- ayrıca qrup müəssisələrin bütün
səhmlərinin özəlləşdirilməsi;
- praktiki olaraq bütün müəssisələrin səhmlərinin bir hissəsinin özəlləşdirilməsi.
Birinci variant daxilində satış üçün yalnız mənzillər və dövlət kənd təsərrüfatı müəssisələri ayrılır.
Bu variantdan ilkin olaraq Belarus, Estoniya, həmçinin, Litva və Ukraynada istifadə edilmişdir.
İkinci variantda KÖP-də dövlət müəssisələrinin bir qrupu iştirak edir. Bu variant Bolqarıstan,
Rumıniya, Polşa, Çexiya, Slovakiya, Estoniya, Qazaxıstan
və Monqolustanda həyata
keçirilmişdir. Polşada KÖP-də iştirak üçün məcmu balans dəyəri 15 mlrd. zlota (təxminən 6 mlrd.
dollar) qədər olan 512 dövlət müəssisəsi ayrılmışdır ki, onların da əsas fondlarının məbləğinin
ölkə üzrə ümumi yekunda xüsusi çəkisi 10,8 faiz təşkil edirdi. Bu müəssisələr özəlləşdirmə
nazirliyi tərəfindən qabaqcadan və ardıcıl surətdə seçilmişdir. Bu zaman əsas meyar olaraq satış
həcminin 10 mln. dollardan az olmaması və rentabelli fəaliyyət nəzərə alınmışdır.
Polşada kütləvi özəlləşdirmə prosesində iştirak məqsədilə seçilmiş şirkətlərin səhmləri aşağıdakı
prinsiplərə müvafiq olaraq bölüşdürülürdü:
33% -bir Milli İnvestisiya Fonduna (MİF) daxil olan səhm paketinin maksimum ölçüsüdür;
27% - digər MİF arasında bölüşdürülür; ( 60% (33%+27%) bütövlükdə MİF-lər arasında
bölüşdürülür);
15% - əmək kollektivinin üzvləri arasında (illik əmək haqqının həcmi həddində) əvəzsiz olaraq
bölüşdürülür; (75%-in (33%+27%+15%) bütövlükdə özəlləşdirməsi nəzərdə tutulur);
25%- sosial sığorta sistemində islahatların aparılması məqsədilə sosial təminat fondlarının
mülkiyyətində saxlanılır, (100% (33%+27%+15%+25%) ümumi səhmdar kapitalı təşkil edir).
Çexiya Respublikasının genişmiqyaslı özəlləşdirmə proqramına müvafiq olaraq (26 fevral 1991-ci
ildə Federal Məclis tərəfindən qəbul edilmişdir) müəssisə 20 yanvar 1992-ci
ildək davam edən
birinci və 16 iyun 1992-ci ilədək davam edən ikinci mərhələ çərçivələrində özünün şəxsi
özəlləşdirmə planını işləyib hazırlamalı və bu planlarda səhmlərin birbaşa satışı, açıq tender,
pulsuz paylanma, həmçinin, kuponlara dəyişdirilmə üsullarına hökmən yer ayrılmalıdır.
Səhmlərin bölüşdürülməsini əks etdirən statistik məlumatlara görə, Çexiya Respublikasında
özəlləşdirilən müəssisələrin 1/5-i praktiki olaraq səhmlərin 84% -nin kuponlara dəyişdirilməsi
variantını seçmişdir (yerdə qalan səhmlərin 3 faizi avtomatik olaraq
Restitusiya Fonduna daxil
olmuş, 8%--i dövlətin sərəncamında saxlanılmış, 5%-i bankların özəlləşdirilməsində istifadə
olunmuşdur). Slovakiyada isə müəssisələrin 60 faizi istisnasız olaraq kupon özəlləşdirməsini
seçmişdilər. Kupon özəlləşdirməsində dəyəri bütövlükdə 500 mlrd. çex kronundan çox olan və
dövlət əmlakının 25 faizinə qədər xüsusi çəkiyə malik olan aktivlərin dövlətsizləşdirməsi nəzərdə
tutulmuşdu. Çexiyada dövlət müəssisələrinin satışı iki mərhələdə həyata keçirilmişdir:
Birinci mərhələ bütövlükdə 1992-ci ili əhatə edərək həmin dövr ərzində 2883 dövlət müəssisəsinin
özəlləşdirilməsi məqsədini qarşıya qoysa da, onlardan iqtisadiyyatın
müxtəlif sahələrinə
(sənayeyə, bank sferasına, xidmət, ictimai iaşə bölməsinə) aid olan yalnız 1491-nin
özəlləşdirməsi vaxtında başa çatdırılmışdır. Özəlləşdirilməsi bu mərhələdə nəzərdə tutulan
müəssisələrin ümumi balans dəyəri 500 mlrd. çex kronuna, sayı isə 800-ə bərabər olmuşdur.
Üçüncü variantda KÖP çərçivəsində bütün orta və iri müəssisələrin (bəziləri istisna olmaq şərtilə)
özəlləşdirilərək, səhmlərinin müəyyən hissəsinin vauçerlərə, kuponlara dəyişdirilməsi nəzərdə
tutulurdu. Bu variantda özəlləşdirmə modelinə uyğun gələn ən yaxşı nümunə Rusiyanın vauçer
özəlləşdirilməsidir. Rusiya Federasiyasında özəlləşdirmə 14 avqust 1992-ci
il tarixli prezident
fərmanına müvafiq olaraq 1 oktyabr 1992-ci ildən start götürmüşdür. Proqram 13 min
dövlət
müəssisəsini və ya bütün müəssisələrin 70-80 faizini əhatə edirdi. Əsas fondların yenidən
qiymətləndirilməsi aparılmadığına görə bu müəssisələrin balans dəyəri müəyyənləşdirilməmişdir.
Rusiyada vauçer özəlləşdirilməsi vasitəsilə bütün səhmlərin 35 faizə qədərini bölüşdürmək nəzərdə
tutulmuşdur. Proses zamanı dövlətin sərəncamında gələcəkdə müəyyən məqsədlərdən ötrü
satılması planlaşdırılan səhm paketi saxlanılmamış, müvafiq orqanlar vasitəsilə müəssisələrin
qabaqcadan seçimi həyata keçirilməmişdir. Beləliklə də Rusiyanın
KÖP-də praktiki olaraq bütün
müəssisələrə bu prosesdə iştirak etmək hüququ verilmişdi. Bu qrupa daxil olan hər bir müəssisə
səhmdar cəmiyyətə çevrildikdən sonra onun səhmləri aşağıdakı sxem üzrə bölüşdürülürdü:
35%-əmək kollektivinin üzvlərinə əvəzsiz verilirdi;
10%- müəssənin işçilərinə nominal qiymətinin 30% -i qədər güzəşt edilmək şərti ilə satılırdı;
5%- müəssisənin rəhbər kadrlarına nominal dəyəri ilə satılırdı;
50%- çek hərraclarında strateji investora satılırdı.
Cəmi 100% (35%+10%+5%+50%) - ümumi səhmdar kapital.
Səhmdar kapitalın ümumi həcmindən 35 faizlik səhm payını satış prosesində vauçerlərə
dəyişdirmək nəzərdə tutulurdu ki, bu da aşağıdakı prinsip üzrə həyata keçirilirdi:
10% - nominal qiymətinin 30%-i qədər güzəşt edilməklə müəssisənin işçilərinə (10 faizlik kvota
daxilində);
5% - nominal
qiymətilə rəhbər kadrlara;
10% - 50% - lik kvota çərçivəsində starteji investora;
10% - tender vasitəsilə xırda investora təklif edilirdi.
Cəmi 35% - vauçerlər dəyişdirilməklə reallaşdırılması nəzərdə tutulan səhm payı.
Müəssisənin hər bir işçisinə, onun rəhbər heyətinə və ya xırda investorlara səhmlərin dəyərini
tamamilə vauçerlərlə ödəmək imkanı ilə yanaşı, onlara bu əməliyyatı nəqd pulla aparmaq
hüququ da verilmişdi. Rusiyanın analoji sxemindən bir az fərqli qaydada Belarusda (bütün
səhmdar cəmiyyətlərinin 50%-də), Gürcüstanda, Litvada (6081 SC-də), Qırğızıstanda və
Moldovada (bütün dövlət müəssisələrinin səhmlərinin üçdə birində), Rumıniyada (6300 dövlət
müəssisəsində), həmçinin, Sloveniya və Ukraynada (6800 SC), Azərbaycanda (1065 SC) istifadə
olunmuşdur.