Gülən görsə gözlərindən yaş düşər.
Xeyir işdən təpəsinə daş düşər
Elə vurar, elə pozar bilinməz.
Hər nə etsə vicdanını, danlamaz,
Eldən yeyər, haqqı- salam anlamaz.
Cır beçə tək xeyir- işə banlamaz,
Bəd danışar, yaman yazar bilinməz.
Quzğun olur caynağını çalanda,
Gecə- gündüz fikri- zikri talanda.
Evlər yıxıb hiylə torun quranda
Öz işini mərdə yozar bilinməz.
İsti döyər, dəmirini soyutmaz,
Bir yoldaşı yatıb qalsa ayıltmaz.
Yalquzaq tək bir erkəclə qayıtmaz,
Bir sürünün aktın cızar bilinməz.
Saxta dinər, saxta gülər güləndə,
Tük tərpətməz bir dahi də öləndə.
El anlayıb bu hiyləni biləndə
El azdırar, elə azar bilinməz.
13.12.78.
BAHALIQ
Bahalanmaya rəvac verən və ekranlarda xalqın
gözünün içinə yalan üfürən bəzi məmurlara üz
tuturam: -Siz Azərbaycan xalqına, Azərbaycan
dövlətinəmi xidmət edirsiniz?
Yenə qiymət qalxdı, dolanmaq çətin,
Yoxsullar olmasa varlanmaq çətin.
Sizi nə anlamaq, nə qanmaq çətin,
Haqqı mehvərindən tərpədirsiniz.
Bahalıq sizlərin şərəfi-şanı,
Xəstə var bir həbə yoxdu gümanı.
On Şirvan qazanan məzlum insanı
Yoxsulluq içində çərlədirsiniz.
Qoruyan kasıbdı daşı-torpağı,
Bu axşam tüstüsüz qalıb ocağı.
Gözünüz doymurmu, zalım uşağı,
Bazarı sağ-sola hərlədirsiniz.
Varmı bu tamahın sonu həyatda?
Bir kibrit dəyəri yoxdu manatda.
Dəvə var ləhləyir ağır yük altda,
Mayanı, köşəyi nərlədirsiniz.
Dərdlinin dərdini duyan deyilsiz,
Bir kəsə bir tikə qıyan deyilsiz.
Nə qədər yesəniz doyan deyilsiz,
Xaşal qarnınızı dəbərdirsiniz.
Nefti biz veririk, bəs, niyə belə?
Sement ilə daşı demirəm hələ.
Oğullar baş alıb düşübdü çölə,
Xalqı söz verməklə girlədirsiniz.
Çoxunun süfrədə çörəyi yavan,
Allaha xoşdumu bu qəsd, bu divan?
Maaşın üstünə qoyub bir "şirvan",
Bu yandan yüz "şirvan" tərlədirsiniz.
Qınına təpirsiz söz deyənləri,
Çəkirsiz qabağa "döz" deyənləri.
Sözü üzünüzə düz deyənləri
Polisin əliylə şərlədirsiniz.
2.11.2004.
NİFRƏTLƏR MƏNGƏNƏSİNDƏ
Vəzifə atəşi yaxacaq dedim,
Səni adamlıqdan çıxacaq dedim.
Bəxtinə namərdlik doğacaq dedim,
Qalmadı bu iyrənc məzkəməsindən.
Haram adiləşdi süzüldü qana,
Hökmü yetənləri yetirdi cana.
Hələ danışanda baxasan ona
Haqqın-ədalətin təntənəsindən.
Şeytanla iblislə yarışa girib,
Böyüklər yanında tula tək hürüb…
Haçansa birinə bir kökə verib
Dil topuğa qoymur sədəqəsindən.
Bu evin get-gəli, vəznəsi ağır,
Böyüklərdən ötrü qapısı yağır.
Ədalar püskürür, harınlıq yağır
Arvadın, uşağın qəhqəhəsindən.
Kimdən çəkinirsə dindirə bilmir,
Köhnə tanışları endirə bilmir.
Çalxanır, udduğun sendirə bilmir,
Söz açır zadəgan təbəqəsindən.
Rüşvəti bilmədi günahı, suçu,
Pul ilə baş kəsdi bu ünlü qoçu.
Qardaşı, bacını süzdü gözucu
Yüksək elitalar mərtəbəsindən.
Vəzifə köç edib zatını seçmir,
Göylərin, yerlərin qatını seçmir.
Gözləri ayağı altını seçmir,
Danışır vəzifə dəbdəbəsindən.
Mayası yoğrulub şeytan şərindən,
Sarsılası deyil dost qəhərindən.
Az qalır gözləri çıxsın yerindən,
Az qalır pırtdasın hədəqəsindən.
Dəyişib dəm-dəsgah, o qurğu-büsat
Qurtarmır nifrətlər məngənəsindən.
2.01.06.
DƏM TUTAN ADAM
Mənə qohum-qardaş, dost ola bilməz,
Mənim ürəyimə daş atan adam.
Yalı azalanda quyruğa dönüb,
Hökmü yeriyəndə qol çatan adam.
Qanqala gül deyər, gülü dərilməz,
Saxta təbiəti yola verilməz.
Əbədi hörmətə layiq görülməz,
Hay-küylə, yalanla baş qatan adam.
Gah abidlik elər, şeytanlıq elər.
Bacarsa gündüzü qaranlıq elər,
Özünün səmtinə yamanlıq elər.
Arvad zurnasına dəm tutan adam.
Nə bir böyük-kiçik, nə dədə bilməz,
Zamana göz vurar, vaxt-vədə bilməz.
Doğma qardaşa da rəhm edə bilməz,
Qanında xəyanət yaşadan adam.
Od tutub alışsa Kərəm olammaz,
Göynəyən bir qəlbə məlhəm olammaz.
Neyləsə Eldara mərhəm olammaz,
Quru əvəzinə yaş satan adam.
18.01.2006.
MƏNİM XƏBƏRİM YOXDU
Qanqala ot demişəm,
Çiçək küsübdü məndən,
Mənim xəbərim yoxdu.
Mehə könül vermişəm,
Külək küsübdü məndən,
Mənim xəbərim yoxdu.
Ulağa at demişəm,
Eşşək küsübdü məndən,
Mənim xəbərim yoxdu...
20.08.98.
KİÇİLƏ-KİÇİLƏ
Namərdə ucal dedilər,
Qalxdı kiçilə-kiçilə.
Eldə məmurluq axtardı,
Eldən seçilə-seçilə.
Dəli şeytan at səyirtdi,
Hiylə odu daş əritdi.
Saman altdan su yeritdi,
Üstən keçilə-keçilə.
Eldar, yanan ulduz söndü,
Bir qəza-qədərə döndü.
Minnətdən zəhərə döndü,
Şərbət içilə-içilə.
19..05.04.
ÜZÜMƏ BAXA BİLMƏDİN
Dönüklərdən birinə
Dostları ilə paylaş: |