mərhələlər çərçivəsində fərqlənir. Özəlləşdirmə ərəfəsində Latın Amerikası
dövlətlərindəki şərait
müxtəlifliyi, onun gedişi zamanı tətbiq olunan forma və üsulların özünəməxsusluğu son nəticədə
regionun hər bir dövlətinin bu istiqamətdəki fəaliyyətdən fərqli nəticələr əldə etməsini
şərtləndirmişdir. Lakin buna baxmayaraq regionun özəl xüsusiyyətləri və oxşar problemləri ayrı-
ayrı özəlləşdirmə təcrübəsi üzrə də paralellər aparmağa və yekunları eyni meyarlar əsasında
qiymətləndirib, nəticələr çıxarmağa şərait yaratmışdır. Latın Amerikası ölkələrində bütövlükdə
özəlləşdirmə siyasəti 2 başlıca məqsəd güdmüşdür. Onlardan biri milli iqtisadiyyatın rəqabət
qabiliyyətini artırmaq, ikincisi isə daxili və xarici borcları azaltmaqdan ibarət olmuşdur. Çili istisna
olmaqla, regionun digər dövlətlərində özəlləşdirmə proqramının işlənməsi zərurəti sosial-iqtisadi
şəraitin pisləşməsi nəticəsində ortalığa çıxmışdır. Çilidə özəlləşdirmənin
motivi daha çox ideoloji
xarakterlə ifadə edilmişdir. Region ölkələrinin dövlət müəssisələrinə, bəzi istisnalarla, aşağı
effektlilik, zərərlə fəaliyyət, köhnə idarəetmə və istehsalat strukturu xarakterik idi. Daimi büdcə
subsudiyaları, hökumətin maliyyə dəstəyi fonunda zərərlə işləyən dövlət müəssisələrinin təklif
etdikləri məhsul nə xidmətlərinə keyfiyyət və nə də qiymət rəqabətində özünü doğrultmaması bir
çox hallarda ölkə büdcəsinin qeyri-balans vəziyyətində kəsirinin getdikcə çoxalmasını və dövlətin
borclarının artımını səciyyələndirmişdir.
Statistik məlumatlara görə, ötən əsrin 80-ci illərində
dövlət müəssisələrinin zərəri Argentinada 7%, Braziliyada isə 14 faiz təşkil edirdi. Həmin onilliyin
sonuna olan digər məlumata görə, Argentinada dövlət büdcəsinin kəsirinin 80 faizini dövlət
bölməsinə məxsus olan və zərərlə işləyən müəssisələrin subsidiyalar hesabına maliyyələşdirilməsi
şərtləndirmişdir. Bütün bu proseslər son nəticədə dövlətin xarici borclarının kəskin artımına gətirib
çıxartmışdı. Belə ki, 90-cı illərin əvvəlinə Argentinanın 13 aparıcı dövlət
şirkətinin xarici borcu
ölkənin bütün xarici borclarının 1\4-nə bərabər səviyyəyə çatmışdı. Latın Amerikası və
ümumiyyətlə "üçüncü dünya" dövlətləri arasında əhatə dairəsnə görə seçilən və müvəffəqiyyəti
çoxluq tərəfindən etiraf olunan mülkiyyətin dövlətsizləşdirilməsi proqramı Çilidə həyata
keçirilmişdir.
Tədqiqatçıların fikrincə, region ölkələri arasında sərt özəlləşdirmə variantı özünü Çilidə və
Argentinada biruzə vermişdir. Latın Amerikasında özəlləşdirmə təcrübəsi ilə daha yaxından tanış
olmaq məqsədilə ayrı-ayrı ölkələrin timsalında özəlləşdirmə praktikasına təfsilatlı şəkildə nəzər
yetirək.
Çilini birinci özəlləşdirmə dalğası 1973-cü ildə hərbi hökumətin hakimiyyətə gəlməsindən sonra öz
ağuşuna aldı. Özəlləşdirmə ərəfəsində Çili iqtisadiyyatında dövlət
bölməsi hökmran mövqeyə
malik idi. Yeni hakimiyyət öz ideoloji düşüncələrinin təsiri altında belə bir qərara rəvac verdi. Belə
ki, həmin dövrdə maliyyə bölməsinin və hasilat sənayesinin 85 faizindən çoxu, əkinə yararlı
torpaqların isə 60 faizinə qədəri dövlət bölməsinin payına düşürdü.
Çili hazırda özəlləşdirmənin bir neçə dalğasını arxada qoymuşdur. Bu ölkədə özəlləşdirmənin
birinci dalğası 1969-1973-cü illərdə müsadirə edilən mülkiyyətin, əsasən də mərkəzi bank istisna
olmaqla digər bankların əvvəlki sahiblərinə qaytarılmasını əhatə etmişdir. Bu proses 1974-1975-ci
illərdə həyata keçirilmişdir. Özəlləşdirmənin gedişi zamanı hərrac üsuluna üstünlük verilmişdir.
Birinci mərhələdə hərrac üsulu ilə özəlləşdirmə nəticəsində 500-dən çox dövlət müəssisəsindən
yalnız 19-u özəlləşdirilməmiş, yerdə qalanları isə özəl bölmənin mülkiyyətinə verilmişdir.
Bu dövr
həm də müsadirə edilmiş torpaqların xeyli hissəsinin əvvəlki sahiblərinə qaytarılması, bir hissəsinin
isə hərrac vasitəsilə satılması ilə də xarakterikdir. Bu zaman özəlləşdirmənin obyektinə meşələr, su
resursları, kənd təsərüfatının istehsalat alətləri, şəkər sənayesi müəssisələri və digər bu tipli
təsərrüfat subyektləri daxil idi.
İkinci dalğa 1975-83-cü illəri əhatə etməklə, daha çox bankların və müəssisələrin özəlləşdirilməsi
ilə fərqlənir.
1985-1986-cı illəri əhatə edən üçüncü özəlləşdirmə dalğasının təsiri ilə Çilidə "xalq kapitalizmi"
formalaşdırılmışdır. Bu dövrdə hasilat
və poladtökmə sənayesinin, kommunal xidmət sferasının iri
müəssisələri özəlləşdirilmişdir.
Çili özəlləşdirilməsinin dördüncü dalğası 1986-cı ildən sonrakı dövrü əhatə edir və 40-dək daha
yüksək effektivlik və rentabellik göstəricisinə malik müəssisə və sahələrin bütövlükdə
özəlləşdirilməsi ilə seçilir. Ötən əsrin 90-cı illərinin əvvəlində bu siyahıya hətta ölkənin aparıcı
telekommunikasiya və avia şirkətlərinin də adı daxil edilmişdi.
İkinci özəlləşdirmə dalğasının gedişi zamanı baş vermiş qanun pozuntuları bir sıra maliyyə
sövdələşmələrinin təşkilinə gətirib çıxardığından, 80-ci illərin əvvəlində ölkə dərin iqtisadi tənəzzül
və kütləvi işsizlik problemləri ilə üzləşmişdi. Belə ki, 1983-cü ildə Çilidə işsizliyin səviyyəsi 31
faizə çatmışdı.
İri şirkətlərin və bankların səhmlərinin güzəştli şərtlərlə, süni surətdə aşağı salınmış qiymətlərlə
satışı iri banklar və sənaye korporasiyalarının maliyyə fırıldaqlarında birgə iştirakına imkan
yaratmışdır. Demək olar ki, ölkənin bütün iri
şirkətləri banklarla birləşmiş, məqsədli şəkildə ucuz
qiymətə satılan səhmlər sonradan eyni bank tərəfindən alınmış və bu əməliyyatlar külli miqdarda
mənfəətin dövriyyədən kənarlaşdırılmasında ciddi rol oynamışdır.
İlk əvvəllər xarici kapitalın ölkəyə portfel investisiyalar şəklində misli görünməmiş axını iqtisadi
aktivliyi xeyli canlandırsada, aciotac nəticəsində formalaşmış bu prosesin sonradan tez bir zaman
ərzində fasilə verməsi müşahidə olunmuşdu. Prosesin ilkin nəticələri üzrə gözlənilən uğurların
özünü doğrultmadığını hiss edən hökumət vəziyyətdən çıxış üçün ilk dövrlər faktiki olaraq
nəzarətdən kənarda qalmış və iflasa istiqamətlənən özəlləşdirmə siyasətindən geri çəkilərək
iqtisadiyyatın idarəedilməsində dövlətin rolunu yenidən gücləndirməyə üstünlük vermişdir. Bu
məqsədlə 1983-cü ildə 8 aparıcı bankın üzərində dövlət nəzarəti yenidən
bərpa olunmuş və bir
neçə bank ləğv edilmişdir. Ölkənin Mərkəzi Bankı xarici investorlar qarşısında bir neçə
kommersiya bankının borclarını ödəmək barədə öhdəlik götürmüşdür. Bütün bunlardan sonra,
özəlləşdirmə üzərində formalaşmış güclü nəzarət mexanizmi və bu prosesə hökumət tərəfindən
daimi diqqət yetirilməsi problemin həllində mühüm rol oynaya bilmişdir.
Yalnız situasiyanını sabitləşməsindən sonra dövlət yenidən sürətli özəlləşdirməyə start vermişdir.
Lakin bu dəfə özəlləşdirmənin gedişinə kifayət qədər ehtiyatlı və diqqətli formada yanaşma və
onun prinsipcə yeni modelinə üstünlük verilməsi sonrakı müvəffəqiyyətə əhəmiyyətli dərəcədə
müsbət təsir göstərmişdi. Leytmotivini "xalq kapitalizmi" şüarı təşkil edən yeni modelin həyata
keçirilməsində pensiya fondları xeyli aktivlik nümayiş etdirirdilər. Bu dövrdə fond birjasının
fəaliyyətində
müşahidə olunan sabitlik, birinci və ikinci qiymətli kağızlar bazarının formalaşması
tələb olunan zəruri maliyyə və kapital bazarının yaranmasında kifayət qədər ciddi rol oynamışdır.
Yeni modelin həyata keçirilməsi funksiyası pensiya fondlarının müdiriyyətinə həvalə olunmuşdu.
Bundan sonra pensiya fondları özəlləşdirilən müəssisələrin səhmlərini daha sürətlə almağa
başladılar ki, nəticədə onların hesabına səhm alan işçilər də səhmdarlara çevrilirə bildilər. Bununla
yanaşı Çilidə əmək haqqının 10-20% -i həcmində "qocalığa görə məcburi vergi"də tətbiq
olunmağa başladı. Mövcud qanunvericiliyə görə, həmin vergi işçinin istəyindən asılı olaraq 14 özəl
pensiya fondlarından istənilən birinə ödənilə bilərdi. Külli miqdarda maliyyə resursları toplayan və