Məhlulun laya udulması prosesində udulma sərfi
aşağıdakı kimi hesablanır.
Q = a
t
b
Sakit vəziyyətdə sərfin qiyməti sıfra yaxınlaşır. Belə ki,
bu vəziyyətdə divar üzərində əmələ gələn gil qabığı
məsamələri tədricən tutur və getdikcə udulma sərfi azalır.
Məhlul hərəkətdə olduqda isə t-nin müəyyən qiymətinə qədər
gil qabığı qalınlığının artması nəticəsində udulma sərfi azalır.
Hərəkət edən məhlulun əmələ gətirdiyi gil qabığı müəyyən
vaxtdan sonra yuyulub aparılır və ya gil qabığının qalınlığı
artmır, nəticədə udulma sərfi təqribən sabit qalır (şəkil 11.1.)
Bütün vəziyyətlərdə udulma hadisəsinə qarşı görülən
əsas tədbir-məhlulun xüsusi çəkisini artırmamaq və hətta
mümkün qədər azaltmaq şərtilə onun özlülüyünü artırmaqdır,
ikinci növ udulma baş verdikdə qazıma məhluluna inert
materialları (rezin və pambıq qozası qırıntıları, sement, yüksək
sərtlikli gips və s) əlavə edilir və laya vurulur.
Bu materiallar layın məsamələrində ilişərək onların
ölçüsünü azaldır, səthində gil qabığı əmələ gəlir, yəni ikinci
növ udulma birinci növ udulma ilə əvəz olunur.
Məhlulun laya udulması sərfinin zamandan asılılığı
Vurulan məhlul quyudan çıxmazsa və quyudakı məhlul
səviyyəsi aşağı düşərsə bu faciəli udulma adlanır. Belə halda
laya tez tutuşmağa başlayan sement məhlulu vurulur. Sement
məhlulu məsamələrdə daşa dönür və onları tutur, udulmanın
qarşısını alır. Bu yolla da udulmanın qarşısını almaq mümkün
olmazsa, onda sement məhluluna inert materiallar əlavə olunur.
Bu da nəticə verməzsə, onda son tədbir kimi qazıma
məhlulunun quyudan çıxmamasına baxmayaraq quyu qazılır və
qoruyucu kəmər buraxılıb sementlənir. Çox halda qoruyucu
kəmər sifətilə quyruq kəmərindən istifadə olunur. Bunun üçün
udulma zonası dəqiq təyin olunmalıdır. Udulmanın yerini təyin
etməyin müxtəlif üsulları var, bunlardan ən dəqiqi geofizik
metodlardır.
1)
elektrotermometr. Quyuya buraxılan cihaz udulma
zonası qarşısında temperaturun kəskin dəyişməsini
qeyd edir;
2)
kavernomer. Udulma zonasında quyunun diametri daha
böyük olur;
3)
akustik karotaj. Udulma zonasında dalğanın yayılma
sürəti kiçik olur.
Udulmanın baş verməsi səbəblərindən biri də məhlulun
sıxlığının artmasıdır. Məhlulun sıxlığı o qədər arta bilər ki,
onun yaratdığı hidrodinamik təzyiq layın hidravliki yarılma
təzyiqindən böyük olar. Bu halda təbii mikro çatlar böyüyür və
ya təzə çatlar əmələ gəlir. Hidravliki yarılma nəticəsində çox
hallarda məhlulun faciəli udulması baş verə bilər.
11.1.2. Neft-qaz və su təzahürləri.
Quyuların qazılması prosesində bəzən böyük nisbi lay
təzyiqinə rast gəlmək olur. Belə təzyiq lay suları basqısının və
ya layın məsamələrinə dolmuş sıxılmış qaz təzyiqinin quyudakı
qazıma məhlulunun hidrostatik təzyiqinə olan nisbətindən
əmələ gəlir. Quyudakı qazıma məhlulunun yaratdığı hidrostatik
təzyiq, laydakı su və ya qazın basqı təzyiqindən az olduqda (P
h
< P
lay
) quyuya su və ya qaz daxil olur. Adətən normal şəraitdə
lay təzyiqi maye sütununun təzyiqindən bir qədər az və ya ona
bərabər olur (P
lay
P
h
maye
Z).
Məlumdur ki, quyuya daxil olan su və ya qaz qazıma
məhlulunun xüsusi çəkisini azaldır, bu isə hidrostatik təzyiqin
daha da azalmasına gətirib çıxarır və nəticədə lay təzyiqi ilə
hidrostatik təzyiq arasındakı fərq get-gedə artır. Belə halda
qazıma məhlulunun quyuya vurulması dayandırıldıqda belə
quyudan çıxan maye dayanmayıb axmaqda davam edir. Quyu
ağzında baş verən bu hadisəni müşahidə edən kimi qazıma
briqadası qazıma prosesini dayandırmalı və təcili tədbir
görməlidir.
Su təzahürü baş verdikdə qazıma məhlulunun özlü-
lüyü və sıxlığı azalır, məhlulun su vermə qabiliyyəti artır. Məh-
lulun tərkibində duzun miqdarına nəzarət etməklə mineral su
təzahürünün baş vermə intervalını təyin etmək olur. Su
təzahürünün qarşısını almaq üçün lay təzyiqini dəqiq
müəyyənləşdirmək və yüksək anomal təzyiqli layların yatma
dərinliyini təyin etmək lazımdır. Bundan sonra məhlulun sıxlığı
lay təzyiqinə uyğun seçilməli, quyuağzı preventer bir daha
yoxlanılmalı, quyuağzı tərtibata sementləmə aqreqatı
birləşdirilməli, aparıcı borunun aşağı hissəsində əks klapan
yerləşdirilməli və qazıma məhlulunun parametrləri ciddi
nəzarətə götürülməli, tələb olunan xüsusi çəkiyə və özlülüyə
malik qazıma məhlulunun hazırlanması təşkil edilməlidir.
11.1.3. Quyu divarının dayanıqlılığının pozulması.
Quyu divarının dayanıqlılığı qazıma texnologiyası və
üsulundan həmçinin geoloji şəraitlə əlaqədar bir çox amillərdən
asılıdır. Quyu qazılan zaman quyu divarına yaxın ətraf zonada
yerləşən süxurlarda gərginlik dəyişməsi baş verir. Bu hadisə
əsasən aşağıdakı qüvvələrin təsirindən yaranır:
a) qazıma zamanı süxurlarda yan təzyiq yaradan geostatik
qüvvə (yuxarıdakı layların ağırlığı).
b) Quyuda divara təsir edən hidrostatik təzyiq (qazıma
məhlulunun təzyiqi).
c) dağ süxurlarının və qazıma məhlulunun temperaturları
fərqindən yaranan termik gərginlik.
d) qazıma alətinin qaldırılması və endirilməsi zamanı qazıma
məhlununun hidravliki müqavimətindən yaranan hidrodina-
miki təzyiq.
11.2. Qazımada baş verən qəzalar
Quyuların qazılması zamanı texniki və texnoloji
proseslərin pozulması nəticəsində bir çox qəzalar baş verir ki,
Dostları ilə paylaş: |