Bayaqdan bəri dinməz-söyləməz ona tamaşa edən rəqib koman-danın
kapitanı:
- Ala! - dedi və özü saymağa başladı.
“İndi gör bu necə sayacaq!”
Bu kapitan elə bil ayağı zəncirli dustaq kimi yeriyirdi - dıpbır-dıpbır.
Penalti yeri lap yaxın oldu. Təzədən haray qopdu.
Nemət özü də bilmirdi ki, nə səbəbdən işini-gücünü atıb burada dayamb,
belə maraqla bütün bu şeyləri izləyir, ayrılıb gedə bilmir.
Kövrək uşaq xatirələrinin riqqətindən başqa bu futbolda nə isə başqa bir
şey də var idi. Hisslərin, həvəslərin çılpaqlığı, təməmıasız-lığı, saflığı,
təmizliyi...
Görəsən bizim şöbənin cəfakeşləri bu oyuna baxsaydılar, nə de-yərdilər?
Əlbəttə, Qurban zəhər tuluğudur. Dedikləri də hamısı tikan-lı sözlərdir.
Ancaq bəlkə onun dediyində bir faiz, yarım faiz, çərək fa-iz həqiqət var.
Futbol marağmda bəlkə də çirkin bir şey yoxdur, anc-aq hər halda, çox
kədərli bir şey var. “Boşluğu doldurma” . “Cəfakeş-lik çoxunuzun boynuna
düşüb” . Ay səni, Qurban! Amma bəlkə cəfa-keşliyə səbəb işdaşlarm
söhbətindən, marağından, həvəsindən geri qalmamaq istəyidir? Deməli, belə
çıxır ki, hamı bir-birinin ucbatından cəfakeş olub. Bir-birinin xətrinə.
- Qol! Qol! - deyə uşaqlar qışqırışdılar.
Studiyamn kassası qarşısmda xeyli adam vardı. Nemət yarım saa-ta
qədər növbədə durdu. Zənd-zəhləsi getdiyi İ. də burda idi.
İrişə-irişə:
- Görürsən də, - dedi, - soyuruq hökumətimizi. Bir
xeyli pul aldı.
- Kasıbçılığımızı eləyirik də. - İrişə-irişə saydı. Nemətə tərəf uzatdı:
Sən mənim canım, buyur üstündən götür.
Çox sağ ol. Özüm alacağam.
İrişə-irişə cibinə qoydu: -
Di sağ ol!
Irişə-irişə çıxıb getdi.
Nemət: “Pulu da adamlar cürbəcür alır - deyə düşündü. - Biri halal
zəhmətinin dəyəri kimi, açıq üzlə. Birisi də bax bunun kimi, elə bil qəbih bir
iş tutur, qanunla aldığı pulu da oğru təki alır. Elə bil haram mal yeyir, üstünü
açmasmlar deyə də hamıya irişir. Eh, nə isə...”
Deməli, belə. İndi gedək, maqnitofon alaq.
Poçtamtın yanmdan keçəndə əlini döş cibinə atdı. Pasportu yanın-da idi.
İçəri girdi “Do vostrebovaniya” yazılmış pəncərəyə yanaşdı:
“Mənim bura gəlməyim nəyə oxşayır? Elə bil qəbir üstünə gəli-rəm. Ya
da suyu qurumuş dəyirmana. Yox, bu bənzətmələrin heç biri düz deyil. Bu
pəncərənin ardında heç kəsi basdırmamışam. Burda qu-rumalı bir şey də
yox idi” .
Hər dəfə yolu bu küçədən düşəndə poçta girər, pasportunu uzadrb
gözləyərdi. Qəribə bir həyəcanla gözləyərdi. Kağızçı səliqəylə zərf-ləri
yoxlayar, hər dəfə də eyni sözləri deyərdi: bir şey yoxdur. Mək-tub hələ
yəqin, yoldadır.
Hardan da olaydı? Nemət bilirdi ki, yolda-zadda da deyil. O heç yerdən,
heç kimdən məktub gözləmirdi: Yox yerdən məktub çıxma-yacaqdı ki...
Yaddaşını ələk-vələk eləsə də başqa şəhərdən ya Bakı-nm özündən ona “do
vostrebovaniya” məktub yazacaq bir adam xatır-laya bilməzdi.
Amma nədənsə bu küçədən tək keçəndə hər dəfə həmin pəncə-rəyə
yanaşırdı. Yanmda bir sənəd olmayanda heyifslənirdi:
- Namazov, aha, var. Yox, bu, Namazov Nadir imiş. Siz Nemətsi-
niz!
- Bəli, mən Nemətəm.
Kağızları bir-bir ötürüb son zərfı də bir qırağa qoydu:
- Hələlik heç nə yoxdur, - dedi. Şüşənin yarımdairəvi kəsiyındən
pasportu qaytardı.
Nemət ağır-ağır pəncərədən aralandı. Qəfılcən fıkrində gözlənil-məz bir
bənzətmə oyandı. “Bu da mənim qəribəliyimdir, - deyə düşündü. -
M əm m
əd
Nəsirin Krasnovodsku kimi... Hər şeydə məna axtarsan...”
Siqaretini odlayıb küçəyə çıxdı.
NƏRGİZİN XORUZ BABAYA MƏKTUBU
Salam, Xoruz baba!
Xoruz baba, mənim adım Nərgizdir. Xoruz baba, mənim doqquz yaşım
var. Xoruz baba, mən bu məktubumda sizin tapşırdığmız quş adlarını
yazıram. Quş adları: göyərçin, qaranquş, sərçə, sığırçın, bil-dirçin, qarğa,
ağacdələn, sağsağan, qartal, şanapipik, qaraquş, tovuz quşu, turac, laçın,
qırqovul, cüllüt, dolaşa, duma, bayquş, kəklik. Ev quşları: toyuq, xoruz,
ördək, hind toyuğu, qaz. İyirmi altı quş.
Xoruz baba, mənim Rəhilə yoldaşım var. Rəhilə yaxşı oxuduğu üçün
ınüəllimə onu sinifkom seçib. Onların maqnitofoniarı var. Xoruz baba, ora
sizin səsinizi yazıblar. Sən Rəhilənin adını radioda demisən. Rəhilənin atası
səni yazıb maqnitofona, sən deyirsən Rəhilə Həsəno-va mənə məktub yazıb.
Xoruz baba, mən də sənə məktub yazmışdım. Xoruz baba, atam bizə də
maqnitofon alacaq. Xoruz baba, mənim adı-mı da radioda de. Atam
maqnitofon alanda mən deyərəm səni maqni-tofona yazsın. Maqnitofon
almağı Karmenlə Cilda istəyir. Atam onlar-çün alacaq. Atam dedi ki,
dərslərini yaxşı oxusan, Xoruz baba sənin də adını çəkər. Rəhilə deyir ki,
Xoruz baba sənin adım deməz, sən hesab-dan üç almısan. Xoruz baba, mən
hesabdan beş alacam. Xoruz baba, mən yaxşı qızam. Xoruz baba, mən
ailəmizdə kiçik yaşlı olduğum üçün, atam, anam, nənəm və bacılarım mənə
hönnət bəsləyirlər. Mən anamın sözünə qulaq asıram. Nənəmə kömək
eləyirəm. Mənim nə-nəm mənə çoxlu nağıllar danışır. Xoruz baba, mən çoxlu
nağıllar, mahmlar, şeirlər bilirəm. Mən pianinoda “Kukla” mahnısmı çala
bili-rəm. Xoruz baba, mən həmişə radioda sənin bizim üçün verdiyin nağ-
ıllara qulaq asıram. Xoruz baba, sabah radioda mənim də adımı de. Xoruz
baba, mən yaxşı qızam. Mənimçün “Telefon” mahnısını çaldır.
Imza: Sizin kiçik nəvəniz
Namazova Nərgiz Nemət qızı
İKİ-BİR
Fələk iki-bir atdı
Bəxtimin nərdi kimi
Zaur bilirdi ki, axır Təhminəni razı salacaq, çünki bu elə bir təklif idi ki,
ilk dəqiqədən həqarətlə rədd olunmamışdısa, deməli, gec-tez qəbul
olunacaqdı.
Axı niyə mütləq plyaja getmək istəyirsən?
Yadında, mən “Moskviç”imi alanda sən dedin ki, yaxşı oldu,
yayda bizi plyaja apararsan.
-
M ən deyirdim bütün şöbəynən gedərik, demirdim ki, ikimiz...
-
Bütün şöbə? - Zaur rişxəndlə sadalamağa başladı,- Dadaş, Ne-
mət, Qurban...
Təhminə uğunub getdi.
Axv, Zaur, başa düş, eşidən-bilən nə deyər, mənim ərim...
Biz nə günah işlədirik ki... ərin Bakıda olsaydı... amma indi bur-
da yoxdur... gedək çimək, iki saata qayıdarıq.
İki saata? Yəqin?..
“Vəssalam!”.
Lap yəqin. Söz verirəm.
Təhminə alt dodağmı dişləri arasma alıb, başmı yana əydi. Saçları
çiyninə axdı.
- Gedim qarajdan maşını götürüm, iyirmi dəqiqədən sonra gəlirəm
evinizin qabağına.
Yox, yox, evin qabağına gəlmə. Evimizin yanında bağ var e, onun sol
tərəfındə gözlə.
Oldu. Çox gözəl.
Zaur üçüncü mərtəbəyə dırmaşmağa başladı. Pillələri beş-beş atı-hr,
bığaltı gülümsünür, zümzümə edirdi. Uçmağa qanadı çatmırdı.
Pilləkənin başında Məmməd Nəsirlə toqquşdu. Tünd çaxır iyi Za-
urun bumunu çaldı.
M əmməd Nəsir onun qolundan yapışdı.
- Mən ölüm, - dedi. - Gedək bir nərd ataq.
- Məmnuniyyətlə, Məmməd Nəsir, gələn səfər. İndi yaman tələ-
sirəm.
Dartınıb çıxmaq istədi.
Dostları ilə paylaş: |