5
Hazırkı dəyişikliklər bütün dünyanın rəqəmsal cəmiyyətə doğru addımladığı dövrdə
baş verir. Bu, cəmiyyətin həyatının bütün aspektlərinə təsir etsə də, kinematoqrafiya
sənayesinə xüsusilə nüfuz edir. Film istehsalı texnologiyalarının və filmlərin yayımının
tamamilə yeni təkamül səviyyəsinə çıxmasına səbəb olmuş vasitələrin azad şəkildə
istifadə edilməsi audiovizual məzmunların yaradılması və istehlakında böyük
dəyişikliklərə aparır. Bu o deməkdir ki, Azərbaycanın kinematoqrafiya sektorunun
qarşısında kökündən dəyişmək kimi çox çətin bir vəzifə dayanır, lakin bu eyni zamanda
bütün sektorun yenilənməsi və müasirləşməsi üçün zəmin yaradır.
2. QANUNVERİCİLİK VƏ STRATEGİYALAR
Azərbaycanda audiovizual sektora təsir edən əsas qanun normaları Mədəniyyət
haqqında Qanun, Kinematoqrafiya haqqında Qanun və Azərbaycan kinosunun 2008-
2018-ci illər üzrə inkişafına dair Dövlət Proqramıdır.
2.1. Mədəniyyət haqqında Qanun (2012-ci il)
Bu Qanun Azərbaycan Respublikasında dövlət mədəniyyət siyasətinin məqsəd və
prinsiplərini, mədəniyyət fəaliyyəti subyektlərinin hüquq və vəzifələrini, mədəniyyət
sahəsində hüquqi, təşkilati, iqtisadi və sosial təminatları müəyyən edir, mədəni
sərvətlərin yaradılması, toplanması, tədqiqi, təbliği və qorunması sahəsində yaranan
münasibətləri tənzimləyir. Bu qanuna görə, hər kəs yaradıcılıq fəaliyyəti ilə məşğul
olmaq hüququna malikdir və hər kəs mədəniyyət və yaradıcılıq hüquqlarını və
imkanlarını bərabər şərtlər əsasında həyata keçirməlidir. Qanun fərdlərin mədəniyyət
sahəsində azadlığının müxtəlif məqamlarını (etnik, dini, beynəlxalq və s.) müəyyən
edir.
Bu, mədəniyyət haqqında standart qanundur. Qanunun ümumi müddəaları
mədəniyyətin demokratik cəmiyyətdəki yeri haqqındadır. Qanuna əsasən, dövlət
mədəniyyət sektorunda mərkəzi mövqeyə malikdir, lakin qeyri-hökumət təşkilatları ilə
əməkdaşlıq edir. Bu qanun bir çox sahələrdə elementar prinsipləri müəyyən edir, lakin
maliyyə vəsaitlərinin bölgüsü, mədəniyyət infrastrukturunun idarə edilməsi və qüvvədə
olan qanunvericiliyin əsas xüsusiyyəti hesab olunan digər məsələlər ilə əlaqədar siyasət
alətlərini konkretləşdirmir. O, mədəniyyət siyasətlərinin müvafiq istiqamətlərini
konkret müəssisələr və dövlət orqanları ilə əlaqələndirmir, bu səbəbdən
qanunvericiliyin kim tərəfindən hansı qaydada həyata keçiriləcəyi məlum deyil.
Qanun "Azərbaycan Respublikasının müstəqilliyinə, suverenliyinə, ərazi bütövlüyünə,
konstitusiya quruluşuna, iqtisadi, müdafiə, elmi-texniki potensialına və milli
maraqlarına zərər vura biləcək təbliğatın aparılmasını" qadağan edir. Lakin bu terminlər
Azərbaycan kinematoqraflarının bədii azadlığını qorumaq, kinematoqrafiya
sənayesində müxtəlifliyə stimul vermək və yüksək keyfiyyətli kinematoqrafiyanın
inkişafını dəstəkləmək üçün daha konkret şəkildə ifadə edilmir.
2.2. Kinematoqrafiya haqqında Qanun (1998-ci il, yeni versiya hazırlanır)
Kinematoqrafiya haqqında Qanun Azərbaycan hökuməti və Milli Məclisi tərəfindən
1998-2000-ci illərdə mədəniyyət sahəsində hüquqi vəziyyəti müasirləşdirmək
məqsədilə qəbul edilib. Bu qanun kinematoqrafiyaya dövlət himayəsinin formalarını,
kinematoqrafiya fəaliyyəti ilə məşğul olan fiziki və hüquqi şəxslərin hüquq
6
və vəzifələrini müəyyənləşdirir, incəsənətin spesifik növü olan kinematoqrafiyanın
qorunması və inkişafı sahəsində dövlət siyasətinin həyata keçirilməsinə hüquqi
təminat yaradır.
Kinematoqrafiyaya
dövlət
himayəsinin əsas
formaları kinematoqrafiya
sahəsində qanunvericiliyin yaradılması, kinematoqrafiyanın inkişafı üçün mürəkkəb
bazanın
təmin
olunması,
maliyyələşmə
və
kinematoqrafiya
sahəsində beynəlxalq əməkdaşlığa təminat verilməsi kimi müəyyən edilir. Eyni
zamanda qanunda:
>
filmin "milli film" hesab edilməsi üçün hüquqi şərtlər müəyyən edilir;
>
kinematoqrafiya fəaliyyətinin təşkil edilməsi qaydaları (qeydiyyat, əqli mülkiyyət
hüquqları, kinematoqrafiya fəaliyyətinin formaları) müəyyən edilir;
>
yaradıcılıq azadlığının qorunduğu elan edilir;
>
audiovizual sektorun (filmləri hazırlayan institutlar və dövlət assosiasiyaları da
daxil olmaqla) yaradıcı işçilərinin hüquqları müəyyən edilir;
>
audiovizual irsin qorunması üçün təsis edilmiş təşkilatın (aşağıya baxın) – dövlət
film fondunun səlahiyyəti müəyyən edilir.
Qanun maliyyələşdirmə mənbələri və maliyyə vəsaitlərinin bölgüsü, habelə, resursların
idarə edilməsi baxımından lazımi spesifikaya malik deyil. Burada dövlət
kinematoqrafiya müəssisələrinin özəlləşdirilməsi məsələsi öz əksini tapsa da,
özəlləşdirmə haqqında başqa bir qanunvericiliyə istinad kimi verilir. Burada sektorun
təşkil olunma qaydası, yaxud kinematoqrafiya sahəsində siyasətin həyata keçirilməsinə
görə məsuliyyət daşıyan əsas müəssisələr və orqanlar haqqında ətraflı məlumat
verilmir.
Keçən il hökumət bu qanunda düzəliş edilməsi məqsədilə qanunvericilik təşəbbüsü irəli
sürüb. Kinematoqrafiya haqqında yeni qanunun (hazırlıq mərhələsindədir) qəbul
edilməsində əsas məqsəd prodüser və kinematoqraflar üçün bazar şərtlərini
yüngülləşdirmək və film istehsalının ƏDV və gömrük rüsumlarından müvəqqəti olaraq
azad edilməsi ilə onların rəqabət qabiliyyətini dəstəkləməkdən ibarətdir. ƏDV-dən
azadolmanın təfərrüatları hələ aydın olmasa da, hökumət sənaye sahəsində
maliyyələşdirmənin həcmini artırmağa və bu sahədə çalışan insanların iş şərtlərini
yaxşılaşdırmağa çalışır. Sıfır faiz dərəcəli gömrük rüsumu Azərbaycanın audiovizual
sənayesinin texnoloji bazasının müasir standartlara cavab verməsi üçün yenilənməsi və
müasir, xarici kino şirkətlərini Azərbaycanda çəkiliş etməyə cəlb etmək məqsədilə
tətbiq edilir.
Qanuna əlavə ediləcək yeni müddəaların kinematoqrafiya sənayesinə daha çox özəl
sərmayələr cəlb edəcəyi gözlənilir.
Kinematoqrafiya haqqında Qanunun yeni layihəsi Ədliyyə Nazirliyi ilə razılaşdırılıb,
Nazirlər Kabinetinə təqdim edilib, dövlət orqanlarından rəy alıb, daha sonra 2014-cü
ilin sentyabrında Milli Məclisin Mədəniyyət komitəsində müzakirə edilib və 2015-ci
ildə Milli Məclisə təqdim edilib. 2016-cı ilin aprel və noyabrında qanun layihəsi
Mədəniyyət Komitəsində bir daha müzakirə edilib və tezliklə Milli Məclisin plenar
iclasına təqdim ediləcək.
2.3. Azərbaycan kinosunun 2008-2018-ci illər üzrə inkişafına dair Dövlət Proqramı