Sənaye inqilabı
292
salı üzrə ilk “Aksioner Cəmiyyətləri” yaranır. ABŞ-da baş verən texniki
inkişaf nəticəsində, dəzgahqayırma tamamilə öz ilkin nümunəsi sayılan
İngilis dəzgahqayırmasından meyillənməyə başlayır. Bu dövrdə
İngiltərə daha çox dağ-mədən, gəmi və lokomotiv hazırlanması üzrə
ixtisaslaşmış ağır maşınqayırmanı inkişaf etdirdiyi halda, ABŞ-da
gündəlik tələbatdan irəli gələn yüngül maşın, alət və məişət maşınları ön
planda dururdu. Bu malların kütləvi istehsalının ingilis sənayesi ilə heç
bir oxşarlığı yox idi.
XIX əsrin ortalarında ABŞ üçün tipik olan frez maşınlarının
istehsalına başlanır. Frezləmə əməliyyatının texnoloji üstünlükləri ilə
bərabər, ABŞ-da istehsal olunan çuqunların nisbətən “yumşaq” olması,
bu üsulun maşınqayırmada geniş tətbiq olunmasını daha da
gücləndirmişdir. 1850-ci ildə ABŞ-da istehsal olunan frez dəzgahları,
hətta İngiltərəyə gətirilməyə başlayır. Amerika dəzgahlarının Avropada
tanınması sahəsində 1843-cü ildə yaradılmış Robbins&Lavrence
firmasının xidmətləri böyük idi [2.27]. Onlar frez dəzgahları ilə bərabər
silah istehsalı üçün xüsusi dəzgahların istehsalı ilə də məşğul idilər.
1855-ci ildə bu firma İngiltərənin Einfeld şəhərində yaradılan silah
istehsal edən firmanın təşkilində yaxından iştirak edir və böyük
miqdarda sifariş alır. Robbins&Lavrence frimasında revolver torna
dəzgahı hazırlayan mühəndis Stoun (ingl. Stone) və frez dəzgahı üzrə
mühəndis Houv (ingl. Hove) çalışırdılar. Bu frimanın bazasında
sonralar bir neçə silah və tikiş maşınları istehsal edən müəssisələr
yaranır. 1897-ci ildə yaradılan Winsdor Machine&Co. revolver torna
dəzgahlarının
istehsalı
ilə
məşğul
olur.
Frez
dəzgahlarının
hazırlanmasında böyük rol oynayan Levi Lincoln Hartford fabriki 1834-
cü ildə yaradılmışdır. Bu firma sonralar Geo Lincoln&Co. adı altında
fəaliyyət göstərir və onun məhsulları Lincoln frez dəzgahları kimi şöhrət
qazanır. Bu fabrikdə Pratt, Vitni (ingl. Pratt, Witney) kimi tanınmış
mühəndislər çalışırdılar [2.25, 2.26].
1854
−
55-ci illərdə Samyol Kolt (ingl. Samuel Colt) tərəfindən
yaradılmış silah fabriki, amerika istehsal üsulunun təkmilləşdirilib yayıl-
Sənaye inqilabı
293
ması ilə bərabər, bir çox görkəmli mühəndislərin yetişməsi üçün məktəb
rolunu oynamışdır (şəkil 2.36). Bu şəxslər arasında Pratt, Vitni, Eymos,
Billings, Slate, Rut və Spenser vardır. Bu firmanın İgiltərədə açılan
filialı sonralar ABŞ dəzgahlarının Avropada tanınması üçün önəmli rol
oynamışdır.
Şəkil 2.36. Koltun fabrikində preslər.
Nyu Englandın 6 statında, əsasən yüngül dəzgahların istehsalı
cəmlənmişdirsə, Filadelfiyada ağır sənayenin inkişafı nəzərə çarpırdı.
Filadelfiyada dəmir yolu sənayesi üçün lazım olan maşınların istehsalı
baş verir. Burada fəaliyyət göstərən iki böyük firma V.Bement&Co. və
Villiam Sellers&Co. öncə ingilis nümunələri əsasında işləyirdilər.
XIX əsrin ortalarında bir çox ABŞ fabrikləri eyni zamanda bir neçə
növ maşınların istehsalı ilə məşğul idilər. Məsələn, tekstil maşınları is-
Sənaye inqilabı
294
tehsal edən firma, həm də öz ehtiyacını ödəmək üçün metalkəsən
dəzgahlar hazırlayırdı [2.25].
Bu xarakter maşın istehsalı, əsasən
isə
dəzgahqayırmada
ixtisaslaşmış
firmaların çox az olmasına gətirib
çıxarmışdır. Bu firmalarda hazırlanan
dəzgahların
keyfiyyəti
aşağı
olduğundan bazar rəqabətinə davam
gətirə bilməyərək, tez bir zamanda
aradan çıxırdılar.
1848-ci ildə Villiam Sellers (ingl.
William Sellers) keyfiyyətli, Vitvoz
üslubunda
dəzgah
hazırlamaq
məqsədilə öz firmasını yaradır (şəkil
2.37). Onun dəzgahları güclü ötürmə
sistemi ilə fərqlənirdi. Bundan əlavə,
bu firma yiv, qaykakəsən və üstyonuş dəzgahların hazırlanması ilə
məşhurlaşır. Firma, ümumilikdə 90 patent alır. Firmanın sexlərindəki
dəzgahlar öz dəqiqliyi, materialı və konstruksiyası ilə başqalarından
fərqlənirdilər. 1850-ci ildə firmanın adı artıq ABŞ-da geniş tanınmış idi.
1867, 1873, əsasən isə 1876 və 1893-cü illərdə keçirilən dünya
sərgilərində Sellers firmasının dəzgahları bir neçə mükafata layiq
görülür (şəkil 2.38 və 2.39). 1894-cü ildə Sellersin fabrikində 350 fəhlə
çalışırdı.
Bundan əvvəl Sellers Franklin institutunun prezidenti olduğu vaxtda
(1864−67) yivlər üçün amerika standartının işlənməsi sahəsində görülən
işlərə rəhbərlik etmişdir. Burada, o, yivlərin həndəsi forması üzrə
standart və qarşılıqlı əvəzolunma sistemləri üzrə normativləri işləyir
(şəkil 2.40).
Bu normativlər 1868-ci ildə ABŞ dövləti tərəfindən qəbul edildikdən
sonra Pensilvaniya ştatında, daha sonra isə bütün başqa ştatlarda sürətlə
yayılmağa başlayır. Sellersdən başqa daha bir firma, “Freeland Tool
Şəkil 2.37. Villiam Sellers.
Dostları ilə paylaş: |