Sof2007-Azeri doc
Yüklə 5,06 Kb. Pdf görüntüsü
|
- Bu səhifədəki naviqasiya:
- Bu İlin Hesabatındakı Yeniliklər
Ümumdünya BMT Assosiasiyaları Federasiyası, Minilliyin Layihəsi 2007 Gələcəyin Durumu 17 2007-ci il üçün Gələcəyin Durumu iki hissədən ibarətdir: Minilliyin Layihəsinin bu il üçün və keçən bir neçə il üçün həyata keçirdiyi tədqiqatların tam təfərrüatları olan kompakt disk versiyası və 2006-07-ci il tədqiqatlarının bir sıra saflaşdırılmış versiyalarının bu çap bölməsi. Çap bölməsinin hər bir fəslini kompakt disk versiyasındaki uyğun fəslin Xülasəsi hesab edin. Məsələn, 15 Qlobal Çağırış üzrə çap bölməsinin 1-ci Fəsli hər Çağırışa 2 səhifə ayırır, kompakt versiyası isə onlara 1 000-dən çox səhifə ayırır. Kompakt disk versiyası həmçinin sifarişlə həyata keçirilən işlərdə lazım olan xüsusi elementlərin tədqiqi üçün istifadə oluna bilər. 15 Çağırışın hər biri üzrə regional perspektivlər də həmçinin 1-ci Fəsildə təqdim olunub. Məsələn, 15 Çağırışın hər biri üzrə Afrikaya dair bütün bölmələr kəsilib yapışdırılmaq yolu ilə (ola bilsin ki, digər Fəsillərdə Afrika haqqında olan məlumatları da əlavə etməklə) bir kağızda birləşdirilə, beləliklə də Afrika üçün Qlobal Çağırışlar və Məsələlər haqqında bir hesabat hazırlana bilər. Hesabatın təqribən 5 500 səhifədən ibarət olan kompakt disk versiyası istinad sənədi kimi xidmət göstərmək üçün hazırlanmışdır. İstifadəçilər açar sözlərdən istifadə etməklə sənədi axtara və ya maraq dairələrinə aid xüsusi bölmələri çap edə bilərlər. Kompakt disk versiyasında, məsələn, hər bir Çağırış müfəssəl xülasəyə, çağırışlara aid alternativ qavrayışlara və xülasəyə edilən əlavələrə, regional perspektivlərə, ən son ədəbiyyatlardan əldə olunmuş müvafiq məlumatlara və əvvəlki Qlobal Müşahidə Panellərinin həyata keçirdiyi əməliyyatlar toplusuna malikdir. Məlumatlardan bəziləri qərar qəbul edənlərlə aparılmış əvvəlki müsahibələrdən qaynaqlanır. Çağırışların şərhləri də həmçinin özlərində ötən illərdə daxil edilmiş ideyaları, əlavə fəaliyyətləri və o fəaliyyətlər haqqında fikirləri, çağırışa cavab verərkən inkişafı və çatışmamazlıqları ölçmək üçün təklif olunmuş göstəriciləri əks etdirir. 15 Qlobal Çağırış Fəslindəki bəyanatlar yekdilliklə qəbul olunmur, çünki o bəyanatlar tək bir müəllifin yox, yüzlərlə iştirakçının saflaşdırılmış fikirləridir. Biz rəylərin müxtəlifliyini axtarmış və bəyənmişik. Nəticə etibarilə, qarşıya qoyulmuş məsələlərin və tövsiyə edilmiş fəaliyyətlərin bəziləri təzadlı görünür. Bundan başqa, bəyanatların bəzilərində səbəb-nəticə əlaqələri nəzərə çarpmır və bəziləri siyasi ifadələr kimi səslənir, lakin bunlar siyasət prosesində faydalı ola biləcək iştirakçıların fikirləridir. Bununla belə, onlar qlobal vəziyyətin digər mənbələrdəkindən daha aydın icmalını və proqnozlarını təqdim edir. Minilliyin Layihəsinin bölmələri, qlobal və yerli perspektivləri əlaqələndirən fərdlər və təşkilatlar qrupudur. Onlar iştirakçıları müəyyən edir, müsahibələr həyata keçirir, anketləri tərcümə edir və paylayır, tədqiqatlar və konfranslar həyata keçirir. Onların köməyilə dünyanın bu hesabat haqqında təsəvvürləri və həqiqətən Minilliyin Layihəsinin bütün işləri əmələ gəlir. Öz tədqiqatları, nəşrləri, konfransları və bölmələri vasitəsilə Minilliyin Layihəsi bəşəri inkişaf üçün sosial, texniki və ekoloji vəziyyəti yaxşılaşdırmaq məqsədilə kollektiv məlumatların toplanması istiqamətində edilən sorğular və alınan rəylər sahəsində Ümumdünya BMT Assosiasiyaları Federasiyası, Minilliyin Layihəsi 2007 Gələcəyin Durumu 18 beynəlxalq əməkdaşlıq ruhunun yaradılmasına yardım edir. Bu kitabın hər hansı bir bölməsi üzrə rəylərin və növbəti Gələcəyin Durumunu formalaşdırmağa kömək edə bilər. Cerom K. Qlenn Minilliyin Layihəsinin Direktoru Teodor C. Qordon Baş Həmkar Minilliyin Layihəsi Elizabet Floresku Minilliyin Layihəsinin Tədqiqatlar üzrə Direktoru Ümumdünya BMT Assosiasiyaları Federasiyası, Minilliyin Layihəsi 2007 Gələcəyin Durumu 19 Bu İlin Hesabatındakı Yeniliklər 15 Qlobal Çağırışın həm qısa, həm də uzun versiyaları yeniləşdirilmişdir. Gələcəyin Durumu İndeksi “Real Time Delphi”dən istifadə olunmaqla icmallaşdırılıb, dəyişkənliklər yenidən qiymətləndirilib və düzəlişlər edilib. Türkiyə və Koreya Respubliksı üçün GDİ-lər hazırlanıb və milli GDİ-lərin müqayisəsi prosesi təkmilləşdirilib. 3-cü Fəsildə şərh edilmiş 2030-cu ilədək Təhsil və Tədrisin tədqiqi dünyadan seçilmiş 200-dən çox iştirakçının fikirlərinin saflaşdırılmış şəklidir. O, 2030-cu ilədək gələcək Təhsilə və Tədrisə təsir göstərə biləcək 19 imkanı təqdim edir. Mütəxəssis rəylərini toplamaq üçün istifadə olunan Real Time Delphi prosesi təkmiləşdirilib və 2030-cu ilədək Təhsil və Tədrisin tədqiqində, GDİ-nin təkmilləşdirilməsi prosesində və Minilliyin Layihəsi prioritetlərinin qiymətləndirilməsində və qərar qəbul etmə prosesinin təkmilləşdirilməsində istifadə olunub; onu CD versiyasının “L” Əlavəsində tapmaq olar. Ekoloji Təhlükəsizliklə əlaqəli 200-dən çox element araşdırılıb, qiymətləndirilib və keçən il ərzində təşkil olunub. Saflaşdırılmış versiya 4-cü Fəsildə təqdim olunub və 2002-ci ildən bəri araşdırılan 700 elementin tam mətnlərini kompakt disk versiyasının 9.1.-ci Fəslində tapmaq olar. 50-yə yaxın ssenari barədə məlumatlar kompakt disk versiyasının 700-dən çox ssenari və ssenari dəstlərindən ibarət olan Şərhli Ssenarilər Biblioqrafiyasına əlavə edilib. kompakt disk versiyasına çap versiyasını dəstəkləyən detallar və araşdırmalar daxildir; buraya, həmçinin əvvəlki Minilliyin Layihəsi işlərinin tam mətnləri daxildir: • Qlobal-tədqiqi və çox uzunmüddətli ssenarilərlə bərabər, onların inkişafını şərh edən təqdimat hissəsi. • Üç-mərhələli Real Time Delphi tədqiqatına əsaslanan Orta Şərqdə Sülhə dair üç ssenari. • Elm və Texnologiya ssenariləri və ikillik köməkçi tədqiqat. • 4 Qlobal Enerji Ssenarisi və köməkçi tədqiqat. • 2000-ci il Minillik Sammitində Dünya Liderləri tərəfindən təqdim olunan bəyanatların təhlilləri. • Ekoloji Təhlükəsizlik qərarları, təhlükələri, əlaqədar müqavilələr; BMT-nin ətraf mühit məsələləri üzrə hərbi doktrinası; potensial hərbi ekoloji cinayətlər və Beynəlxalq Cinayət Məhkəməsi; 2010-25-ci illərdə dəyişən ekoloji təhlükəsizliklə bağlı hərbi tələblər. • Davamlı inkişafın vəziyyətinə dair göstəriciləri və xəritələri tərtib etmək üçün Minilliyin Layihəsi iştirakçıları tərəfindən həyata keçirilən 2 araşdırma və “Davamlı İnkişaf üzrə Əmədaşlığın” təsis edilməsi haqqında konsepsiyasının Yüklə 5,06 Kb. Dostları ilə paylaş:
|