Sığınacaq, Sərhəd və İmmiqrasiya Məsələlərinə dair Avropa Qanunvericiliyi üzrə Vəsait
12
Vəsaitin sonunda verilmiş təlimatlar oxucuya konkret presedenti onlayn rejimində tapmaq üçün köməklik
göstərmək məqsədi daşıyır.
Avropa İttifaqının sığınacaq, sərhəd idarəçiliyi və immiqrasiya sahəsinə aid qanunvericiliyinin müxtəlif
elementləri ilə bağlı İttifaqın heç də bütün dövlətləri öz üzərinə müvafiq öhdəliklər götürməyib. Vəsaitdə
istinad edilmiş Avropa İttifaqı əsasnamələrinin və direktivlərinin tətbiqi dərəcəsinə aid Əlavə 1-də hansı
dövlətlərin hansı normalarla əlaqədar öhdəliklərin götürüb-götürməməsi ümumiləşdirilmiş formada təqdim
olunur. Bu Əlavədən göründüyü kimi, əksər hallarda Danimarka, İrlandiya və Birləşmiş Krallıq vəsaitdə
sadalanan hüquqi sənədlərin icrasından kənarda qalırlar. Eyni zamanda, Avropa İttifaqının sərhəd məsələləri
ilə bağlı bir çox hüquqi sənədi, o cümlədən, Şengen qanunvericiliyi, başqa sözlə, Avropa İttifaqının bu sahədə
qəbul etdiyi bütün qanunları və bir sıra digər hüquqi sənədləri İttifaqa üzv olmayan bəzi dövlətlərə, daha dəqiq
desək İslandiya, Lixtenşteyn, Norveç və İsveçrəyə də şamil olunur.
Avropa Şurasına üzv olan bütün dövlətlər Avropa İnsan Hüquqları Konvensiyasına qoşulsalar da, onların heç
də hamısı bu Konvensiyanın Protokollarını ratifikasiya etməyib və ya onlara qoşulmayıb və yaxud Avropa
Şurasının vəsaitdə qeyd olunan digər konvensiyalarına tərəfdar deyillər. Bununla əlaqədar olaraq Əlavə 2
Avropa Şurasının seçmə hüquqi sənədlərinin, o cümlədən, Avropa İnsan Hüquqları Konvensiyasının tətbiqi
dərəcəsinin bir xülasəsini özündə əks etdirir.
Avropa Sosial Xartiyasına üzv olan dövlətlər arasında da əhəmiyyətli fərqlər mövcuddur. Avropa Sosial Xartiya
sisteminə qoşulan dövlətlərə bu və ya digər maddə ilə əlaqədar konkret minimum tələblər irəli sürməklə öz
üzərinə müvafiq öhdəliklər götürüb-götürməmək barədə qərar qəbul etmək icazəsi verilir. Əlavə 3 Avropa
Sosial Xartiyasının müddəalarının qəbul olunma dərəcəsinin bir xülasəsini təqdim edir.
Vəsait insan hüquqlarına dair beynəlxalq hüququ və ya qaçqın hüququnu yalnız Avropa İnsan Hüquqları
Konvensiyasında və ya Avropa İttifaqı qanunvericiliyində birmənalı şəkildə əks olunmuş dərəcədə nəzərdən
keçirir. Burada "Avropa İttifaqının fəaliyyəti haqqında" Müqavilənin 78-ci maddəsində "Qaçqınların statusu
haqqında" 1951-ci il Cenevrə Konvensiyasına birmənalı şəkildə istinad olunduğunu misal kimi göstərmək olar.
Əlbəttə ki, Avropa dövlətləri tərəfdar çıxdıqları bütün müqavilələr üzrə öz üzərilərinə götürdükləri öhdəliklərə
sadiq qalmaqdadırlar. Bu kontekstdə tətbiq edilən beynəlxalq hüquq sənədləri Əlavə 4-də sadalanır.
Bu vəsait Avropa İnsan Hüquqları Konvensiyası və Avropa İttifaqı qanunvericiliyi ilə müəyyən edilmiş iki hüquq
sisteminin rolunu qısa şəkildə izah edən giriş hissəsindən və aşağıda verilmiş məsələləri nəzərdən keçirən
doqquz fəsildən ibarətdir:
Əraziyə buraxılma və müvafiq prosedurlardan istifadə;
Status
və əlaqədar sənədlər;
Sığınacağın müəyyənləşdirilməsi və çıxarılmanı qadağan edən hallar: əsas məsələlər;
Sığınacaq və geri qaytarılma işlərində prosedur
təminatlar və hüquqi dəstək;
Şəxsi həyat, ailə həyatı
və nikah hüququ;
Saxlanılma və hərəkət etmək azadlığının məhdudlaşdırılması;
Məcburi geri qaytarılma və çıxarılma məsələləri;
İqtisadi
və sosial hüquqlar;
Xüsusi ehtiyacları olan şəxslər.
Hər fəsil digər mövzulara və fəsillərə çarpaz istinadlar etməklə konkret bir mövzunu əhatə edərək tətbiq edilən
hər bir hüquqi çərçivənin hərtərəfli mənimsənilməsi üçün şərait yaradır. Hər fəslin sonunda müvafiq əsas
məqamlar təqdim olunur.
Vəsaitin elektron versiyası sözügedən iki Avropa məhkəməsinin presedentlərinə və Avropa İttifaqı
qanunvericiliyinə hiperəlaqələri özündə əks etdirir. Avropa İttifaqının qanun mənbələrinə hiperistinadlar
oxucunu Avropa qanunlarından ibarət siyahılarla tanış edir ki, o müvafiq işi və ya qanunvericilik aktını Avropa
İttifaqının istənilən rəsmi dilində nəzərdən keçirə bilər.
13
Cədvəl 1. Avropa İttifaqı qanunvericiliyinə əsasən üçüncü ölkə vətəndaşlarının kateqoriyaları
Avropa İttifaqının hərəkət etmək
azadlığına dair normalarından irəli gələn
hüquqlara malik şəxslər
Avropa İttifaqına üzv olan dövlətlərin vətəndaşlarının ailə
üzvləri
Beynəlxalq sazişlərdən irəli gələn
hüquqlara malik şəxslər
Avropa İqtisadi Zonası və İsveçrə vətəndaşlarının ailə üzvləri
Türkiyə vətəndaşları və onların ailə üzvləri
Avropa İttifaqı ilə ikitərəfli və ya çoxtərəfli sazişlər bağlamış
ölkələrin (100-dən çox ölkənin) vətəndaşları
Qısa və uzunmüddətli immiqrantlar
Üçüncü ölkə vətəndaşı olan zəmanətçinin ailə üzvləri
Uzunmüddətli yaşayış icazəsi
olanlar
Mavi Kart sahibləri və onların ailə üzvləri
Ezam olunmuş
işçilər
Elmi işçilər
Tələbələr
Mövsümi işçilər
Şirkət daxilində ezam olunmuş işçilər
Himayə ehtiyacı olan şəxslər
Sığınacaq axtaranlar
Əlavə
himayədən faydalanan şəxslər
Müvəqqəti himayədən faydalanan şəxslər
Qaçqınlar
İnsan alveri qurbanları
Qeyri-qanuni vəziyyətdə olan miqrantlar
Avropa İttifaqı ərazisində qeyri-qanuni
qalan üçüncü ölkə
vətəndaşları
Avropa İttifaqı ərazisində qeyri-qanuni qalan və çıxarılmaları
təxirə salınmış üçüncü ölkə vətəndaşları
Qeyd: 2013-cü ilin dekabr ayı üçün Avropa İttifaqı qanunvericiliyinə əsasən barələrində yekun qərar çıxarılmamış kateqoriyalar
cədvəldə kursivlə verilir.
Mənbə: Fundamental Hüquqlar üzrə Avropa İttifaqı Agentliyi, 2013-cü il.