Şahlar Əsgərov Təhsilimiz: Dünən, bu gün, sabah
Yüklə 2,8 Kb. Pdf görüntüsü
|
- Bu səhifədəki naviqasiya:
- 3. Azərbaycanın intellektual potensialı: Dünən, bu gün, sabah Müsahibim Milli Məclisin üzvü, əməkdar elm xadimi Şahlar ƏSGƏROVDUR.
- "Hesab edirəm ki, XX əsrdə Azərbaycanın ən böyük nailiyyəti, birincisi, 1918-ci ildə öz dövlət müstəqilliyini
287 3. Azərbaycanın intellektual potensialı: Dünən, bu gün, sabah Müsahibim Milli Məclisin üzvü, əməkdar elm xadimi Şahlar ƏSGƏROVDUR. - Şahlar müəllim, bilirsiniz ki, XX əsr Azərbaycan üçün böyük məhrumiyyətlər, faciələr, eyni zamanda inkişaf, tərqqi əsridir. Azərbaycanın intellektual potensialın hesabına, həm də keçmiş təcrübədən bəhrələnmənin nəticəsində müstəqil dövlətimiz yaşayır, yeni uğurlar qazanır. - Həqiqətən XX əsr Azərbaycan üçün həm uğurlar, həm də faciələr əsridir. Azərbaycan Respublikasının prezidenti möhtərəm H.Əliyev elm, mədəniyyət, tibb, bəddən tərbiyəsi və idman xadimlərinin bir qrupuna vətənin ali mükafatlarını təqdim edərkən söylədiyi nitqində ötən əsrdə üç böyük uğurumuzu göstərmişdir: "Hesab edirəm ki, XX əsrdə Azərbaycanın ən böyük nailiyyəti, birincisi, 1918-ci ildə öz dövlət müstəqilliyini elan etməsidir, ikincisi, 1991-ci ildə bu müstəqilliyi bərpa etməsi və nəhayət, əldə olunmuş azadlığı, dövlət müstəqilliyini ötən on ildə çətin şəraitdə, çox ağır şəraitdə, bəlkə də sizin hamınızın təsəvvür edə bilmədiyiniz şəraitdə qoruyub saxlamışdır". XX əsrdə Azərbaycan xalqı zamanın faciəvi zolaqlarından da keçib. Bu əsrdə ərazimiz 130 min kv. km-dən 86,6 min kvadratkilometrə qədər azalmışdır. Hal-hazırda torpaqlarımızın 20 faizi hələ də işcal altındadır. İkinci faciəmiz tez-tez əlifbadəyişmə əməliyyatlarına məruz qalmağımızdır. Bunu kökümüzə, keçmişimizə, tariximizə vurulan ağar zərbələr 288 kimi qiymətləndirməliyik. 1937-ci ilin qırğınları, 1990-ci ilin yanvar faciəsi, Xocalı soyqırımı, 1992-93-cü illərdə baş verən permanent hakimiyyət dəyişmələri tariximizin qara səhifələridir. Sualınızın ikinci hissəsi ilə bağlı deyim ki, ziyalı təbəqəsinin, cəmiyyətimizin intellektual hissəsinin Azərbaycanın azadlığa qovuşmasında, müstəqilliyinin qorunmasında əməyi böyükdür. Ölkə daxilində ictimai şüurun formalaşmasında bu qüvvənin xidməti danılmazdır. Eyni zamanda Azərbaycana yönəlmiş xarici düşmən qüvvələrin niyyətlərinin qarşısının alınmasında da bu potensialdan istifadə olunur. - Ölkənin bütün həyatında islahatlar aparılanda həm də intellektual potensiala arxalanırıq. Azərbaycan təkcə təbii sərvətlər baxımından zəngin deyil. Dövlət başçımız adını çəkdiyiniz mərasimdə elm, mədəniyyət, təhsil sahəsini xüsusi əhəmiyyət kəsb edən sahə saymışdır. - Mən ölkəmizin potensialından danışanda şərti olaraq onu iki hissəyə - iqtisadi və intellektual potensiala bölürəm. İqtisadi potensial deyəndə torpağın, təbiətin ehtiyatları nəzərdə tutulur. İntellektual potensiala yazıçılar, alimlər, mədəniyyət xadimləri, savadlı mütəxəssislərin intellektual mülkiyyəti və s. aiddir. Hər iki potensialı ali məqsədə - insanları xoşbəxt yaşatmaq arzusuna çevrilən qurum isə yığılmaqda olan dövlət maşınıdır. Bu maşının qurucusu möhtərəm Heydər Əlirza oğludur. Ölkə rəhbəri həmişə elmə, mədəniyyətə, təhsilə, ziyalılara yüksək qiymət verir. Həmin tədbirdə prezident belə dedi: "Azərbaycan böyük intellektual potensiala - böyük elmə, böyük mədəniyyətə, böyük təhsilə malik idi. Əgər bunlar olmasaydı və təbiidir ki, bunları qiymətləndirənlər, bunların əsasında həyatımızın yeni mərhələsində işləri irəliyə aparanlar olmasaydı, indi bizim 289 müstəqil dövlətimiz yaşaya bilməzdi". Bir neçə il öncə isə cənab prezident ziyalılarımız haqqında belə bir fikir söyləmişdi: "Bizim ziyalıların, mədəniyyət xadimlərinin, elm xadimlərinin cəmiyyətdə hörmətini qaldırmaq lazımdır. Çünki xalq həmişə öz ziyalıları, öz mədəniyyəti, elmi ilə tanınır. Şübhəsiz ki, xalqın tarixində sərkərdələrin də, siyasətçilərin də böyük rolu var. Ancaq xalq həmişə mədəniyyəti, elmi ilə tanınır və keçmiş tariximiz də bunu sübüt edir". Ziyalıların cəmiyyətdə rolunu yüksək tutmaqla dövlət başçısı böyük təvazökarlıq nümunəsi göstərmişdir. - Sizcə, intellektual potensialı necə qiymətləndirmək olar? Misal üçün, sizin intellektiniz qiyməti nə qədərdir? - İstənilən yetkin cəmiyyətdə bu suala cəvəb axtarır. Cəmiyyət həmişə maraqlıdır ki, öz vətəndaşlarının intellektini obyektiv qiymətləndirə bilsin. İntellektual fəaliyyət dərketmənin ön cəbhəsində getdiyindən bəzən yalançı alim, psevdoalim özünü dəyərli bir insan kimi cəmiyyətə sırıya bilir. Dəyərli bir alimsə əksinə, dəyərsiz bir adam kimi küncə sıxılır. ABŞ-da alimin reytinqi onun aldığı elmi nəticələrə istinadların sayı ilə müəyyənləşdirilir və bu niyyətə "SCI" adlı jurnal çap edilir. Elmi məqalənin dəyəri ilə ona edilən istinadların sayı arasında mühasibət Nobel Mükafatı Komitəsi tərəfindən də nəzərə alınır. Belə ki, Nobel mükafatına layiq görülmüş elmi nəticələrə başqa müəlliflər trəfindən adətən 180-dan çox istinad edilir. Müstəqil dövlət kimi yaşamaq istəyən cəmiyyətdə sözün məsuliyyətini bilən, düz danışmağı özünə amal seçən, yalançılığa dözməyən alimlərə, ekspertlərə, insanlara ehtiyac vardır. Misal üçün, mənim intellektual potensialımı necə qiymətləndirmək olar? Əvvəla, onu qeyd edim ki, hər bir alimin intellektual Yüklə 2,8 Kb. Dostları ilə paylaş:
|