Sənaye inqilabı
276
apardığı tədqiqatlar nəticəsində polad istehsalı üçün yeni üsul ixtira edir.
Martenin bu üsulu tezliklə Fransada yayılmağa başlayır (şəkil 2.30).
1869-cu ildə Fransada 23 Martin sobası tətbiq olunurdu. 1865-78-ci
illərdə bu sobalarda polad istehsalı 9647 t-dan 283377 t-a çatdırılmışdır
[2.15].
Şəkil 2.30. Le Kreuzot şəhərində rels istehsalı, 1860.
İngiltərədən fərqli olaraq Fransada iqtisadi sənayeləşmə prosesi
ictimai-siyasi proseslərlə əlaqədar olaraq fasilə ilə baş vermişdir. Buna
görə də, ümumi sənayeləşməni yuxarıda təsvir olunmuş proseslərlə
əlaqədar olaraq 4 mərhələyə bölürlər [2.15]. Birinci mərhələyə
1760−1790-cı illərdə sənayeləşmə prosesi aiddir. Bu zaman iqtisadi
cəhətdən yaxşı səviyyəyə malik olan Fransada mövcud olan kapitalın
sayəsində qısa bir zamanda İngiltərədən gətirilmiş mütərəqqi
texnologiyalar sürətlə yayılmağa başlayır. 1790−1815-ci illərdə
Fransada baş verən siyasi hadisələri ikinci mərhələyə aid edirlər.
Müharibələr, qarışıqlıq və inflyasiya ölkədə sənayeləşməni ləngidir.
Sənaye inqilabı
277
Blokada şəraitində yalnız pambıq sənayesində süni şəkildə aparılan
irəliləyiş nəzərə çarpır. 1815−1850-ci illərdə ölkədə sülh, gələcəyə ümid
və aparılan siyasət sayəsində sənayeləşmə prosesi yenidən canlanmağa
başlayır. Dövlətin verdiyi yardımlar və kreditlər nəticəsində dəmir yolu
inkişaf edir.
1850−1870-ci illərdə dəmir yolu, dəmir istehsalı kimi sahələrin
ümumiləşdirilməsi və xarici rəqabətin güclənməsi nəticəsində Fransada
sənayeləşmə öz yüksək pilləsinə çatır. Dövlət tərəfindən sənaye
sahələrinin inkişafı və azad ticarət üçün yaradılan şərait bu prosesin
gedişi üçün əlverişli şərtlərdən idi.
Sənaye inqilabı
278
2.3.2. Amerikada sənaye inqilab
ı
ABŞ
-da sənayeləşmə prosesi başqa dövlətlərdən fərqlənərək
özünəməxsus xüsusiyyətlərə malik idi. XVIII əsrin sonunda ölkənin
şimal-şərq hissəsində inkişaf etmiş manufaktura təsərrüfatı hökm
sürdüyü halda, cənub və qərbdə plantasiya köləliyi mövcud idi. Bunun
səbəbləri ABŞ-ın bir dövlət kimi formalaşması prosesindən asılı idi
[2.17].
XVII əsrin sonunda Amerikada mövcud olan koloniyalarda aparılan
azadlıq müharibəsindən sonra şimal-şərq regionunda yerləşən torpaqlar
azad olunaraq, orada ilk 13 azad ştat yaradılır. Bu ştatlarda artıq inkişaf
etmiş feodal cəmiyyəti və daxili təsərrüfat sistemi mövcud idi. Son illər
ərzində bu ərazilərdə baş verən iqtisadi-siyasi proseslər sonda onların
Avropa dövlətlərindən azad olunması üçün şərait yaratmışdır. Bu
regionda əhalinin sayı 1775-ci ildə artıq 2,7 mln-a çatmışdı. Əvvəllər
Şərq koloniyaları İngiltərəyə mənsub olsa da, bu ərazilərə gələn
immiqrantlar İrlandiya və Almaniyaya aid olub əhalinin böyük peşəkar
hissəsini təşkil edirdi [2.5, 2.17].
Şərq regionlarında sənaye inqilabı üçün əsas sayılan ingilis maşınları
və mütəxəssisləri özləri ilə həm də təsərrüfatçılıq təcrübəsi
gətirmişdilər. Bu kapital yığımının təşkilinə, ölkə daxili və xaricində
olan resursların sənayenin inkişafı üçün cəlb olunmasına imkan
yaratmışdı. Muzdlu əməyin əsasını koloniya dövründə immiqrantlar
təşkil edirdi. Ancaq o dövrdə sənayenin inkişafı üçün ixtisaslı
peşəkarların gəlməsinə ehtiyac var idi. Onların sayı immiqrantlar
arasında çox deyildi.
İmmiqrantlar və koloniya sahibləri torpaq uğrunda mubarizə aparır,
torpaqları icarəyə götürür, ya da borcla alırdılar. Ona görə də, fermer
təsərrüfatı ilə məşğul olan şəxslər öz kapitallarını sənaye sahələrinə
qoymağa, daha çox pul qazanmağa çalışırdılar. Xammal istehsalı və
hazır məhsul üçün müştərilərin axtarılması kimi kiçik istehsal
münasibətlərinin təşkili fermerlərə kiçik kapital müəssisələrinin yaran-
Sənaye inqilabı
279
ması üçün imkan vermişdi. Belə təşkilatçılıq Amerikada işçi qüvvəsinə
ehtiyac yaradaraq, istehsal ilə məşğul olmaq istəyən fermerlərin sayının
getdikcə artması ilə stimullaşırdı. Bu şəraitdə amerika sənayeçiləri
fermerlərlə əlaqəyə girib, onlardan xammal almaq və sonra onlara hazır
məhsul satmaq üçün istehsal münasibəti yaratmağa başlayır. Bu
münasibətlər qərb regionlarında ayaqqabı, papaq, dəri paltar və s. kimi
malların istehsalı üzrə ilk kapitalist təsərrüfatının yaranmasına gətirib
çıxarır. İşçilərin, həmçinin sənətkarların əməyindən istifadə edilməklə
tekstil, ilk növbədə ABŞ-ın pambıq sənayesi yaranır.
İngiltərədən gətirilən malların yüksək keyfiyyətli olmasına
baxmayaraq maşınla istehsal olunan yarımfabrikatlar Amerika bazarında
özünə yer tapır. İngilis-Amerika müharibəsindən (1812−1814-ci illər)
əvvəl maşınla əyrilmiş iplər, artıq evlərdə parça toxumaq üçün
paylanırdı, yənu bu proses istehsalçılar tərəfindən təşkil olunmuş şəkildə
yerinə yetirilirdi.
XIX
əsrin
əvvəlində
fabrik
istehsalı
toxuculuğun
mexanikləşdirilməsi nəticəsində kustar üsulları tam sıxışdırıb aradan
çıxarmış və vüsətlə yayılmaqda idi. 1810-cu ildə ingilis inhisar
sahiblərinə mənsub olan, Akraydın nümunəsi əsasında təşkil olunmuş
fabriklərdə istehsal gücünun 70% -i ipəyirən dolağa düşürdü. Yun
məhsullarının istehsalı, hazırlama texnologiyasında olan çətinliklərə
görə ləng inkişaf edirdi. Burada manufakturadan fabrikə keçid səlis
olmuşdur və 1830-cu ilə qədər davam etmişdir. Amerikada mövcud
olan, sənaye yazışmaları əsasında belə bir nəticəyə gəlmək olur ki, şimal
və şərqdə 1840-cı ildə artıq maşınla yun istehsalı əl əməyini ötüb
keçmişdir. Bu ildə, ölkədə tekstil məhsullarının ümumi dəyəri 74 mln.
dolları keçir, evdə istehsal olunanlar isə cəmi 29 mln. dollar təşkil edirdi
[2.18].
Sənaye inqilabı ərəfəsində tekstil sənayesinin mexanikləşdirilməsi
əsasən şimal-şərqdə baş verirdi. Sənaye inqilabının başlanğıcı üçün əsas
sayılan ipəyirmə maşınlarının tətbiqi XIX əsrin əvvəllərinə təsadüf
edirdisə, tekstil sənayesinin iki əsas sahəsinin texniki cəhətdən silahlan-
Dostları ilə paylaş: |