Şəkİ və onun TƏbabəT tarİxİ
Yüklə 0,96 Mb. Pdf görüntüsü
|
dispanserin ilk baş həkimi təyin olunur. 1973-cü ildə Şəki Mərkəzi rayon Xəstəxanası artıq 550 çarpayılıq idi. 1974-cü il mayın 1-də Şəki səhiyyəsinə ağır itki üz verir. Mərkəzi rayon Xəstəxanasının baş həkimi Fərrux Həmidzadə vəfat edir. Ömrünün gənc çağını müharibədə keçirən, respublikanın qədim və böyük şəhəri Şəkidə əksər müalicə ocaqlarını təşkil edən, bir çox orden və medallarla təltif edilən, ehtiyatda olan polkovnik, respublikanın Əməkdar həkimi Həmidzadənin vaxtsız ölümü arzusunda olduğu bir çox işləri yarımçıq qoydu. Onun ən böyük arzusu Şəkidə tibb şəhərciyi təşkil etmək, Elmi- Tədqiqat Vəəm və Travmatologiya – Ortopediya İnstitutlarının filiallarını açmaq idi. Eyni zamanda, o, söhbətlərində Şəkidə respublikamızda yaşayan müharibə əlilləri üçün sanatoriya tipli xəstəxananın inşa edilməsinin də zəruri olduğunu vurğulayırdı. Fəqət əcəl imkan vermədi... 1974-cü il iyunun 20-də Tibb elmləri namizədi Tacəddin Xasıyev Şəki Mərkəzi rayon Xəstəxanasına baş həkim təyin olunur. 1974-cü il avqustun 6-da yeni 2 №-li Uşaq Poliklinikası açılır və Siyahpər Məmmədov həmin poliklinikaya baş həkim təyin olunur. 1975-ci il martın 1-də Sümük-vərəm şöbəsi ləğv olunaraq, onun yerində 50 çarpayılıq Urologiya şöbəsi təşkil olunur. Vəhyəddin Səlimov müvəqqəti olaraq həmin şöbəyə müdir təyin olunur. Ümumiyyətlə, bu gün şəhərimizdə cərrahların hazırlanmasında Vəhyəddin həkimin rolu danılmazdır. Onu da böyük fərəh hissi ilə qeyd etmək lazımdır ki, bu gün də təkcə Şəkinin deyil, ölkəmizin bir çox bölgələrində yaşayan orta və yaşlı nəslin nümayəndələri Vəhyəddin Səlimovu yaxşı xatırlayırlar. Vəhyəddin həkimin həyatı da çox keşməkeşli olmuş, mürəkkəb bir tale yaşamışdır. Ali məktəbi qurtaran kimi qismətinə odlu-alovlu İkinci Dünya müharibəsində iştirak etmək və faşist düşərgələrində həkimlik fəaliyyəti göstərmək Vəhyəddin həkimin kamil bir cərrah kimi yetişməsində böyük rol oynamışdır. Vəhyəddin Salman oğlu Səlimov 1920-ci il fevralın 23-də Şəki şəhərində fəhlə ailəsində dünyaya göz açmışdır. Şəkidə 1927-1932-ci illərdə ibtidai təhsil aldıqdan sonra fəhlə fakültəsində və Sənaye texnikumunda orta təhsilini başa vurmuşdur. 1936-cı ildə Azərbaycan Dövlət Tibb İnstitutunun müalicə-profilaktika fakültəsinə daxil olmuş, 1941-ci ildə oranı fərqlənmə diplomu ilə bitirmişdir. Ali təhsilini başa vurduqdan sonra polk həkimi kimi ordu sıralarına çağırılan V.Səlimov bir müddət sovet ordusunda xidmət etmiş, 1942-44-cü illərdə Polşa, Fransa və Almaniya hərbi əsirlərinin olduğu hərbi xəstəxanada, 1944-cü ilin avqust ayından isə partizan dəstəsində Fransanın Liypi şəhərində cərrah, 1944-45-ci illərdə Fransada SSRİ vətəndaşları üçün cərrah və hərbi xəstəxanada rəis, 1945- ci ilin avqust ayından 2100 saylı hospitalda, 1945-47-ci illərdə xüsusi hərbi düşərgədə, 1947-49-cu illərdə Leninabad vilayətinin Proletarsk şəhərində cərrah, 1949-55-ci illərdə Arxangelsk vilayətinin Pukso-Ozero rayonundakı Pliseyskiy şəhər xəstəxanasında cərrah işləmişdir. Nəhayət, 1955-ci ildə ona doğma Şəkiyə qayıtmaq qismət olmuş və rayonlararası şəhər xəstəxanasında cərrah işləməyə başlamışdır. 1957-ci ildən Şəki şəhər Mərkəzi Xəstəxanasının cərrahiyyə şöbəsinin müdiri təyin edilmiş V.Səlimov 1967-ci ildən rayonlararası baş cərrah vəzifəsində çalışmışdır. Vəhyəddin həkim həm də yüksək bilik və bacarığa malik peşəkar cərrah kimi işlədiyi müddətdə Gəncə, Zaqatala, Qax, Oğuz, Qəbələ, Balakən və digər rayonlarda ağır cərrahiyyə əməliyyatlarında daim iştirak etmiş, mütəmadi olaraq həmin rayonlardan məsləhətçi həkim kimi dəvət almışdır. Tədqiqatlardan məlum olmuşdur ki, doktor Səlimov 1966-1968-ci illərdə travmatologiya, urologiya, akuşer-ginekologiya və digər sahələr üzrə 1173, 1983-1985-ci illərdə isə 1107 xəstə üzərində uğurlu cərrahiyyə əməliyyatları keçirmişdir. Vəhyəddin Səlimov 1966-cı ildə “Qırmızı Əmək Bayrağı” ordeni və “Respublikanın səhiyyə əlaçısı” döş nişanına, 1967-ci ildə “Almaniya üzərindəki 20 illik qələbə” medalına, 1968-ci ildə isə Azərbaycan Respublikası Səhiyyə Nazirliyinin Fəxri fərmanına, 1983-cü ildə Şəki rayon Partiya Komitəsinin keçici Qırmızı Bayrağına layiq görülmüşdür. V.Səlimov 2 avqust 1992-ci ildə, 72 yaşında Şəkidə dünyasını dəyişmişdir. Respublikamızda cərrah kadrların yetişməsində onun böyük əməyi olmuşdur. Burada Vəhyəddin həkimin yolunu davam etdirən, o vəfat etdikdən sonra Şəki Rayonlararası Mərkəzi Xəstəxanasının cərrahiyyə şöbəsinin müdiri Hikmət həkimi də yad etmək yerinə düşərdi. Hikmət Abbasəli oğlu Abbasov 1955-ci ildə Şəkidə anadan olub, 1971-ci ildə şəhər 10 saylı orta məktəbi bitirdikdən sonra Azərbaycan Dövlət Tibb İnstitutunun müalicə-profilaktika fakültəsinə daxil olmuş və 1977-ci ildə oranı müvəffəqiyyətlə başa vurduqdan sonra 1 il Bakı şəhər Təcili Yardım Stansiyasında cərrahiyyə üzrə internatura keçdikdən sonra Şəki Mərkəzi Rayonlararası Xəstəxanasının sərəncamına göndərilmişdir. Burada o, tanınmış cərrah Vəhyəddin Səlimovun rəhbərliyi altında həkimlik fəaliyyətinə başlamışdır. Daim öz üzərində çalışan, kollektivin və xəstələrin böyük etimadını qazanan, müəllimi Vəhyəddin həkimdən daha çox cərrahlıq sirlərini öyrənən Hikmət yüzlərlə xəstəyə şəfa vermiş, onları həyata qaytarmışdır. Bilik və baracığı imkan verdiyinə görə Vəhyəddin həkimin vəfatından sonra cərrahiyyə şöbəsinin müdiri vəzifəsi Hikmət Abbasova tapşırılmış və o, həyatının sonuna qədər həmin vəzifənin yüksək peşəkarlıqla öhdəsindən gəlmişdir. Hikmət Abbasov 55 yaşında – 2010-cu ilin may ayında avtomobil qəzası nəticəsində faciəli surətdə dünyasını dəyişmişdir. 1976-cı ildə Kiçik Dəhnə Xəstəxanası, demək olar ki, yenidən tikilir. 1976-cı il avqustun 4-də şəhərdə Bədən Tərbiyəsi Dispanseri fəaliyyətə başlayır və buraya Abbas Hüseynov baş həkim təyin olunur. 1977-ci il aprelin 11-də Mərkəzi rayon Xəstəxanasında yeni şöbə – Reanimasiya şöbəsi fəaliyyətə başlayır. Rahilə Təhməzova şöbənin ilk müdiri təyin olunur. Tacəddin Xasıyevin Şəki səhiyyəsinin rəhbərliyinə gəlişi yeni bir dövrün başlanğıcı oldu. Respublikamızda baş verən ümumi quruculuq, yeni səhiyyə müəssisələrinin yaradılması istiqamətində böyük işlər getdiyindən, təbii ki, şəhərimizdə də ölkənin tərkib hissəsi kimi yeni-yeni müalicə ocaqları yaradılır. Lakin kadr siyasətində düşünürəm ki, məhz o dövrdə buraxılan səhvlər sonralar inkişafımızı ləngidən başlıca səbəb oldu. Fərrux Həmidzadə Stalin dövrünün yetişdirdiyi bir dövlət adamı idi. Onun fəaliyyətinin başlıca prinsipi əmək intizamı, verilən tapşırığın məsuliyyətini dərk edərək vicdanla yerinə yetirmək idi. Həmidzadə dövrünün əmr kitablarına baxanda inzibati-cəza tipli əmrlərin çox olması diqqəti cəlb edir. Məsələn, həkim işə gecikdiyi üçün və ya peşəsinə səhlənkar yanaşdığı üçün 1 aylıq tibb qardaşı və ya tibb bacısı vəzifəsinə keçirilirdi. Düşünürəm ki, həkim üçün bundan ağır cəza ola bilməz. Və ya töhmət, şiddətli töhmət verilərək şəxsi işlərində qeyd olunurdu. T.Xasıyev dövrünün əmr kitablarında isə belə əmrlərə rast gəlmək mümkün deyil. Əksinə, kənd həkimi birbaşa cərrah və ya ginekoloq vəzifəsinə gətirilir, bu zaman ixtisaslaşma nəzərə alınmır, ya da birbaşa hansısa vəzifə verilirdi. O dövrdən yaranmış kadr problemi hələ də şəhərimizin səhiyyəsinin ən əsas problemi olaraq qalmaqdadır. Sonralar şəhərimizin səhiyyəsinə rəhbərlik etmiş Aman Mehdiyev və Sehran Məmmədov bu problemi aradan qaldırmaq üçün çox mühüm işlər gördülər. Təsadüfi deyil ki, T.Xasıyevin məsələsi Şəki rayon Partiya Komitəsinin bürosunda geniş müzakirə olunur və fəaliyyətində yol verdiyi ciddi nöqsanlara görə vəzifəsindən azad edilir. 1980-ci il yanvarın 16-da Şəki Mərkəzi rayon Xəstəxanasının baş həkimi vəzifəsinə Nuh Abduləzizov Yüklə 0,96 Mb. Dostları ilə paylaş:
|