54
Məktəblə valideyn arasında əlaqə zəif idi. Həm valideyn
tərəfdən, həm də məktəb tərəfdən böyük biganəlik hökm sürürdü.
Valideyn uşağını məktəbə göndərməklə, məktəb isə «oxuyur
oxusun, oxumur cəhənnəmə oxusun”»-deməklə öz işlərini bitmiş
sayırdı. Şagirdlərə qayğı göstərilmirdi.
Burada bir haşiyə çıxmaq istəyirəm. Azərbaycan
Respublikasının Belçika dövlətindəki səfiri cənab M.Əfəndiyev
söhbət zamanı dedi ki, oğlum 7-ci sinifdə oxuyanda
xəsdələndiyindən axırıncı dərsə qalmayaraq, evə qayıdır. Səhərisi
məktəbdən evə məktub gəlir. Əvvala, şagirdin axırıncı dərsdə
olmadığı haqda valideynlərə məlumat verilir. İkincisi,
məktəblinin dərsdə olmamasının səbəbi soruşulur. Ana məktuba
cavab yazır, uşağın dərsdə olmamasının səbəbini göstərir və
məktəbə göndərir. O birisi gün məktub təzədən geri qaytarılır və
atanın da məktuba qol çəkməsi tələb olunur. Bu misal məktəb-
valideyn münasibətinə bir örnək ola bilər.
Bu yerdə sağlam təhsil sisteminə nümunə kimi bir haşiyə
də çıxmaq istəyirəm:
Eşitdiyimə görə, Böyük Britaniyanın Baş Naziri T.Bleyer
bir həftəlik istirahatə gedəndə orta məktəbdə oxuyan övladına
məktəbdən icazə ala bilməyibdir. Bu hadisə Uinstron Çerçilin
«Orta məktəb müəllimlərinin hakimiyyətini baş nazir ancaq arzu
edə bilər» fikrində nə qədər haqlı olduğunu təsdiqləyir.
Orta
məktəblərdə
imtahanlar
formal
keçirilirdi.
Qiymətləndirmə obyektiv aparılmırdı. Sinifdəqalma praktikası
tətbiq edilmirdi. Birinci sinfə qəbul olunanların (ölüm-itim halları
istisna olmaqla) hamısı orta məktəbi qurtarıb kamal attestatı
alırdı. Attestat qiymətləri şişirdilirdi. Məzunlar dövlət sənədi olan
attestatdakı qiymətlərə uyğun bilik nümayiş etdirə bilmirdilər.
Bəzən attestatların satılması halları da müşahidə olunurdu.
Siyasət naminə belə cinayət hallarının üstü tez ört-basdır edilirdi.
Pedaqoji qurumlar fəaliyyətsizlik göstərirdi.
55
Məktəb ilə valideyn arasında ciddi, qarşılıqlı məsuliyyətin
olmamasından iki böyük qüsur: təhsildə keyfiyyətsizlik,
mənəviyyatda pozğunluq törəyir.
9.3 Terminoloji qüsurlar
Dünyəvi təhsil sistemi Azərbaycanda bərqərar olandan bəri
hesab etmək olar ki, başlanğıcda bəzi terminlər düz
seçilməyibdir. İndi onlardan yaxa qurtarmağın vaxtı çatıbdır.
Şərq ölkəsi olaraq biz uşaqlarımızı oxuda-oxuda sinifdən
sinfə keçiririk. Qərb ölkələrində valideynlər övladlarını öyrədə-
öyrədə sinifdən sinfə keçirirlər. Bu cinayətdə müəllim və
valideyn əlbirdirlər. Bu səbəbdən də qüsur yaşayır. Oxudulan,
amma öyrədilməyən (əzbərlənməyən) şer yeri gələndə təkrar
edilə bilinmədiyi kimi, öyrənilməyən bilik də yeri gələndə tətbiq
edilə bilməz. Bir sənəti və ya ixtisası öyrənərlər, sonra
öyrənilənləri həyatda tətbiq edərlər. Təhsil də qlobal masştabda
bu məqsədə qulluq edir.
Valideynlərimizin “oğlum və ya qızım universitetdə
oxuyur”- deməsi düzgün deyildi. Gənclərimiz universitetlərdə
oxumurlar, öyrənirlər. Biri fizikanı, biri hüququ, digəri isə
mühəndisliyi öyrənir. Oxumaq vasitədir, öyrənmək məqsəddir.
Oxumaq asan, öyrənmək çətin işdir. İşin çətinliyindən qorxmaq
lazım deyildır. Ruslar da, ingilislər də “oğlum və ya qızım
univrsitetdə və ya məktəbdə öyrənir“”- deyirlər, oxuyur demirlər.
Bu qüsur səbəbindən Leninin məşhur «öyrənmək, öyrənmək və
yenə də öyrənmək» kəlamı dilimizə «oxumaq, oxumaq və yenə
də oxumaq» kimi tərcümə edilmişdir. Məqsədimiz öyrənib
mütəxəssis, ixtisasçı olmaqdır, məqsədimiz oxuyub quru diplom
almaq olmamalıdır. Yüz illər qabaq oxumağın təhsildə məqsəd
olduğuna inanıram. Amma indi bizə öyrətmək lazımdır.
Biz övladlarımıza bilməyi yox, oxumağı öyrətdiyimizə
görə cəmiyyətin intellektual səviyyəsi aşağı düşür. Şairlərimizin
sayının lazım olandan çox olmasının bir səbəbini də burda
axtarmaq lazımdır. Çünki intellektual potensialı yüksək olan bu
56
insanlardan potensial şer şəklində xərclənir. Bu şairlərin çoxunun
timsalında neçə-neçə alim, mühəndis, konstruktor, sənayeçi,
bankir, maliyyəçi, siyasətçi, hərbiçi, general itirmişik. “Cidanı
çuvalda gizlətmək“” mümkün olmadığı kimi yazmağı, oxumağı
bacaran insanın daxili potensialı da vurub bədəndən şer
formasında çıxır.
Şüurlarda psixoloji çevriliş, inqilab etmək lazımdır.
Beyinlərdən oxumaq sözünü çıxarıb, yerinə öyrənmək sözünü
qoymaq lazımdır.
Təhsil sistemində istifadə edilən bəzi terminlərə yeni
dövrün gözü ilə baxaraq, iradlar söyləmək mümkündür. Təhsil
tariximizin müstəqillik dövründə qüsurlu terminlərdən vaxtında
imtina etsək yaxşıdır. Subyektiv fikirimə görə və beynəlxalq
təcrübəni nəzərə alaraq “ibtidai məktəb“”, “natamam orta
məktəb“, “ali təhsildən sonrakı təhsil“ terminlərinin “ilk
məktəb“, “baza məktəb“, “ali məktəbdən sonrakı təhsil“
terminləri ilə əvəz etsək düzgün olardı.
Təhsil alana orta məktəbdə şagird, ali məktəbdə tələbə,
aspiranturada aspirant, bəzi kurslarda müdavim deyirlər.
Türkiyədə bu qrup insanlar öyrənci adlanırlar. Məncə bu adların
hamısın təhsilalan termini ilə ifadə etmək olar.
Dövlət məmurlarımız dövlətdən maliyyələşməyən təhsil
müəssisələrinə “qeyri-dövlət təhsil müəssisələri” deyirlər.
Hesab edirəm ki, bu müəssisələr qeyri-dövlət yox, qeyri-hökumət
təhsil müəssisələri adlandırılmalıdırlar. Çünki bu təhsil
müəssisələri dövlətin cəmiyyət qarşısında üzərinə götürdüyü
konstitusion öhdəlikləri yerinə yetirir. Bu məktəbləri özəl
məktəblər adlandırmaq daha düzgün olardı.
Dostları ilə paylaş: |