202
Sosial proseslər analiz edilərkən, onların daşıyıcıları, subyektləri,
subyektiv və obyektiv əsasları aşkar edilir, təşkilati formaları, onlardakı
təhriflər,
deformasiyalar,
sosial
proseslərin
təkamüllü
fomaları
müəyyənləşdirilir. Qeyd olunan məsələlərin həlli layihələşdirmə zərurəti
yaradır, belə ki, layihələşdirmə və tətbiq etmə məqsədi daşıyan sosial
texnologiyalar mövcud prosesin texnologiyalaşdırılmasına yönəlir. Sosial
proseslərin
texnologiyalaşdırılması
zamanı
tətbiqi
sosiologiyanın
metodlarından – sosial adaptasiya, sosial islah, sosial münaqişələrin həlli
texnologiyaları və s. istifadə edilir. Sosial texnologiya ilk növbədə nəticəli və
rasional məqsədyönlü sosial təsir metodlarının və metodikasının işlənib
hazırlanmasıdır. Texnoloji ardıcıllığına görə texnoloji əməliyyatlar
əlaqələndirilmiş, tabe edilmiş, nizamlanmış və tənzimlənmiş olur. Sosial
texnologiyalar dəyişən şəraitin, yeni, qeyri-adi vəziyyətlərin tədqiqində
yüksək dinamikliyi, ümumiliyi, uyğunlaşması ilə təsir metodikasından
fərqlənir. Sosial texnologiyalar özünütənzimləmə, özünükökləmə, özünüislah
və özünü təkmilləşdirmə prinsipləri əsasında qurulur. Sosial texnologiyalar
sosial dəyişikliklər və sosial dərketmənin vasitəsi kimi fənlərarası metodlar
əsasında formalaşır. Fənlərarası sosial texnologiyanın üstünlükləri tədqiqat
obyekti və ona məqsədyönlü təsiretmə vasitələri haqqında
tam təsəvvür yarada
bilməsi ilə bağlıdır. Bu əsasda sosial obyektin xüsusiyyətləri, mahiyyəti, sosial
dinamikanın xüsusiyyətləri aşkar edilir. Sosial texnologiyaların əsas məsələsi
məqsədyönlü təsirdən sonra sosial obyektin hər cür dəyişmə imkanları və
nəticələrinin nəzərə alınması ilə bağlıdır. Fənlərarası yanaşma əsasında xüsusi,
əsasən riyazi vasitələrlə kəmiyyət, statik analiz həyata keçirilə bilər.
Fənlərarası metodologiyanın və metodikanın istifadə edilməsi zamanı bəzi
çətinliklər meydana çıxır. Bu bilavasitə ayrı-ayrı elmlərin yüksək səviyyəli
ixtisalaşması, onların metodlarının, metodikalarının avtomatlaşdırılması,
xüsusi idrak vasitələri, nəzəri müddəaları, empirik bazası, standartları,
meyarları, dəqiqliyi, səmərəliliyi, rasionallığı və s. ilə bağlıdır. Sosial
texnologiyalarda bu metodların istifadə edilməsi qeyd edilən maneələrin
aradan qaldırılmasını tələb edir. İlk növbədə sosial texnologiyaların sosial
obyektin dərk edilməsi və dəyişdirilməsilə bağlı «siyasətinin» hazırlanması
vacibdir. Bu siyasət özündə ümumi (strategiya) və xüsusi (taktika və
metodika)
olanı
birləşdirir.
Fənlərarası
metodologiyanın
sosial
texnologiyaların əsas metodu kimi istifadəsi zamanı fənlərarası tədqiqatın
mərhələli təsviri vacibdir. Bu zaman ilk növbədə fənlərarası yanaşmanın
aktuallaşması, yəni problemin bir fənn çərçivəsində həll olunmasının qeyri-
mümkünlüyünün əsaslandırılması tələb olunur. Növbəti mərhələ tədqiqat
obyekti və məqsəydyönlü fəaliyyətlə bağlı sistemli yanaşmanın
203
reallaşdırılmasıdır. Nəhayət, bir elmin metodlarının digər elm sahəsində tətbiq
edilməsi hüdudları müəyyənləşdirilir. Sosial texnologiyalarda fənlərarası
metodların istifadəsi zamanı həmin metodların bir neçə səviyyəsi nəzərə
alınmalıdır. Birinci səviyyə – sistem nəzəriyyəsi baxımından sistemli
yanaşma, ikinci səviyyə – təşkilatlanma nəzəriyyəsi və təcrübəsinin ümumi
prinsipləri ilə bağlı olan təşkilatlanma səviyyəsi, üçüncü səviyyə – kompleks
yanaşma, dördüncü səviyyə – məntiqi-riyazi yanaşma, beşinci səviyyə –
qlobal yanaşma ilə bağlıdır. Sosial texnologiyaların metodologiyasında
fənlərarası yanaşma xüsusi anlayışlar bazasının yaranmasına səbəb olur.
Xüsusi sosial texnologiyaların metodologiyası ümumi sosial texnologiyalarla
bağlıdır. Sosial texnologiyalar çərçivəsində sosial obyektə məqsədyönümlü
təsir zamanı aşağıdakılar mərhələlər izlənilir: əmələ gəlmə (törəmə) –
formalaşma (təşkilatlanma) – sistem – tamlıq – başaqa sistemə çevriləmə
(dəyişilmə). Xüsusi sosial texnologiyalarda sistemin üzvi vahidə çevrilməsi
nəzərə alınmaya bilər. Sosial texnologiyalar sosial nəzəriyyə və sosial
təcrübənin xüsusi forması olub, sosial təşkilatlanmanın, cəmiyyətin özünü
dərk etməsinin, yəni sosial refleksiyanın xüsusi forması kimi çıxış edir.
YOXLAMA SUALLAR
1.Sosial texnologiya dedikdə nə nəzərdə tutulur?
2.Əsas və xüsusi sosial texnologiyalar nə ilə fərqlənir?
3.Sosial texnologiyaların hansı ehtiyat sahələri fərqləndirilir?
4. Sosial proseslərin texnologiyalaşdırılmasının mahiyyətini izah edin.
REFERAT MÖVZULARI
1.Sosial layihələşdirmənin sosial texnoloji metodları
2.Sosial texnologiyalar
3.Əsas və xüsusi
sosial texnologiyalar
ƏDƏBİYYAT:
1.Бергер П., Лукман Т. Социальное конструирование реальности : Трактат по
социологии знания. М., 1995.
2.Карташов А.В. Проектное знание: опыт методологического анализа.//
Системные исследования. Методологические проблемы. Ежегодник, 1988. М.,
1989,с . 163.
3. Курбатов В.И. Курбатова О.В. Социальное проектирование: Учебное пособие.
Ростов н/Д: «Феникс», 2001.
4.Луков В. А. Социальное проектирование : учеб. пособие. 6-е изд., испр. М. :
Изд-во Моск. гуманит ун-та : Флинта, 2006.
5.Прогнозное социальное проектирование : Теоретико-методологические и
методические проблемы / Ин-т социологии РАН ; отв. ред. Т. М. Дридзе. 2-е
изд., испр. и доп. М. : Наука, 1994.
6.Тощенко Ж. Т., Аитов Н. А., Лапин Н. И. Социальное проектирование. М.,
1982.