263
N A D İ R Ş A H Ə F Ş A R
– Əfqan süvariləri hansı səmtdən bizim tüfəng-
çilərin
1
üstünə hücum etsə, bu dəstə o səmtdən də
döyüşə qoşulacaq.
Əfqan qoşunlarına yaxınlaşanda Nadir xan
sərkərdələrinə amiranə səslə tapşırdı:
– Topları öndə, ikinci sırada zənburəkləri, üçüncü
sırada cəzayirçiləri
2
, dördüncü sırada tüfəngdarları
və onlardan sonra piyadaları sıraya düzün!
Nadir xan üç minlik süvari dəstəsi ilə arxa sırada
dayanıb düşünürdü: «Qoy əfqanlara ilk zərbəni top-
çular vursun, əgər onlar sürətlə gəlib topçuların sıra-
sını yarıb-keçsələr, onda zənburəklərin atəş zərbəsi
altına düşəcəklər. İşdi-şayəd, zənburəkçilərin sırasını
da yarsalar, o zaman cəzayirçilərin və tüfəngdarların
atə şinə məruz qalacaqlar... Bəs sonra? Tutalım, çə-
yirtkə kimi artıb bu sıradan aşdılar, onda piyadalar
dəstəsi döyüşün ağırlığını öz üzərinə götürməli və
mütləq əfqanların qarşısını almalıdır».
Nadir xan nə düşündüsə, qarovul dəstəsinin baş-
çısı Niyazqulu bəyi yanına çağırdı:
– Üç gün əvvəlki döyüşdə mən sənin necə igidliklə
vuruşduğuna heyran oldum. İndi sənə çətin tapşırı-
ğım var. Bu əfqan çəyirtkələri öz yerlərindən qımıl-
danmırlar. Öz adamlarından bir dəstə götür, irəli get,
onları hücuma başlamağa sövq et! Elə ki, gördün on-
lar irəli çıxıb səni təqib edirlər, onda geri dön!
Niyazqulu bəy Qacar həyatını təhlükə qarşısında
qoysa da, əfqanları döyüş meydanına atılmağa sövq
1
Yüngül tüfənglərlə silahlanan döyüşçülər.
2
Ağır tüfənglərlə silahlanan döyüşçülər.
264
S O N U N C U FAT E H
edə bildi. Əfqanlar çoxlu itkilər versə də, Nadir xa-
nın gözlədiyindən də böyük sürətlə hücuma keçdilər.
Bir göz qırpımında onlar nəinki topçuların, hətta
zənburəkçilərlə cəzayirçilərin mövqeylərini adlaya-
raq arxada qoydular.
Bu görüntülər Nadir xanda böyük nigarançılıq
yaratdı:
– Belə getsə, onların müqavimətini tüfəngdarlar
da qıra bilməyəcək! – pıçıldadı, sonra bütün süvari
alaylarının sərkərdələrinə səsləndi, – Məni eşidin,
hamınız ya kişi kimi döyüşməli, ya qadın paltarı
geyinməlisiniz! Bu ağır döyüşün gedişatını dəyişmək
bizim süvari dəstənin üzərinə düşür. Əfqanlar qo-
şunun mərkəzinə çatan kimi hamınız mənim ar-
xamca döyüş meydanına atılıb, bu vəhşiləri diz
çökdürməlisiniz...
Cəsur sərkərdə döyüş əmri verəndən sonra əlin-
də ki təbərzinlə
1
birinci özü irəli şığıdı. Elə çevik vuru-
şurdu ki, qarşısına çıxan əfqanlar onun təbərzinindən
aman tapa bilmirdilər. Nadir xan öz şəxsi şücaəti ilə
təkcə rəhbərlik etdiyi süvari dəstəni deyil, bütün qo-
şununu qələbəyə ruhlandırdı.
Təcrübəli sərkərdə İsmayıl xan öz döyüşçülərinə
Nadir xanı nişan verib dedi:
– Ora baxın, Təhmasibqulu xan, sizin kimi bir neçə
döyüşçüsünün görə bülmədiyi işi təkbaşına görür!
– Onun havada cövlan edən təbərzini bizim piya-
daları da cəsarətə gətirib...
Niyazqulu bəy Qacar da öz alayını döyüşə səs lədi:
1
Təbərzin – silah ikitərəfli-balta
265
N A D İ R Ş A H Ə F Ş A R
– Həmişəkeşik dəstə irəli! Bu əbləh əbdallara göz
açmağa aman verməyin!
İmamverdi xan Bayat, Məhəmmədəli xan Əfşar,
Mir Abutalıb xan, Sərdar xan öz süvariləri ilə irəli
yürüdülər.
Bu qanlı vuruşmada canlarını sağ qurtarmağa ça-
lışan əfqanlar təşviş içində «Qılınc oğlu gəlir!» – de-
yib, çığıra-çığıra öz düşərgələrinə sarı qaçmağa baş-
ladılar.
– Onları təqib edin, – Nadir xanın əmri ilə geri qa-
çan əfqanları Kösüyə körpüsünəcən təqib etdi. Kör-
pünü keçmək də əbdallara asan başa gəlmədi. Arxa-
dan gələn qoşun artıq onlara çatmışdı…
Burada ağır döyüş başladı. Dalbadal sarsıdıcı
zərbələr alan əbdallar təşviş içində arabaları, topları,
çadır və ehtiyat azuqələrini atıb özlərini çaya vurdu-
lar və çaydan salamat çıxanlar Herata sarı getməyə
çalışdılar. Nadir xan qoşuna yenə hücumu davam
etdirmək əmri verdi... Amma bu zaman həmişəkeşik
adlanan alayın yüzbaşısı ona xəbər verdi ki, Niyazqu-
lu bəy həlak olub. Bu xəbərdən çox kədərlənən Nadir
xan hücumu dayandırmağa qərar verdi:
– Niyazqulu bəy Qacarın cənazəsini Məşhədi-
müqəddəsə aparın, onu İmam Rza əleyhissəlamın
məqbərəsinin yanında torpağa tapşırın. Ondan sonra
carçılar qoy çətinliklə qazandığımız bu qələbə xəbərini
bütün Xorasan mahalına yaysınlar...
Qoşuna dincəlmək üçün üç günlük istirahət
verəndən sonra Nadir xan çadırına çəkilib Herat
şəhərinə yürüş barədə düşünürdü.
266
S O N U N C U FAT E H
HERATIN ALINMASI
Y
ay fəsli idi. Yarımsəhrada bulaq və kəhrizlərin
çoxu qurumuşdu. Susuzluq əsgərləri əldən
salmışdı, üstəlik, top arabaları qumsallıqlarda batıb
qalır və onları çıxarıb irəli aparmaq üçün bəzən Nadir
xanın özü də yardım etməli olurdu. Küləyin qovub
gətirdiyi qum əsgərlərin boyun-boğazına dolur, ağız-
larında xırçıldayırdı.
...Xeyli əzab-əziyyətdən sonra qoşun Herata ya-
xınlaşdı, şəhəri mühasirəyə alıb, ətrafında düşərgə
saldı. Əfqanların silahı yerə qoyub təslim olmaq fik-
ri yox idi. Ancaq Nadir xanla açıq döyüşə girməkdən
çəkinirdilər. Heratı ələ keçirmiş əbdəli əfqanlarının
rəhbəri Allahyar xan qonşu Fərəh hakimi Zülfüqar
xandan kömək gözləyirdi. Nadir xanın diqqətini ya-
yındırmaq və vaxt qazanmaq üçün sülh danışıqlarına
başladı.
Hər iki əfqan xanı Nadir xan Əfşarın gücünə, döyüş
məharətinə onun Səngan üzərinə yürüşü zamanı bələd
olmuşdu. O zaman yaxşı bilirdilər ki, Nadir xan Sənganı
ələ keçirəndən sonra tezliklə növbə onlara çatacaq. Ona
görə də Səngan qalasının müdafiəsinə Heratdan və
Fərəhdən iyirmi minlik qoşun dəstəsi göndərmişdilər.
Nadir xan on dörd minlik qoşununu iki hissəyə bö-
lüb onların qoşununu ağlagəlməz döyüş fəndi ilə elə
əzişdirmişdi ki, hər ikisinin gözü qorxmuşdu.
İndi Allahyar xan mühasirəyə alınmış Heratda
Səngandakı məğlubiyyətdən sonra kor-peşman geri
dönərkən Zülfüqar xanla söhbətini xatırladı:
Dostları ilə paylaş: |