98
Birbaşa maliyyə marağı olmaqla informasiyadan kənarda istifadə edənlər,
mövcud və ya mümkün olan investorlar, banklar, malgöndərənlər və digər
kreditorlar hesab olunurlar. Onlar əsasən maliyyə hesabatında olan
informasiyalardan istifadə edir, onun məlumatları əsasında təşkilatın maliyyə
perspektivləri, satıla bilmək və ödəmə qabiliyyəti haqqında nəticələr çıxarırlar.
Dolayı maliyyə marağı olmaqla informasiyadan kənarda istifadə edənlərə,
dövlət və bələdiyyə əmlakını idarə etməyə müvəkkil edilən orqanlar, vergi, maliyyə
orqanları, dövlət statistika orqanları, audit firmaları və digər istifadə edənlər (fond
birjaları, ixtisaslı ittifaqlar, elmi məsləhətçilər, malalanlar və i.a.) daxil edilir.
İnformasiyalardan digər kənar istifadə edənlərdən fərqli olaraq, vergi və
maliyyə (xəzinədarlıq) orqanları təkcə hesabat deyil, həm də mənfəətdən respublika
və yerli vergilərin, əlavə dəyər vergisinin, fiziki şəxslərdən gəlir vergisinin,
aksizlərin düzgün ödənilməsini yoxlamaq üçün lazım olan təşkilatın bütün digər
uçot informasiyalarım tələb etmək hüququna malikdir. Uçot informasiyaları
nəzarətediei orqanların və yuxarı idarəetmə orqanlarının tələbi ilə, habelə
bağlanmış qarşılıqlı müqavilə əsasında təşkilatın audit yoxlamasını həyata keçirən
auditorlara da təqdim edilir.
Daxili uçot informasiyalarının hamısını və ya bir hissəsini istifadə etmək
hüququ olan kənar istifadə edənlər təsərrüfat subyektlərinin kommersiya sirrini
saxlamağa borcludur. Kommersiya siyasətini təşkil edən məlumatların siyahısı
təşkilatın rəhbəri tərəfindən müəyyən edilir.
İnformasiyaların kənardan olan istifadə edənlərinə, əsasən, təşkilatın
maliyyə vəziyyətini qiymətləndirmək üçün maliyyə hesabatlarının məlumatları
lazımdır. Bu informasiyaları onlar dövlət statistika orqanlarından və ya bilavasitə
təşkilatlardan ala bilərlər.
Maliyyə hesabatının göstəricilər sisteminin düzgün qurulması nəticəsində
təsərrüfat prosesləri və nəticələri təşkilatların vəsaitlərinin vəziyyətini düzgün əks
etdirir və tapşırıqların yerinə yetirilməsinin gedişi haqda informasiyanı əldə etmək
mümkün olur.
1.3
Mühasibat (maliyyə) uçotunun prinsipləri
Mühasibat (maliyyə) uçotunun qarşısına qoyulan vəzifələri tamamilə yerinə
yetirmək üçün uçotu səmərəli təşkil etmək lazımdır.
99
Maliyyə uçotunun təşkili dedikdə, təsərrüfata operativ rəhbərlik etmək, maddi,
əmək və maliyyə ehtiyatlarından səmərəli və qənaətlə istifadə edilməsinə səmərəli
nəzarət etmək və qənaət rejimini ardıcıl olaraq həyata keçirmək üçün
informasiyanın öz vaxtında və düzgün əldə edilməsi məqsədilə uçot prosesinin
qurulumasının şərtləri və elementlərinin elmi əsaslandırılmış sistemini başa düşmək
lazımdır.
İdarə etmək funksiyası kimi maliyyə uçotuna onun təşkilinin ümumi
prinsipləri xasdır. Azərbaycan Respublikasının qüvvədə olan qanunvericiliyi ilə
maliyyə uçotunun təşkilinin əsas prinsiplərinin tətbiqi şəraitində təsərrüfatçılıq
edən subyektlərin əmlaklarının, öhdəliklərinin və təsərrüfat əməliyyatlarının
maliyyə uçotu Azərbycan Respublikasının milli valyutası olan manatlarla aparılır.
Həmin subyektlərə məxsus olan əmlakların, öhdəliklərin və təsərrüfat
əməliyyatlarının maliyyə uçotu müəssisənin maliyyə-təsərrüfat fəaliyyətinin
mühasibat uçotunun hesablar planına müvafiq olaraq ikili yazılış üsulu ilə həyata
keçirilir. Bu zaman uçot registrlərində yazılışlar üçün əsas ilkin uçot sənədləri hesab
olunur. Həmin sənədlər təsərrüfat əməliyyatları baş verən vaxt və ya bilavasitə o,
başa çatdıqdan sonra tərtib olunmalıdır və onlarda məcburi rekvizitlər əks
edilməlidir. İlkin sənədlərin verilməsi qaydası və müddətləri sənəd dövriyyəsinin
təsdiq olunmuş qrafiki üzrə müəyyən edilir.
Təşkilatda olan əmlakların və maliyyə öhdəliklərinin inventarlaş- masmm
aparılması və onun nəticələrinin maliyyə uçotu hesablarında əks etdirilməsi
məcburidir.
Təşkilatın gəlirləri və xərcləri hesabat dövrünə düzgün aid edilməlidir.
Təsərrüfat subyektində hər ayın 1-i tarixə sistematik uçotun hesabatları üzrə
dövriyyələr və qalıqlar analitik uçotun düzgün məlumatları ilə eyni olmalıdır.
Maliyyə uçotunda və balansda ancaq müəssisənin mülkiyyəti olan əmlak əks
etdirilir. Təşkilatın təsərrüfat əməliyyatları maliyyə uçotunda onlar baş verən vaxt
və hesabatlarda onların aid olduqları dövrlərdə əks olunurlar.
Təşkilatın uçot siyasətinin əmələ gəlməsi fərziyyələrə və tələblərə müvafiq
olaraq həyata keçirilir. «Fərz etmə» anlayışı təxminən qərb ölkələrinin mühasibat
uçotundakı «mühasibat prinsiplərinin əsasını təşkil edən» anlayışa müvafiqdir.
Milli mühasibat (maliyyə) uçotunda bu anlayış mahİ
5
^ətcə uçotun aparılması və
hesabatların tərtib edilməsi qaydalarına aid edilir.
Dostları ilə paylaş: |