Cədvəl
Kollektorların
növləri
Çirkab suda qarışıqların buraxıla bilən
miqdarı,mq/l
Neft
mexaniki
qarışıq
dəmir
Məsaməli, çatlı və
çat-çat
25
30
2
Zəif çatlı
15
10
1
Dənəli
1
2
0,5
Quyuya vurulacaq su o vaxt yararlı hesab edilir ki, vurma
təzyiqinin müxtəlif qiymətlərində, süzülmənin qərarlaşmış
rejimlərində udulacaq suyu qəbul edən layın və yaxud
məhsuldar laydan götürülmüş süxur nümunəsinin (kernin)
keçiriciliyi praktiki olaraq azalmır. Flotasiyadan sonra su,
betondan hazırlanmış və hər küncündə hidromanitor quraşdırıl-
mış yer anbarına tökülür, oradan isə mərkəzi paylayıcı
məntəqəyə vurulur.
Çirkab suyu flokulyasiya etmək üçün poliakrilamid
(PAA) sulfanol kimi flokulyant kimyəvi reagentlər və
koaqulyant Na-SP dozator nasosu vasitəsilə kollektor xəttinə
vurulur. Na-SP-nin 150 mq/l optimal konsentrasiyasında mexa-
niki qarışıqlı çirkab su 14 saat sükunətdə saxlandıqdan sonra
çökmə nəticəsində qarışığın miqdarı 1000 mq/l-dən 33 mq/l-ə
və 3000 mq/l-dən 43,4 mq/l-ə düşür ki, bunu da yaxşı nəticə
kimi qiymətləndirmək olar.
Azərbaycanda çirkab suların laya vurulması təcrübə-
sindən çoxdan istifadə edilməsinə baxmayaraq şlamın laya
vurulması məsələsinə nəinki Azərbaycanda, hətta keçmiş
SSRİ-nin neftçıxarma sənayesində fikir verilmirdi. Bu vaxta
qədər dənizin və ətraf mühitin qazıma tullantıları ilə
çirklənməsinin qarşısını almaq məqsədilə şlamın kimyəvi və
termiki üsulla işlənməsi, sahilə çıxarılıb basdırılması və ya
nisbətən zərərsizləşdirilib dənizə atılması ilə kifayətləniblər.
Deyilənlərdən belə bir qənaətə gəlmək olar ki, şlamdan
suspenziya hazırlanması, yenidən onun qəbul edən laya
vurulması-şlamın texnoloji işlənməsi və utilizasiya edilməsi
üçün sahilə daşınmasını əvəz edən həyati alternativ həll
variantıdır.
Qeyd etmək lazımdır ki, tullantıların yerin müxtəlif
akvatoriyası və kontinental şelflərinə vurulması təcrübəsindən
bir çox xarici ölkələrdə də istifadə edirlər. Bu baxımdan Britiş
Petroleum və Statoyl firmalarının alyansı, cənubi Amerikanın
rütubətli tropik meşələri, Alyaskanın şimal yamacı, Şimal
dənizi, Avstraliyanın şimal, qərb şelfi, İndoneziya sahilləri və
Meksika ölkələrinin çoxunda tullantıların laya vurulması
təcrübəsi diqqəti daha çox çəkir.
Qərbin neft və qaz kompaniyalarının böyük əksəriyyəti
yerin təki və ətraf mühitin mühafizəsi məsələlərində analoji
siyasət aparırlar, lakin bu işlərin səmərəliliyini nümayiş
etdirmirlər. Belə ölkələrdən fərqli olaraq, Alyaskada, Şimal
dənizində və İngiltərədə Uitç-Farm yatağında aparılan əməliy-
yatlar, alyansın ekoloji məsələlərin həllində yaxşı nəticələr əldə
etdikləri xəbər verilir. Bunu da bilmək çox vacibdir ki, neft və
qaz yataqlarının kəşfiyyatı və istismarının layihəsinin
hazırlanmasına başlamazdan öncə rayonun ekoloji vəziyyəti
öyrənilməli, layihənin icrası dövründə ekoloji təsirin ətraf
mühitə ehtimal olunan zərəri qabaqcadan qiymətləndiril-
məlidir. Bunun əsasında ekoloji müdafiə proqramı tərtib
olunmalı, layihənin yerinə yetirilməsi dövründə ekoloji vəziy-
yətə nəzarət diqqət mərkəzində olmalıdır. Bu zaman əməliyyat
keçirilən ərazidə ölkənin normalarına uyğunluq da nəzərə
alınmalıdır. Əlavə olaraq, avadanlıqların ekoloji xarakteristika-
larının yaxşılaşdırılmasına, yeni zərərsiz texnologiyaların
yaradılmasına, ekologiyaya zərərli təsiri minimum olan qazıma
məhlulundan istifadə edilməsinə çalışmaq lazımdır. Neft
itgilərinin azaldılması və yerin təkinin qorunması nöqteyi
nəzərindən neftlə çirklənmiş şlamın neftdən ayrılması məsələsi
də xüsusi əhəmiyyət kəsb edən məsələlərdəndir.
Neftlə çirklənmiş şlamı neftdən ayrımaq üçün 2 üçul
mövcuddur:
1.
Şlamı neftdən ayırmaq məqsədilə xüsusi həlledicidən
istifadə edilir. Bunun üçün xüsusi pilot qurğusu
quraşdırılır. Bu qurğu, tərkibində qalıq nefti 1%-dən
çox olmamaq şərtilə şlamı tozvari materiala çevirir.
Sonra həlledici dövran sisteminə ötürülür, neftdən isə
təmiz yanacaq kimi digər məqsədlər üçün istifadə edilir.
Aparılan tədqiqatlar və müşahidələr göstərir ki,
işlənmədən sonra şlam ətraf mühit üçün heç bir qorxu törətmir.
Hazırda, neftlə çirklənmiş şlamı təmizləmək üçün sənaye
əhəmiyyətli qurğunun yaradılması işi başa çatmaq üzrədir.
2.
Bu üsulda, neftlə çirklənmiş şlamı suspenziya halına
salıb laya vururlar (şəkil 14.3). Bu üsuldan Britiş
Petroleum Eksploreyşin kompaniyası Alyaska, Mexsika
körfəzi və «Quda» platformasında istifadə etmiş və
yaxşı nəticələr əldə etmişdir.
Dostları ilə paylaş: |