SALYANIN MARAQLI ADAMLARI
Salyan Darülmöminlər diyarı sayılıb. Hələ heç bir ölkənin
17 kişisi bir əsrdə Nəcəf Əşrəfdə təhsil almayıb. Ümumiy -
yətlə, xeyir-şərdə adı hörmətlə çəkilən, böyük xalq məhəbbəti
ilə yad edilən elə sıravi kişilər xatırlanır ki, istər-istəməz
keçmişə baxmalı olursan ki, bu günləri dərk edəsən. Mərd,
mətin, bütün sərvətlərə arxa çevirib, mənəvi sərvətləri
daşıyan kişilər olub.
Ağa Mir Bağır ağa (“Muğanın övladları”, birinci kitab,
səh. 26), Ağa Mir Heydər ağa, Axund Mir Əşrəf ağa
mərdliyi ilə işıq saçan, salyanlılara yabançı etiket,yarlıq
yapışdıranların sifətində və başında yumruğu ildırım kimi
partlayan Rəhim Rəhimov, Əzizağa Şahbazov, Allahverdi
Tağıyev, Ağaməmməd Mirzəyev, Məmmədhüseyn Hüsey -
nov, Mikayıl Hüseynov, Qüdrət Səmədov, Aslan Qəhrə -
manov, Yusif Hüseynov və bir çoxlarının fəaliyyəti ayrıca
yazıların mövzusudur. Doğrudur, bu adlarını çəkdiyim
insanların bəzilərinin işıqlı simaları “Muğanın övladları”nın
birinci və ikinci kitablarında verilmişdir.
Bir çox sadə peşə sahibləri yaddaşlardan silinmir. Parlaq
şəxsiyyəti ilə həmişə yadda qalan Habil Hüseynov, böyük
bir nəsil tərbiyə edən, vaxtı ilə rus dilini tədris edən Curu
Məmməd belələrindəndir. Rus dilindən dərs deyən, sonra isə
direktor olan Məmməd müəllim bir dəfə hansı səbəbdənsə
dərsə gecikir. Çox fikirləşmədən özü-özünə şiddətli töhmət
vermək haqqında əmr yazır. Əmri “Elanlar” lövhəsinə vurur.
İşdən sonra isə o ki, var hönkürtü vurub ağlayır.
Zəkanın gücü
9
Ancaq indi nöqsanını üzünə dediyin adam sənə düşmən
kəsilir.
Salyan uzun illər türmə və kolonlarda yatan Yusif Eloğ -
lunu yalnız cinayətkar kimi tanımır. Onun dünya görüşü,
məntiqi danışığı, düzlüyü, təmizliyi hamını heyran edirdi.
Mürəkkəb mətləblərin düzgün həllini ondan öyrənirdilər.
Salyan pambıqtəmizləmə zavodunda işləyən İsmayılovun
parlaq şəxsiyyəti hamıya nümunə olunasıdı. Hər gün anası
üçün bazara qaçan, aptekdən dərman alan, ömründə ağzına
içki dəyməyən, partiyanın mənəm-mənəm dediyi vaxtda
büronu tərk edib, namazın vaxtını sovuşdurmayan, alnı
möhürlü, ağzı dualı, yaşı 70-i keçən Məşədi Abdulalı oğlu
İsmayılı tanıyanlar həmişə yad edirlər.
Salyanın maraqlı kişiləri mövzusunda yazıb-yaradan
Məhəmməd Xəlilbəyli, el arasında yadda qalan şəxsiy -
yətlərdən Ərəstun Xanmirzəyev (1912-1978), Dovğaçı
Məlik (1896-1987), Qalayçı Şirin (1903-1981), Dəmirçi
Bədrəddin (1875-1958), Kababçı Feyzi (1896-1959) və bir
çoxlarının xatirəsi insanların qəlbindən silinməyir. Onların
fəaliyyəti və həyat tərzləri haqqında el arasında çox maraqlı
lətifələr indi də danışılır.
1950-ci ildən sonrakı dövrdə Salyan rayonunda yadda
qalan Əliabbas Mustafayev, Əliniyaz Qurbanov, Səməd
Manafov, Klavdiya Şarova (uzun illər şəhər göz xəstəxa -
nasının baş həkimi olmuş), Hilal Əhmədov, Aliyə Babaza -
də, Abdulla və Əlibəy Muradxanovlardan, Rəbiyyə
Baba zadə dən və b. yadda qalan xatirələrindən və xidmətlə -
rindən fəxrlə danışırlar.
Sahib Sailov
10
Salyanı, onun mənəvi iqlimini, iqtisadiyyatını dirçəltmək
üçün ağıllı adamların təklif və fikirlərini nəzərə almaq
lazımdır.
Elə Xəlil Rza Ulutürkün yaxşı kişilər haqqında yazdığı
şeirini burada vermək yerinə düşər.
Kişilər zamanın dərdi, qubarı,
Nəsillər bağının könül bağıyla.
Tarix addımlayar sabaha doğru,
Kişi adamların addımlarıyla.
Kişi meyvəsidir yurd da, vətən də,
Onsuz el xaraba... üstündə bayquş!
Yem gəzən tayfanı millət edən də,
Min nəfər içində bir kişi olmuş.
Adını çəkdiyim və çəkmədiyim kişilərin tarixini öyrən -
mək, onlarla bağlı olan xatirələri yazıb xalqa çatdırmaq üçün
ən yaxşı xatirələri təzələmək, xalqın yaddaşına qayıtmaq
lazımdı.
Bu yaxınlarda Məhəmməd Xəlilbəylinin «Salyanın
məzəli adamları» kitabının çapdan çıxması bu sahədə atılan
dəyərli addımlardandır.
Zəkanın gücü
11
***
Xatirələrdə yaşayan insanlardan biri, 93 il şərəfli ömür
sürmüş Nağı Axundov daima yaddaşlarda qalacaqdır. Onun
haqqında yazdığım xatirəni olduğu kimi verirəm.
Axundov Nağı Salman oğlu haqqında ilk dəfə 1995-ci
ildə nəşr edilmiş «Muğanın övladları» kitabımda yazdığım
materialı tam verməklə bərabər xatirələrimi də əlavə etdim.
Axundov Nağı Salman oğlu 1920-ci ilin dekabr ayında
Salyan şəhərində anadan olmuşdur. O, 1935-ci ildə 1 nömrəli
orta məktəbi bitirdikdən sonra Salyan kənd təsərrüfatı
texnikumuna daxil olmuş, 1939-cu ildə həmin texnikumu
bitirdikdən sonra Kənd Təsərrüfatı Nazirliyinin göndərişi ilə
Dağlıq Qarabağ Muxtar Vilayətində işə başlamışdır. 1939-cu
ilin sentyabr ayında ordu sıralarına çağırılmış, iki orta hərbi
məktəb bitirmiş, leytenant rütbəsində orta tank tağımının ko-
mandiri kimi Kursk məntəqəsində vuruşmuş, 1943-cü ilin
iyulunda ağır yaralanandan sonra Sovet ordusu sıralarından
tərxis olunmuşdur.
1944-1951-ci illərdə Salyan rayonunda sovet və partiya
işlərində çalışmışdır. 1951-ci ildən Azərbaycan KP Salyan
Rayon Komitəsinin katibi, ikinci katibi olmuşdur. 1958-
1962-ci illərdə Salyan Rayon İcraiyyə Komitəsinin sədri
vəzifəsində işləmiş, partiya məktəbində oxumuşdur. 1963-cü
ildən Bərdə Rayon Partiya Komitəsinin birinci katibi işləmiş,
daha sonralar yenidən Salyan Rayon İcraiyyə Komitəsinin
sədri, Kolxoz-Sovxoz İstehsalat İdarəsinin rəisi və 1965-ci
ildən Azərbaycan KP Puşkin PK-nin birinci katibi
vəzifələrində çalışmışdır.
Sahib Sailov
12
Dostları ilə paylaş: |