~ 14 ~
payına düşürdü
5
. Burada əhalinin miqrasiya
hesabına belə
yüksək templərlə artımı o dövrdə çar Rusiyasının yeritdiyi
köçürmə siyasəti və Azərbaycanın neft mədənlərinin
intensiv sürətdə istismar edilməsi ilə bağlı idi. Neft
sənayesində və onunla bağlı sahələrdə çoxlu iş qüvvəsinə
olan tələbat başlıca olaraq Rusiyanın mərkəzi quberni-
yalarında, eləcə də Şimali Qafqaz, Dağıstan və Cənubi
Qafqazın başqa rayonlarında yaşayan kəndlilərin buraya
miqrasiyası hesabına ödənilirdi. Təkcə 1908-1910-cu illər
ərzində Rusiyadan Azərbaycana 3 min kəndli ailəsi
köçürülmüşdür. Bunun nəticəsində Azərbaycanın müsbət
miqrasiya saldosu (qalığı) 1,6 dəfədən çox artaraq 1886-
1897-ci illərdəki 133,4 min nəfərdən 1897-1913-cü illərdə
219,8 min nəfərə çatmışdır (bax: cədvəl 2).
Qeyd edək ki, Bakıya miqrasiya edənlərin böyük
əksəriyyətini kişilər təşkil edirdi. Belə ki, ailəsi ilə birlikdə
iş axtarmaq çətin olduğundan miqrantların çoxu öz
ailələrini evdə qoyub gəlirdilər. Tarixi mənbələrə əsasən
Bakının neft sənayesi müəssisələrində işləyən rus mütəxəs-
sisləri, fəhlə və qulluqçuları əksər hallarda öz ailələri ilə
birlikdə, ermənilərin çoxu subay və təklikdə, müsəlman-
ların isə hamısı öz ailələrini evdə qoyub gəlir və təklikdə
yaşayırdılar. 1897-ci il əhali sayımı məlumatlarına görə
Bakı neftçıxarma müəssisələrində çalışan fəhlələrin 82,5
%-i
5
M.M.Allahverdiyev. Azərbaycanda işçi qüvvəsinin təkrar istehsa-
lının bəzi məsələləri, Bakı, “Elm”, 1966, səh. 46.
~ 15 ~
Cədvəl 2.
1920-ci ilə qədərki dövrdə Azərbaycanda əhalinin
mexaniki hərəkəti (min nəfərlə)
6
illər
artım (+) və ya azalma (-)
cəmi
hər il orta hesabla
1886-1897
+133,4
+12,2
1897-1913
+219,8
+13,8
1913-1920
-481,0
-68,7
1886-1920
-127,8
-3,7
subay və yaxud öz ailələrindən kənarda yaşayanlardan
ibarət olmuşdur. Bunu belə bir fakt da sübut edir ki, 20-ci
əsrin əvvəllərinə yaxın Bakının mədən rayonları əhalisinin
75%-ni kişilər, cəmi 25%-ni isə qadınlar təşkil edirdi.
7
Bu
da öz növbəsində bütövlükdə əhalinin doğum əmsalının
aşağı düşməsinə, ölüm əmsalının yüksəlməsinə və uyğun
olaraq təbii artım templərinin xeyli aşağı düşməsinə təsir
göstərmişdir.
Bütün bunlarla yanaşı 1897-1914-cü illəri əhatə edən
bu dövr, 1905-1907-ci illər istisna olmaqla bütövlükdə çar
6
Материалы по экономической истории Азербайджана (к V
международному конгрессу экономической истории), Баку,
«Элм», 1970, səh.19; M.M.Allahverdiyev. Azərbaycanda işçi qüvvə-
sinin təkrar istehsalının bəzi məsələləri, Bakı, “Elm”, 1966, səh. 76.
7
М.В.Стригунов, Из истории формирования Бакинского
пролетариата, Баку, 1960, c.137.
~ 16 ~
Rusiyası dönəmində Azərbaycan üçün hər mənada, o
cümlədən demoqrafik baxımdan ən uğurlu dövr sayıla
bilər. Belə ki, bu dövrdə Bakı bütün dünyada neft sənaye-
sinin mərkəzinə çevrilmiş və bunun sayəsində Azərbay-
canda kapitalizm sürətlə inkişaf etmiş, Azərbaycanın milli
mənafeylərinə xidmət edən milli burjuaziya və ziyalı sinfi
formalaşmış, əhalinin rifah səviyyəsi xeyli yüksəlmişdi.
Eyni zamanda Azərbaycan xalqının yaddaşına “Erməni –
müsürman davası” kimi həkk olunmuş 1905-1907-ci
illərdə erməni quldur dəstələrinin Azərbaycan xalqına qarşı
törətdiyi qırğınlar da bu dövrdə baş vermişdi. Çar Rusiya-
sının hakim dairələrinin fitvası və hərtərəfli dəstəyi ilə
formalaşmış erməni hərbi bandaları İrəvanda, Zəngəzurda,
Göyçədə, Naxçıvanda, Qarabağda, Gəncədə, Şirvanda,
Bakıda və başqa ərazilərdə dinc azərbaycanlılara və digər
müsəlman təriqətli xalqlara (türklər, kürdlər, tatlar, ləzgilər
və s.) amansızcasına divan tutmuş, şəhər və kəndlər
yandırılmış, uşaqlar, qadınlar, qocalar tarixdə görülməyən
qəddarlıq və vəhşiliklə öldürülmüşlər. Şübhəsiz ki, bu
hadisələr Azərbaycanın inkişafına tormozlayıcı təsir
göstərmiş və onun demoqrafik inkişafına ciddi zərbə
vurmuşdur. Bizcə bu hadisələr həmin dövrdə Azərbaycan
xalqının sosial-iqtisadi və milli-mədəni səviyyəsinin
sıçrayışlı inkişafından narahat olan Rus imperiyalizminin
Azərbaycana qarşı yönəltdiyi anti-milli siyasətin nəticəsi
kimi dəyərləndirilməlidir.
~ 17 ~
1914-1922-ci illər. Növbəti dövr kimi təsbit etdiyimiz
bu zaman kəsiyində Azərbaycan əhalisinin sayının dina-
mikası köklü dəyişikliklərə, daha doğrusu kəskin azalmaya
məruz qalmışdır. Bu dövr 1914-1918-ci illərdə baş verən
Birinci Dünya Müharibəsinin və onun törətdiyi böyük
siyasi çalxantıların yer aldığı, o cümlədən 1917-ci il
bolşevik inqilabının baş verdiyi bir dövrü əhatə edir. Bu
qlobal hadisələr Azərbaycanın siyasi tarıxində və iqtisadi
həyatında, xüsusilə də demoqrafik inkişafında dərin izlər
buraxmışdır. Əvvəla Rusiya imperiyalist bir dövlət kimi
müharibənin aktiv iştirakçısı olduğundan Azərbaycanın
bütün iqtisadi potensialı və böyük ölçüdə əhali resursları
hərbi ehtiyacların ödənilməsinə yönəldilmişdi. Nəticədə
əhalinin rifah səviyyəsi kəskin şəkildə aşağı düşmüşdü ki,
bu da öz növbəsində doğum səviyyəsinin aşağı düşməsinə,
ölümün isə xeyli yüksəlməsinə səbəb olmuşdu. Bütün
bunlara baxmayaraq, 1918-ci ilə qədər Azərbaycan
əhalisinin sayında azalma müşahidə olunmamışdır. Hətta 1
saylı cədvəldən göründüyü kimi 1913-1917-ci illər ərzində
əhalinin sayı azacıq da olsa artmışdır (14,5 min nəfər və ya
0,6%). Ancaq sonrakı 4 il ərzində (1918-1922-ci illər)
Azərbaycan əhalisinin sayı ilk dəfə olaraq kəskin şəkildə
azalmışdır. Belə ki, 1917-ci ilin sonu ilə müqayisədə 1922-
ci ildə əhalinin sayı 490,7 min nəfər və ya 20,8% az
olmuşdur. Başqa sözlə Azərbaycan bu kiçik 4 illik dövr
ərzində əhalinin beşdə biri qədər itkiyə məruz qalmışdır.
Dostları ilə paylaş: |