Sənaye inqilabı
283
sərrüfatı maşınlarının istehsalında birinci yerə çıxır. Qərb həm də
maşınqayırma və metallurgiya sahəsində Cənubu ötüb keçir.
Metallurgiyada buxar maşınlarının tətbiqinə görə Qərb ştatları daha çox
inkişaf etmişdi [2.19].
Qərbin azad ştatlarında əhalinin sayı az olduğundan və inkişaf üçün
yaxşı şərait yarandığından oraya çoxlu sayda immiqrantlar gəlirdilər.
Bunların böyük əksəriyyəti texniki cəhətdən inkişaf etmiş Şərq və Şimal
ştatlarından idilər. 1857-ci ildə Minnosote ştatında peşəkarların
əksəriyyəti Nyu England, Men və Nyu York, həmçinin İrlandiya,
İngiltərə və Almaniyadan gəlmişdilər [2.22]. XIX əsrin əvvəlində
Vermont, Men, Ohayo, Kentukki, Tennessi ştatları nisbətən kiçik əhali
sıxlığına malik olduqları halda, 1860-cı ildə bu ştatlar artıq inkişaf etmiş
sənaye və sosial bazaya malik olub, Qərbdə başqa ərazilərin tutulması
və inkişaf etdirilməsində böyük rol oynayırlar. Amerika Birləşmiş
Ştatlarında XIX əsrdə baş verən sənayeləşmə prosesi onu göstərir ki,
sənaye inqilabı bu ölkədə üç regionda özünəməxsus şəkildə baş verir:
şimal-şərq ştalarında baş verən sənaye inqilabı, cənub ştatlarında
plantasiyalar və sənayenin mexanikləşdirilməsi və sənayenin qərb
ərazilərinə yayılması [2.18].
Bu proseslərin gedişində Avropada olduğu kimi dəmir yolu xəttinin
yaradılması və genişləndirilməsi aparıcı rol oynamışdır.
Dəmir yolunun salınmasına qədər olan dövrdə ABŞ-da da torpaq
yollar, çaylar və kanallar nəqliyyat üçün əsas sayılırdı. Ancaq coğrafi
çətinliklər sayəsində hər bir ərazidə su kanalı çəkmək mümkün deyildi.
Məsələn, Baltimor ilə Qərb arasında yerləşən Appalaçi yüksəkliyi su
yolunun çəkilməsinin qarşısını almışdır. 1827-ci ildə ilk ABŞ dəmir
yolu cəmiyyəti yaradılaraq, Baltimor və Ohayo arasında xəttin
çəkilməsini qarşısına məqsəd qoyur [2.23].
Dəmir yolu tikintisində Avropada olduğu kimi, burada da ingilis
buxar qatarı tətbiq olunurdu. İlk vaxtlarda ABŞ-a Avropadan 114 ingilis
lokomotivi gətirilir. ABŞ-ın dəmir yolu tarixində ilk lokomotiv
İngiltərədə hazırlanmış “Stourbridge Lion” 1829-cu ildə tətbiq olunmuş-
Sənaye inqilabı
284
dur. İngilis hegemonluğu ABŞ-da uzun çəkmir. 1830-cu ildə Nyu
Yorkda "The Best Friend of Charleston" (azərb. “Çarlestonun yaxın
dostları”) firması yaradılaraq, orada ilk yerli lokomotiv hazırlamağa
cəhd göstərilir. Ancaq 1831-ci ildə aparılan sınaq zamanı buxar
qazanının
partlaması
nəticəsində
işlər
yarımçıq
qalır.
Yerli
lokomotivlərin praktiki tətbiqi yalnız 1831-ci ildə Matias Vilyam
Boldvin (ingl. Matthias William Baldwin) tərəfindən Filadelfiyada
yaradılan “Baldwin Locomotive Works” zavodunda düzəldilmiş etibarlı
lokomotivlərin sayəsində mümkün olur. Bu zavod 1945-ci ilə qədər
dünyada ən böyük buxar lokomotivi hazırlayan müəssisə hesab
olunurdu. Baldvinin nümayiş etdirdiyi qatarda iki vaqon var idi (şəkil
2.31). Bu vaqonların hərəsində 4 nəfər əyləşə bilirdi. Bundan əlavə
buxar qazanını qızdırmaq üçün koks əvəzinə Amerikada çıxarılmış yerli
kömürlərdən istifadə edilmişdir.
Sonrakı illərdə Amerika Birləşmiş Ştatlarında dəmir yolu güclü inkişaf
edir. 1850-ci ildə artıq kiçik və böyük dəmir yolu cəmiyyətlərini özündə
birləşdirən, uzunluğu 480000 km olan, böyük qatar xətti şəbəkəsi
mövcud idi [2.23].
Şəkil 2.31. Boldvinin hazırladığı lokomotiv.
Sənaye inqilabı
285
Vətəndaş müharibəsi ərəfəsində ABŞ-ın bir çox qatar xətləri
dağıdılır. Müharibə vaxtı dəmir yolu əsgərlər və silahların daşınmasında
böyük əhəmiyyətə malik idi. Buna görə də hələ müharibə dövründə
prezident Linkoln Kaliforniyaya dəmir yolunun çəkilişinə icazə verir.
1850-ci ildə Kaliforniya ştat statusu alır və ABŞ-ın qalan hissəsi ilə
birləşdirilir.
ABŞ-da dəmir yolu tikintisi 1830−50-ci illərdə sürətlə inkişaf edir.
Bunu aşağıdakı cədvəldən, başqa dövlətlərlə müqayisədən görmək olur
[2.25]:
Almaniya
İngiltərə
ABŞ-ın
şimal hissəsi
1830
1840
1850
-
469 km
6143 km
138 km
1350 km
1066 km
87 km
5330 km
13800 km
Müharibədən sonra dəmir yolu tikintisi yenidən canlanır. Dövlət bu
sahədə çalışanlara maliyyə yardımını gücləndirir. Bu maliyyənin
miqdarı çəkilən yolun uzunluğundan asılı olduğundan firmalar daha
sürətlə, daha uzun yol çəkməyə cəhd göstərirlər. 1869-cu ildə
firmalardan biri qərbdən şərqə, digəri isə Şərqdən Qərbə eyni zamanda
qatar yolunun tikilməsinə başlayır. Onlar Böyük Salzsee ətrafında
görüşərək xəttləri birləşdirmək haqqında razılığa gəlirlər. 1869-cu ildə
dəmir yollarının birləşdirilməsi təntənəli şəkildə qeyd edilir. Bu xətlə
qərbdən şərqə qatarla səfər 7,5 gün çəkirdi [2.23].
Transkontinental dəmir yolu çəkilişi ilə bərabər müharibə zamanı
dağıdılmış xətlər bərpa olunaraq daha da genişləndirilmiş və ölkənin
orta hissəsində olan ərazilər də şəbəkəyə qoşulmuşdular. Ağac
məmulatlarının çox olması səbəbindən dəmir yolu tikintisində çox
zaman ağac konstruksiyalardan istifadə olunurdu.
Dəmir yolu tikintisi ilə bərabər ABŞ mühəndisləri bu sahədə
tətbiq olunan texnikanın təkmilləşdirilməsi üzərində də işləyirdilər. Belə
Dostları ilə paylaş: |