(investisiya çekləri ilə) işləməyə icazə verilirdi. Qanuna müvafiq olaraq onların
nizamnamə
kapitalının minimal həddi 500,1000 rublluq səhmin ekvivalentində 500 min rubl təyin edilmişdi.
Bu fondlara istənilən səhmdar cəmiyyətinin 5 faizindən çox səhmlərini əldə etmək qadağan
olunurdu. Məqsəd maliyyə fırıldaqlarının qarşısını almaq və onların fəaliyyətini tənzimlənməyə
yönləsə də, bəzi hallarda Rusiya hökuməti bu istiqamətdəki istəklərini tam reallaşdıra bilmədi və
ölkədə məhz belə fondların bazasında bir neçə maliyyə piramidaları formalaşdı.
Çexoslovakiyada da investisiya fondları açıq tipli olmaqla, ilkin mərhələlərdə yalnız
investisiya
kuponları ilə işləməyə başlamışdı. Lakin, bu ölkənin müvafiq qanunvericiliyinə görə fondlar ilk
əvvəl istənilən səhmdar cəmiyyətin 10 faiz səhmlərinə, sonradan isə (1994-cü ildən etibarən) 25
faiz səhmlərinə sahib dura bilərdi. Ölkədə özəl sahibkarların təşəbbüsü ilə 429 investisiya
özəlləşdirmə fondu formalaşmışdı. Hökumətin təsdiq etdiyi normalara və qaydalara görə fondlar
inhisarçı mövqedən çıxış edə və onların nizamnamə kapitalının minimal həddi 100.000 çex
kronundan (o dövrdəki kursla təxminən 3500 ABŞ dolları) az ola bilməzdi. Polşada MİF-lər ilk
başlanğıcdan özəlləşdirmə prosesinin ayrılmaz tərkib hissəsinə çevrilmiş və onların fəaliyyəti
klassik invetisiya fondlarının funksiyalarına deyil, vençur kapitalınıın formalaşmasına
yönəldilmişdir. Belə fondları özəlləşdirmə nazirliyi təşkil edirdi. Nazirlik belə fondların peşəkar
menecerlər tərəfindən idarə olunmasını və onların da hər birinin təxminən 30 şirkəti idarəetmə
məsuliyyətini öz üzərinə götürməsini nəzərdə tuturdu. MİF-də Qərb maliyyə institutlarına xas
olan üç funksiya cəmləşmişdi. (a) vençur kapital agenti, (b) holdinq kompaniyalar, (v) qapalı
tipli fond. Müxtəlif mərhələlərdə fondun inkişafı ilə əlaqədar olaraq ayrı-ayrı
funksiyalar ilk
planda fəaliyyət göstərirdilər.
Polşada səhmlərin fondlar vasitəsilə bölüşdürülməsindən bəhs edərkən qeyd etməliyik ki, birinci
mərhələdə kütləvi özəlləşdirmə üçün seçilmiş 512 şirkətin 27 faiz səhm paketi bərabər şəkildə
bütün MİF-lər arasında bölüşdürülmüşdü. İkinci mərhələdə fondlar hər 30 şirkətin 33 faizlik səhm
paketini almaq məqsədilə hərraclarda iştirak edir və şirkətlərin nəzarət səhm paketlərinə sahib
olmağa səy göstərirdilər. Çexo-Slovakiyada və Rusiyada fondlar özəlləşdirmə prosesinin
sürətləndirilməsində, kapital bazarının formalaşdırılmasında, bir sözlə,
iqtisadiyyatda bazar
prinsiplərinin tətbiqində əhəmiyyətli rol oynamışdılar. Polşada isə başlıca diqqət müəssisələrin
özəlləşdirməyədək sağlamlaşdırılması məsələlərinə və xarici investisiyaların cəlb edilməsinə
verildiyinə görə, fondların sürətli özəlləşdirməyə impuls verməsi arxa plana keçmişdi.
Özəlləşdirmənin Çexiya, Slovakiya, Rusiya Federasiyasında gedişinin nəticələrini şərh edərkən,
Polşanın keçmiş özəlləşdirmə naziri Eci Tem yazırdı: "Polşa proqramının reallaşdırılması Qərb
standrtlarına cavab verən maliyyə alətləri üçün geniş və likvid ikinci qiymətli kağızlar bazarı
formalaşdırdı. Çexiya və Slovakiya proqramı səhmlərin dəyişdirilməsi üçün infrastruktura
formalaşdırsa da, bəzi şirkətlər istisna olmaqla, likvidliyi kifayət qədər təmin edə bilmədi. Rusiya
proqramında
nə infrastruktura, nə də ki, likvidlik məsələlərinə ümumiyyətlə baxılmamışdır".*
Şübhəsiz ki, bu ölkələrdə, xüsusilə də Azərbaycanda çoxlu sayda müəssisələrin sağlamlaşdırılmağa
ehtiyacı vardır. Polşada olduğu kimi, müəssisələrin restrukturizasiyasını aparmaq qabiliyyətində
olan aktiv fondların fəallaşdırılması müəssisələrin effektli fəaliyyətinin təmin edilməsində xüsusi
rol oynayır. Fikrimizcə, özəlləşdirmənin müvəffəqiyyətinin təmin edilməsində peşəkar menecerlər
ordusunun üzərinə böyük məsuliyyət düşür. Rusiya özəlləşdirmə modelində bu
məsələlər
diqqətdən xeyli kənarda qalmışdır. Azərbaycanın özəlləşdirmə praktikasında isə fondların və
menecerlərin rolu tamamilə dondurulmuşdur. Özəlləşdirmə proqramlarında mübadilə
mexanizmlərini yekunlaşdırarkən aşağıdakı sxemə müraciət etməklə, özəlləşdirmə sənədlərinin və
səhmlərinin bölüşdürülməsini alıcıların və satıcıların nöqteyi-nəzərindən qiymətləndirmək
mümkündür.
Özündə birbaşa satışı və azad seçimi birləşdirən birinci kombinasiyadan Rusiya Federasiyası,
Çexiya və Slovakiya Respublikalarında, Qırğızıstanda və Azərbaycanda istifadə olunmuşdur.
Rusiyada vauçerlərin səhmlərə dəyişdirilməsi xüsusi təşkil olunmuş birjalar vasitəsilə həyata
keçirilmiş, vauçerlərdən yalnız ixtisaslaşdırılmış çek hərracları və fond birjalarında deyil, eləcə də
özəlləşdirilən əmlakın müxtəlif satış formalarında da istifadə olunmuşdur. Xüsusilə də,
müəssisənin işçiləri və rəhbər kadrları dövlət əmlakının vauçerlər vasitəsilə satışında
bəzi güşətlər
əldə etmişdilər. Bu variantın reallaşdırılmasında ortaya çıxan ən ciddi problemlərdən biri səhmlərə
tələblə, onun təklifi arasında tarazlığın düzgün yaradılmaması səbəbindən bir çox müəssisələrin
səhmlərinin satışı bir neçə günə, bəzən isə həftəyə çəkirdi.
Çexiya və Slovakiyada nisbətən uğurla tətbiq olunmuş səhmlərin əldə olunması mexanizminin
təhlili də böyük maraq doğurur. Bu mexanizm hər biri 5 mərhələdən ibarət olan 5 raunddan təşkil
edilmişdi. Hər bir raundun birinci mərhələsində kupon sahibləri müxtəlif səhmlərin qiymətini
öyrənir və müqayisə edir. İkinci mərhələdə onlar malik olmaq istədikləri səhmlərə sifariş verir.
Üçüncü mərhələdə həmin sifarişlər mərkəzləşdirilmiş qaydada yenidən işlənir. Nəhayət, sonuncu
mərhələdə həmin özəlləşdirmə raundunun nəticələri elan edilirdi.
Qanunvericiliyə görə, hər bir
raundun müddəti 1 aydan çox ola bilməzdi. Səhmlərə sifarişlər heç də həmişə yerinə yetirilmir.
Bu sifarişlər yalnız səhmələrə ümumi tələb təklifdən aşağı olanda reallaşırdı. Əgər tələb təklifi 25
faizdən az olaraq üstələyirsə, bu halda federal maliyyə nazirliyi balans yaratmaq məqsədilə
investisiya özəlləşdirmə fondları vasitəsilə tələbi 20 faizədək aşağı salırdı. Tələb təklifdən 25
faizdən çox olduqda isə sifariş yerinə yetirilmir, investisiya xalları onun sahibinə qaytarılırdı ki, o
növbəti raundlarda istənilən şirkətin səhmlərinə sifariş verə bilsin. Sxem üzrə ikinci variantda
özəlləşdirmə modelində iki kombinasiya nəzərdə tutulurdu ki, onun sonuncusu praktikada
ümumiyyətlə tətbiq edilməmişdir. Birinci isə Bolqarstanda tətbiq imkanları qazanmışdır.
Üçüncü variantın birinci kombinasiyasından Qazaxıstanda, ikinci
kombinasiyadan isə Polşa və
Rumıniyada geniş istifadə olunmuşdur.
Bu mövzuda fikir və mülahizələrimizi yekunlaşdırarkən Çexiya, Polşa və Rusiyanın kütləvi
özəlləşdirmə proqramlarının mübadilə mexanizmi üzrə parametrlərinin müqayisəli cədvəlini
təqdim edirik. Azərbaycanın müqayisə obyektinə cəlb edilməməsinə gəlincə, bu, ölkəmizin
özəlləşdirmə təcrübəsində investisiya fondlarının fəaliyyətinin müqayisəyə gəlməyən səviyyədə
olması ilə bağlıdır ki, bunun səbəblərini növbəti fəsillərdə daha ətraflı bəhs edəcəyik.
* * *
Ермакович В.Модели массовой приватизации, «Исследование и анализ», №102, Варшава,
CASE, 1997
Roman Frydman, Andlrey Rapaczynski, Johns Earle and et al The privatisation prosses in Russia,
Ukraine and the Baltic States Central Evropean University press Budapest London. New York 1996
В.Ермакович., Ю.Панкув. Приватизация в Кыргызстане в 1992-1996г.г. Варшава, САSE
№102
Приватизация за любую цену.Анализ опыта Республики Грузия в 1997-1998 годах, Под
редакцией Влодзимежа Панькува и Барбары Гончаж,
Варшава CASE, 1998, №141