439
Bu sözləri deyib acıqla qapını çırpıb getdi. Özümü əl‐ayağa
dolaşan zibil kimi hiss edirdim. Özümə bu qədər nifrət etdiyim
olmamışdı. Sifətimə lopayla tüpürməyim gəldi. Gör evdə nüfu‐
zumu nə qədər itirmişəm... Artıq arvadım da mənimlə danışı‐
ğının tonunu qaldırmışdı və bunun qarşısında inək kimi göz‐
lərimi bərəldib lal‐dinməz ona baxırdım. “El içində biabır oldum,
indi məni tanıyanlar haqqımda nə düşünəcəklər? Gəl indi dost‐
tanış içinə çıx görüm necə çıxırsan. Oğul evləndirən, nəvə‐nəticə
gözləyən, yaşı ötmüş kaftarın biri indi özü uşaq sahibi olur”, –
deməzlərmi? Kim buna xoş baxar ki... Tez rədd olub getmək la‐
zımdır buralardan, kimsənin səni tanımadığı uzaq yerlərə get‐
mək lazımdır, başqa yolu yoxdur. Qoy cəhənnəm olsun hər şey.
Doğur, qoy beşini doğsun, artıq rüsvay olduqdan sonra bunun
nə dəxli var ki?” Əgər atalıqdan istefa verməyin bir yolu olsaydı,
elə bu saat istefa ərizəsini yazıb tələsik imzalayardım.
...Dilbərlə küsülülər kimiydik, bir‐birimizin yanından lal‐
dinməz ötüb keçir, birlikdə tək qalmaqdan çəkinir, görüşməyə
meyl etmirdik. Şirin sevgimizin acı dadını gizli‐gizli yaşayırdıq.
Yeni evlənənlər kimi abrımızı hamıdan qoruyurduq. Amma
haqq üçünə Dilbərə hamiləlik çox yaraşırdı. Aylar ötdükcə Dil‐
bərin üzü çillənir, döşləri, qarnı iriləşirdi. Doqquz ayın tama‐
mına yeddi gün qalmış Dilbəri utanmaz‐utanmaz doğum evinə
apardım – özü də Afətlə birlikdə... Sabahı gün Afət zəng vurub
muştuluğunu istədi – “Gözün aydın olsun, nur topu kimi bir
oğlumuz olub, muştuluğa səndən özümə və Dilbərə qızıl sırğa
istəyirik. Sən hələ bunun qabağındakını görəsən, eynən..!” –
pıqqıldadı. Allah abrınızı örtsün sizin, ikisi birlikdə qəhqəhə
çəkib gülüşürdülər. Desəm sevinmədim, ən böyük yalanı danış‐
mış olardım. Oğlumu görmək üçün ürəyim atlanırdı. Lap Kə‐
nan doğulanda olduğu kimi tibb bacısına görüm‐baxım edib
birbaşa oğlumun yanına qaçmaq istəyirdim. Dilbərimə olan
440
ülvi sevgim indi ikiqat artmışdı. Onun səbirsizliklə doğum
evindən evə qayıtmağını gözləyirdim. Və, qayıtdılar. Əvvəlcə
doğma övladıma baxmağa utanırdım. Elə bil Bahar üçün əsl
gəlincik almışdıq, – bütün günü körpəni qucağından yerə qoy‐
murdu.
Çoxdan idi ki, Bakıdakı ofisə ayaq basmırdım. Dostlarımın
tənəsindən utanırdım. Onlar indi bizə gec‐gec gəlirdilər. Kənanın
dini söhbətlərindən sonra dostlarımın öz qınına çəkilib xəlvəti
namaz qıldıqlarından xəbərdar idim. Sanki, bizi birləşdirən elə
təkcə araq, yemək‐içmək imiş. Bəlkə də indiyədək yeşik‐ yeşik
“gillətdiyimiz” arağa görə bir‐birimizdən utanıb çəkinirdik. Am‐
ma, uşağın doğulduğunu Yaşar və Sabirdən cəmi üç gün gizli
saxlaya bildik, – arvadlar ağzıyırtıq olurlar axı... Dostlarım və ya‐
xınlarımın hamısı yenə tam tərkibdə bizə yığışdıq. Məni ortaya
çəkib o ki var lağa qoydular. O qədər utandırdılar, lağa qoydular
ki, bu yaşda övlad sahibi olduğuma görə bir daha utanmadım.
Evimizdəki “ismət pərdəsi” lağ‐lağıda əriyib aradan götürüldü.
Artıq kimsədən utanmırdım bu evdə, çünki hamının üstündə
əsdiyi, maraq göstərdiyi biri vardısa, o da balaca Ağəli idi. Adını
Yaşargil təklif etmişdilər. İndi atam adında bir oğlum da vardı.
Mən isə Durna nənəm deyən əsl “qızbibi” olmuşdum...
* * *
Beləcə aylar bir birini əvəz etdi, həyat öz axarıyla ötüb ke‐
çirdi. Artıq bir şeyə ailəlikcə yekdil qərar vermişdik – Oğuza
köçürdük. Sanballı bir şirkət evimizi ofis kimi icarəyə götürmək
istəyirdi. Heç birimiz razı olmadıq. Eləcə qapını kilidləyib,
həyət‐baca, bağ‐bağat üçün gözətçi qoyub getməyi qərara aldıq.
Gözətçi kimi ilk ağlıma gələn Aşralı kişi oldu. Bu gün onunla
görüşə gedəcəkdim. Baysal və anası bizə gəlmişdilər. Baysalla
441
Aşralı kişinin arxasınca getdik. Hər dəfə Baysalın təmir olun‐
muş maşınını görəndə Zəhranın üsyanını xatırlayıb fikrə dalır‐
dım. İndi Baysal bizə gec‐gec gəlir, ailəsinə daha çox diqqət
ayırırdı. Zəhra isə özünü elə aparırdı ki, sanki qara‐qışqırıq sa‐
lıb aləmi dağıdan heç bu deyilmiş – izafa, o vaxtkı dəliliyindən
söz düşəndə qızarıb xəcalət çəkirdi.
Aşralı kişini bulvarda tapa bilmədik. İş yerinə yollanıb
qaldığı ünvanı soruşduq. Güc‐bəla ilə deyilən ünvanı tapıb
qapını döydük. Bura toyuq hininə oxşar ayrıca otaqlardan iba‐
rət ümumi həyət idi. Ümumi həyətə yeddi qapı açılırdı, – ümu‐
mi hamam, ümumi tualet, paltar asmaq üçün ümumi məftil...
Bütün həyət betonlanmışdı. Həyətin ortasında cəmi bircə ədəd
heyva ağacı can verib quruyurdu. Ağaca paltar ipi bağlamaq
məqsədilə o qədər mismar çalmışdılar ki, çox güman zavallı
ağac da elə bu “ağrıdan” quruyurdu. Həyətdə bir qadın palaz
çırpırdı, toz bütün həyəti bürümüşdü. Aşralının evini soruş‐
duq, ən kənardakı daxmanı nişan verdi. Daxmanın üstünə az‐
best şifer, şiferlərin üstünə isə hörgü daşı düzmüşdülər ki,
külək atmasın. Qapını döydük, səs verən olmadı. Azca itələdik,
qapı açıq imiş. İçəri boylandım, Aşralı kişi yatağında güclə bizə
tərəf dönə bildi. Alnı, sifəti bütöv tərin içindəydi. Əlini ovcuma
aldım, qızdırmadan yanırdı. Kişi,“yeyə vay” dərdindən ölürdü.
Həyətə çıxıb “təcili tibbi yardım”ı yığdım. Həyətdəki qadından
ünvanı dəqiqləşdirib həkimlərə yerimizi istinad verdim. Təcili
yardım maşını tez gəldi. Temperaturunu ölçdülər, müayinə
etdilər. Güclü soyuqlamışdı. Bir iynə vurub dərman yazdılar.
Baysal həkimləri yola saldı. Bir qədərdən sonra Aşralının tem‐
peraturu normaya düşdü. İsrarla onu geyindirib maşınımıza
mindirdik və düz Mərkəzi Klinik Xəstaxanaya apardıq. Onu
tam müayinədən keçirdik, – “Sapsağlamdır, sadəcə güclü so‐
yuqlaması var”, – dedilər. Ona evdə müalicə almağı məsləhət
Dostları ilə paylaş: |