özəlləşdirmənin aparılması ilə əlaqədar
bütün səlahiyyətlər maliyyə, iqtisadiyyat və özəlləşdirmə nazirinin (MİÖN) əlində cəmləşmişdir.
Mərkəzləşdirilmiş tənzimlənmənin operativliyini artırmaq və MİÖN-ə qərar
qəbul etmək üçün
hüquqi status vermək məqsədilə özəlləşdirmənin başlanğıcında özəlləşdiriləcək müəssisələrin
siyahısı təsdiq olunmuşdu. Bundan sonrakı mərhələdə nazir yalnız həmin siyahı üzrə
özəlləşdirməyə çıxarılacaq müəssisələrin özəlləşdirmə üsulunu və müddətini müəyyənləşdirmək
hüququnu reallaşdıra bilərdi. Fransız özəlləşdirilməsinin gedişi zamanı Britaniyanın hər bir
özəlləşdirmə layihəsi üzrə ayrıca qanun qəbulu ilə əlaqədar mənfi təcrübəsi nəzərə alındığından
proses ərzində hüquqi bazanın formalaşdırılması istiqamətində ciddi çətinliklər ortalığa
çıxmamışdı. Fransada özəlləşdirmədən əldə olunan vəsaitlər əsasən dövlət borcunun ödənilməsinə
və digər şirkətlərə maliyyə subsidiyalarına istifadə olunurdu.
Fransız özəlləşdirməsi praktikasında dövlət mülkiyyətinin satışı prosesində səhmlərin aşağıdakı
struktur üzrə bölgüsü nəzərdə tutulmuşdu:
-20%-xarici alıcılara;
-15-30%-daimi səhmdarlara;
-10%- müəssisənin işçilərinə.
-yerdə qalan səhmlər isə fond bazarında satış üçün təklif olunurdu.
Fransız özəlləşdirilməsinin sınaqdan keçirilmiş və uğur qazanmış, təcrübə baxımından maraq
doğuran üsullarından biri də müəssisənin öz işçiləri tərəfindən alınması hesab olunur.
Fransada bu
təcrübənin yayılması müəyyən dərəcədə ingilis-amerikan praktikası-Leveraqed Buy-Out (LBO)-
əsasında formalaşmışdı. Tipik LBO dövlət müəssisələrinin və ya onun filialının işçilərdən və
rəhbərlikdən təşkil olunmuş heç də böyük olmayan qrup və yaxud da qrupdan kənar işçilər
tərəfindən alınmasını nəzərdə tuturdu. Başqa alış formalarından fərqli olaraq bu əməliyyat
müəssisəsinin maliyyə vəziyyətindən asılı olaraq borc vəsaitlərindən istifadə hesabına həyata
keçirilirdi.*
LBO-nun leveraqed Manaqement Buy-Out (LMBO) adlı xüsusi variantı əsasında müəssisə onun
işçilərinə və ya öz üzərinə müəssisəyə rəhbərlik etmək öhdəliyi götürən üçüncü şəxslərə satılırdı.
Bir çox hallarda iqtisadi ədəbiyyatlarda bu variantı müəssisənin rəhbər kadrları
tərəfindən kredit
götürmək vasitəsi ilə alışı da adlandırırlar.
Fransada müəssisələrin "Rachat dune enterprise pat ses salaries" (RES) variatında da satışı həyata
keçirilirdi. RES mexanizminə görə müəssisəni səhmdar cəmiyyət şəklində holdinq kompaniya əldə
edə bilərdi. Belə şirkətlərin nizamnamə kapitalının formalaşmasında müəssisənin rəhbərləri ilə
yanaşı onun işçiləri, həmçinin bu əməliyyatın həyata keçirilməsində maraqlı olan digər investorlar
da iştirak edirdi.*
Müəssisənin hissə-hissə və ya tam alışı "vasitə effekti" adı ilə əsaslandırılıdı. "Vasitə effekti"
əməliyyatı
isə belə izah olunurdu ki, əgər müəssisənin rentabelliyi ssudalar üzrə faiz dərəcəsindən
yüksəkdirsə, onda cəlb edilmiş borc kapitalı onun xüsusi vəsaitlərinin rentabelliyini kəskin surətdə
azaldırdı.
Holdinq şirkəti "vasitə effektinə" nail olmaq üçün 1 ssudanın zəruri həcmini müəyyən edir və
investisiya edilmiş kapitalın rentabelliyinin ssuda üzrə faiz dərəcəsindən yüksək olmasına çalışırdı.
Belə hallar vergi qanunvericiliyində də nəzərdə tutulurdu. Mövcud vergi qanunvericiliyinə görə,
fiziki şəxslərin vergiyə cəlb edilən gəlirləri onların müəssisədən aldığı səhmlərin dəyəri qədər
azaldılırdı. Belə üsul özünü daha çox ağır maliyyə şəraitində olan müəssisələrin
özəlləşdirilməsi
zamanı doğruldurdu. Bu halda müəssisənin səhmlərinin çox hissəsinin işçilərə güzəştli satışı yalnız