12
soyqırımına bir həftə qalmış erməni millətçi partiyası olan “Daşnaksütyun”
Bakıda hakimiyyəti ələ keçirməyin zəruri olduğunu elan etmişdi. Belə
vəziyyətdə müsəlman əhali Bakı, Gəncə və Lənkəranda özünümüdafiə dəstələri
yaratmağa başlasalar da bu işlər çox ləng aparılırdı.
Antanta dövlətlərinin bu şəraitdən erməni hərbi birləşmələrindən öz
məqsədləri üçün istifadə etmək cəhdləri və bununla da yerli əhalinin faciələrinə
biganə münasibətləri vəziyyəti daha da ağırlaşdırırdı. Böyük Britaniya Xarici
İşlər Nazirliyinin 4 yanvar 1918-ci il tarixli gizli məlumatı ingilislərin Cənubi
Qafqazdakı maraqlarını Özündə əks etdirirdi. Bu sənəddə Türkiyə əleyhinə
təbliğata xüsusi yer verilirdi. Cənab R Koksun məruzəsində deyilirdi: “Qafqaz
müsəlmanları arasında təbliğatın sxemi sadədir. Biz elə etməliyik ki, Ərəbistan
kralı Qafqaza nüfuzlu bir nümayəndə heyəti göndərərək oradakı və Krımdakı
müsəlmanlardan ərəblərin müqəddəs yerləri türk işğalçılarından azad etmələri
üçün dəstək alsınlar. Bundan başqa onları müharibəni davam etdirməyə və
Qafqaz cəbhəsində maksimum sayda türk əsgəri saxlamağa həvəsləndirmək
lazımdır.” (18)
Münaqişə dövründə qırğının qarşısını almaq məqsədilə ruhanilərin əldə
etdiyi razılaşmaya erməni silahlıları belə cavab vermişdi: “Müsəlman ruhaniləri
erməni ruhaniləri ilə barışa bilər, lakin erməni xalqı müsəlmanlarla müharibə
istəyir və bu işdə onu İngiltərə müdafiə edəcək.” (19)
Rusiya imperiyasının dağılmasından sonra erməni siyasətçilərinin
ingilispərəst təbliğat aparması müsəlmanlar arasında ingilislərə münasibətin
dəyişməsinə səbəb olmuşdu. Onlar Cənubi Qafqaz Seyminə müraciət edərək
İngiltərə höküməti ilə danışıqları dayandırmağı tələb etmiş və ingilis hərbi
hissələrinin Qafqaza gəlməsinin əleyhinə olduqlarını bildirmişlər.
Kapitan Noel Azərbaycanda ingilislərə münasibətin pisləşməsi ilə
əlaqədar 1918-ci ilin 22 yanvarında yazırdı: “Mən 6 həftə əvvəl burada olanda
Azərbaycan icmasının rəhbərləri özlərini bizlə əsil dost kimi aparırdılar. İndi,
mən Bakıya qayıtdıqdan sonra onların münasibətlərinin dəyişərək şübhəli və pis
gizlədilən düşmənçiliklə əvəz olunduğunu aşkara çixardım. Bu aşağıdakılarla
izah oluna bilər:
1.
Bizim erməni maraqlarına üstünlük verməyimizlə bağlı yayılmış
ümumi rəylə.
2.
Faktlar sübut edir ki, ermənilər bu rəyi gücləndirir və sərbəst şəkildə
onunla alver edirlər.
3.
Erməni milli alayının yaradılmasının prioritet hesab edilməsi. Mən
belə hesab edirəm ki, bu “biz erməniləri müdafiə edir, müsəlmanlara etibar
etmirik” kimi rus baş qərargahının baxışları ilə üst-üstə düşür. Mənim fikirimcə
bu siyasət səhvdir və çox güman ki, fəlakətə aparacaq. (20)
Öz məqsədlərinə çatmaq üçün daim hiyləgər siyasət yeridən daşnaklar
1918-ci ilin mart-aprelində Antanta qüvvələri uzaqda olduğuna görə öz
istəklərinə bolşeviklərin əli ilə çatmağa üstünlük verdilər.
13
1918-ci ildə Şamaxıda ermənilərin törətdiyi cinayətlər
1917-ci ildə baş verən f burjua inqilabından sonra yaranmış şərait
“xalqlar həbsxanası” olan Rusiyanın müstəmləkələrində, o cümlədən
Azərbaycanda milli şüurun inkişafına müsbət təsir göstərmişdir. Bolşeviklərin
1917-ci il oktyabr çevrilişindən sonra bəyan etdikləri “millətlərin öz
müqəddəratını təyin etmək hüququ” millətlərin müstəqil dövlətlər yaratmaq
arzularının reallaşdırılmasında onlara müəyyən ümidlər vermişdir. Lakin
oktyabr çevrilişindən dərhal sonra bolşeviklərin sözləri ilə əməlləri arasında olan
ziddiyyətlər müstəqilliyə can atan millətləri faciələrlə üz-üzə qoydu. Bolşeviklər
neft və digər sərvətlərlə zəngin olan Azərbaycanın müstəqilliyinin qarşısını
almaq üçün yerli əhaliyə qarşı soyqırım siyasəti həyata keçirməyə başladılar.
Kommunist rəhbərlər tərəfindən 1918- ci ilin mart qırğını və 1990-cı
il 20
yanvar faciəsi dövründə səsləndirilən “bizə azərbaycanlılar deyil, Azərbaycan
lazımdır” sözləri bu siyasətin mahiyyətini açıb göstərir. Hazırda bir milyondan
artıq azərbaycanlının öz vətənində qaçqına çevrilməsi, Dağlıq Qarabağ
münaqişəsi zəminində törədilən Xocalı soyqrımı, Qaradağlı, Ağdaban və digər
faciələr, Azərbaycan ərazisinin 20%-nin işğal altında olmasının da əsas səbəbi
məhz bu siyasətin müasir dövrdə davam etdirilməsidir.
1918-ci il mart qırğınlarının əsas səbəbləri haqqında əvvəllər Bakıda
yaşamış, sonralar Almaniyaya mühacirət etmiş, kadet partiyasının üzvü
B.Baykov öz xatirələrində belə yazmışdı: “Çar Rusiyasının bütün neftini Bakı
verirdi. Neftin əksəriyyəti Volqa çayı vasitəsilə Rusiya şəhərlərinə
daşınırdı.Volqada buzların əriməsilə ticarət gəmilərinin fəaliyyəti martın
ortalarında başlanırdı. Bolşeviklərin təxirəsalınmaz vəzifəsi Bakını tezliklə işğal
etmək idi.” (21)
S.Şaumyanın rəhbərlik etdiyi Bakı Sovetinin əksinqilabi elementlərlə
mübarizə şüarı altında 1918-ci ilin martından başlayaraq bütün Bakı
quberniyasında yaşayan azərbaycanlılara qarşı həyata keçirdiyi genosiddə
ermənilər fəal rol oynamışlar.
S.Şaumyanın göstərişi ilə Stepan Lalayev yerli əhaliyə qarşı
palanlaşdırılan cinayətlərə hazırlıq məqsədilə 1917-ci ilin sonu 1918-ci ilin
əvvələrindən başlayaraq gizli surətdə Şamaxıda yaşayan ermənilərə silah, sursat
paylamışdır. Bu dövrdə müxtəlif cəbhələrdən 7.000 erməni əsgəri Bakıya
gətirilmişdi ki, onlar Bakı Sovetinin hərbi qüvvələrinin tərkibinə daxil edilmişdi.
Bu məsələ barədə erməni alimi Q. Avetisyan qeyd edir ki, “Bakıda 25 alay, 18
min döyüşçüdən ibarət Qızıl Ordunun dörd briqadası var idi. Qızıl Ordu
döyüşçülərinin də 70 faizi erməni idi”. (22)
İstintaq Komissiyası tərəfindən hazırlanan sənədə görə hələ yanvar
ayında Bakı Soveti tərəfindən 15 maşın silah, mart ayının ortalarında isə 60
maşın silah və 2000 erməni əsgəri Şamaxıya göndərilmişdi.
Yelizavetpol (Gəncə) Müsəlman Milli Şurasının sədri Xasməmmədov
1918-ci il martın 28-də Seymin və Cənubi Qafqaz hökumətinin sədrinə