78
QLOBALLAŞM A VƏ M Ə D Ə Nİ M Ü X T Ə L İFL İK
landırmaq üçün identiklik anlayışı, adı çəkilən qrupların
bütün inkişaf mərhələlərində, rol münasibətlərində
sabitliyini saxlayan fenomen kimi tətbiq olunur.
Elmin diqqət mərkəzində olan “özünəməxsusluq”
anlayışı mədəniyyət sahəsində beynəlxalq qurum və
təsisatların da fəaliyyət və diqqətini cəlb etdi. 1982-ci
ildə YUNESKO-nun mədəni siyasət üzrə beynəlxalq
konfransında identiklikdə müasir dövrün ən mülıüm
problemlərindən biri elan edildi. YUNESKO materi
allarında identiklik də “mədəniyyətin həyati nüvəsi”ndə
yer almışdır.
“Özünəməxsusluq” anlayışının elmi müəyyənləşdiril
məsi prosesi hələ davam edir. Burada obyektiv və
subyektiv aspektlərin hədsiz mürəkkəb çulğaşması,
onların nisbəti məsələsi hələlik qeyri-müəyyən olaraq
qalır.
Mədəni müxtəliflik kontekstində mədəni irs məsələsi
də elmi maraq predmetidir.
Müxtəliflik vəmədoniirs.üMirasizmü.
Dövrlərin və nəsillərin bir-birini təbii təkamül yolu
ilə əvəzləməsindən fərqli olaraq keçid, böhran və s. adlı
mərhələlərdə mənəvi-mədəni təcrübə və kollektiv tarixi
yaddaşın ötürülməsi prosesində fasilələr yarana bilər. Bu
fasilələrdə cəmiyyətin və xalqın vəhdətini və varlığını
təmin edən tellərin qırılması təhlükəsi mövcud olur.
İnkişafın strateji və taktiki yolları, modelləri təhlil
olunarkən bu baxımdan mədəni irs probleminə elmi
maraq və kəskin sosial sifarişin verilməsi bununla
əlaqədardır.
Elmi ədəbiyyatda hər hansı bir cəmiyyətin bütün
mədəni nailiyyətlərinin, ictimai yaddaşında həkk olunan,
keçmişi də əhatə edən tarixi təcrübənin məcmuyu -
mədəni irs adlandırılır..
Mədəni irs, ən uzaq tarixi keçmişə aid olan
nailiyyətləri də özündə əks etdirdiyi üçün zamanın
Fosil I. Qloballaşma. Mədəniyyət fenomeni qloballaşma kontekstinda 79
fövqündə durur. Çünki yeni mərhələlər və yeni nəsillər
üçün örnək olmaq potensialını özündə saxlayır.
Mədəni irs - ənənəyə nisbətən daha geniş anla
yışdır. Burada cəmiyyətin mədəniyyətində yaradılmış,
hətta bir vaxtlar qəbul edilməyən, bəyənilməyən, lakin
sonralar öz layiqli yerini bərpa edən bütün sərvətlər
mühafizə
olunur.
Mədəni irs baxımından
ənənə
“mədəniyyət və ya sosial-siyasi təsisatların elə təkrar
istehsalı mexanizmidir ki, onlara müraciət edilməsi,
tarixin sınağından çıxması, tarixi keçmişdə mövcud
olması faktı ilə əsaslandırılır”.'
Mədəni inkişaf və təkamülün dialektikası daimi
keçmişdən indiyə və indidən gələcəyə yönəlmişdir.
Toplanmış təcrübə, yeni əldə edilmişlə tamamlanır,
əvvəlkinin daim yenidən şərhi və qiymətləndirilməsini,
seçilmiş və zənginləşməsini nəzərdə tutur.
“Mədəni irsə münasibət” probleminə dair elmi
ədəbiyyatda aparılan qızğın diskussiyalarda bir neçə
nəzəri baxış və konsepsiyalar formalaşmışdır. Onlardan
ilk növbədə, nisbətən az məlum olan və Şərq-müsəlman
mədəniyyətinə aid olan “mirasizm” adlı istiqamətdən
bəhs etmək yerinə düşür.
Sovet imperiyasında islam mədəniyyəti daşıyıcıları
olan xalqların öz keçmişinə, mədəni irsinə bağlılığı o
zamankı
xarici
elmin
diqqət
mərkəzində
duran
problemlərdən idi. Hamısı vahid Sovet mədəniyyəti
nümayəndələri kimi təqdim olunan SSRİ xalqlarının öz
mədəni identiklik və irsinə münasibəti gec-tez gərginliyi
şərtləndirəcək səbəb kimi çox ciddi izlənilirdi.
Hətta əcnəbi alimlərin “islam mədəniyyəti” sözünü
işlətməsi,
qəbahət
sayılır,
onların
antisovetizm
siyasətində əsas vasitə kimi istifadə etdiyi, real islam
mədəniyyətinin SSRİ-də olmamasına dair tədqiqatçılar
cavab olaraq aparılırdı. 1
1 Левада Ю.А. Традиция. //Философская энциклопедия. M. 1970.
Том 5, с.253.
80
Q LO BALLAŞM A VƏ M Ə D Ə N İ M Ü X T Ə LİFLİK
Modernləşmə dalğası və Sovet imperiyasının daxili
ziddiyyətlərinin gərginləşməsi gedişində Qərb alimləri
B.Lapidus, A.Rorlix, S.Burq və başqaları, SSRİ-də islam
zəminində yüksələn milli ruhun siyasi və elmi qayğının
əsas predmetinə çevrilməsini irəli- sürürdülər. Onların
fikrincə SSRİ-də milli ruhu və “yeni millətçiliyi” islam
mədəniyyəti bölgəsinin özünüdərki qidalandırır.'
Həmin dövrdə Paris siyasi elmlər institutunun
professoru Elen de Ankoss yeni tip sovet adamının -
“homo islamikus” - mövcudluğundan danışmağı vacib
hesab edirdi: “Sovetlər onları sovet özbəyi, azərbaycanlısı
və s. mənsub olmağa məcbur etməyə çalışsalar da onlar
bunun müqabilində özlərini islam dünyasının bir hissəsi,
bütün dünya müsəlmanlarının nümayəndələri kimi hiss
edirlər.1
2
Digər müəllif B.Ollcott dini-mənəvi dəyərlərin
mədəni irsin təməl hissəsi olduğunu nəzərə alaraq
yazırdı: “Sovet müsəlmanı bilir ki, o ateist ölkənin
vətəndaşıdır. Lakin orduda xidmət dövrü istisna olmaqla,
müsəlman adətən ateist deyil, sadəcə sekulyar dünyada
yaşadığını aydın hiss edir.
İslam mədəniyyətidə və dəyərlərinə diqqət və
münasibət, ziyalıların öz tarixi, mədəni keçmişinə həssas '
münasibəti Qərb elmində “mirasizm” hərəkatı adı ilə
səciyyələnmişdi.
(Mirasizm-“miras-irs”
sözündəndir).
Qərb
tədqiqatçılarının
fikrinə
görə
“müsəlman
intellektuallarının öz keçmişlərinə, tarixi və mədəni
köklərinə marağı Şərq mədəniyyəti ilə daha yaxından
tanış olmağa, panislamist və pantürkist əhval-ruhiyyənin
yüksəlişinə səbəb olmuşdur. Los-Ancelesli professor
Ayişə Rorlix göstərir ki, tarix, ədəbiyyat və incəsənət
müharibə meydanını xatırladır.
1 d'Encause H. The Islamic minorities. 1985.
2 Ж.Э.Мамедов. «Исламская культура» как «политический ре
сурс» антисоветизма. Критика советологических концепций. В
кн: Актуальные проблемы ислама. Баку, 1988, с.221.
Fəsil I. Qloballaşma. Mədəniyyət fenomeni qloballaşma kontekstində 81
Müəllif daha sonra qeyd edir ki, “mirasizm” rəsmi
ritorika, “proletar intemasionalizmi”nin təsiri altında de
yil, ümumi tarixi keçmiş, ümumi mədəniyyət və
ənənələr “körüyündə” əriyib, bərkidilmiş əcdad obraza,
milli mahiyyətə mənsubluq hissindən təşəkkül tapmış,
azərbaycanlılar arasında aşkar təzahür edən millilik
əlamətlərindəndir.1
Qərb alimlərinin tədqiqatlarında mirasizm mədəni
millətçiliyin ifadəsi olub, siyasilik və millətçilikdən çox
mədəniyyətə əsaslanan hərəkat idi. İlk baxışda öz
məktəbləri, dili, qəzeti, nəşriyyatları olsa da, müsəlmanlar
mədəni müxtəliflik və identiklik baxımından bərabər
deyildir. Onların mədəniyyəti kök və dayılardan, milli-
mənəvi ruhdan uzaqda olan müstəvidədir.
Hər bir mədəniyyətdə elə sahə vardır ki, burada
mədəni irs əbədi dəyərlərin əbədi həyatı ilə daim yaşayır,
sosial-siyasi sarsıntı və fəlakətlərin təzyiqinə tab gətirir.
Mədəni sərvət və abidələrə hər bir xalqın qayğısını
görərkən biz buna əmin oluruq.
Yalnız lokal mədəniyyətlərin deyil, qlobal səviyyədə
bəşər mədəniyyətinin sərvətinə münasibət YUNESKO
kimi beynəlxalq qurumların təsis olunmasını şərtlən
dirmişdir.
Mədəni irsə münasibət tarixdə birmənalı olmamışdır.
Burada bütün dəyərləri inkar edən nihilizm, primitiv-
anarxist mövqelərdən tutmuş, mədəni inteqrasiyanın
birtərəfli mütləqləşdirilməsinə kimi müxtəlif cəhdlər
olmuşdur. Burada mədəni dinamika və obyekt-subyekt
münasibətlərinin tam təhlil olunmamış aspektləri çoxdur.
Mədəniyyətin
mahiyyətinin
mühafizə
edilməsi,
varislik, ənənə, eləcə də innovasiya kimi cəhətlərin rolu
mütləqləşdirilə bilməz. Mədəniyyətin mahiyyəti və
strukturunda mədəni nüvə, irs və s. nisbi müstəqil rola
malikdir.
1 A.Rorlich. Not by history alone: The retrieval of the past among the
Tatar and the Azeris -Central Asian suvvey. Oxford, 1984, v.3, №2.
Dostları ilə paylaş: |