16
ləğv edilməsini tələb etdi, hansı ki, vaxtilə bu qanunu özü təklif etmişdi. O,
istəyirdi ki, varislərinin olmaması ucbatından onun nəsli və adı bütünlüklə
kəsilməsin. Bu qanuna görə həm atası, həm anası Afina vətəndaşı olanlar, Afina
vətəndaşları hesab olunurdu.
Yoluxucu xəstəlik Perikli də sirayətləndirdi, lakin xəstəlik onda kəskin
xarakter daşımırdı. Ancaq onun xəstəliyi uzanırdı. Perikl ölüm ayağında olanda
onun yanında vətəndaşların ən yaxşıları və sağ qalmış dostları oturmuşdular. Onlar
strateqin yüksək keyfiyyətləri və siyasi qüdrəti barədə danışır, onun
qəhrəmanlıqlarını və götürdüyü trofeylərin miqdarını sadalayırdılar. Onlar belə
söhbət edəndə güman edirdilər ki, o, şüurunu itirmişdir. Perikl isə onları diqqətlə
dinləyirdi və bunların başqa sərkərdələrə də məxsus olduğunu bildirib özünün ən
şərəfli və mühüm xidmətini yada saldı: “Heç bir Afina vətəndaşı mənə görə qara
plaş geyinməmişdir”. Başqa sözlə onun əməlinə görə heç kəs matəm paltarı
geyinməyə məcbur olmamışdı.
Perikl uzun müddət ərzində belə yüksək vəzifəni tutanda heç vaxt öz
iradəsini nə paxıllığa, nə qəzəbə təslim etməmişdi və heç kəsə barışmaz düşmən
kimi baxmamışdı. Olumsuzluğa keçdikdən sonra afinalılar Perikl barədə
məhəbbətlə düşünürdü. Bu adamda təvazökarlıq ləyaqət hissi ilə, böyüklük
mülayimliklə vəhdətdə idi. Onun gücü dövlət quruluşunun xilas edici dayağı, bu iri
gəminin xilas lövbəri idi. Ölkənin üzərini ağır bədbəxtliklər alanda o, igid döyüşçü
kimi Afina uğrunda qəti mübarizəyə girişdi, bu şəhər-dövlətə “qızıl dövrü” bəxş
etməklə tarixin ən nəhəng şəxsiyyətlərindən biri olduğunu təsdiq etdi. Perikl
inkişaf yoluna düşmüş bir xalqı idarə edirdi və bu böyük vəzifənin həyata
keçirilməsində öz əzəvolunmazlığını sübut edə bilmişdi. Perikl Afinanı nəhəng
məbədlərlə və gözəl ictimai binalarla bəzədi. Bir insan kimi böyüklüyünü həm də
dövlət xadimi kimi əli təmiz olmasında göstərdi. Elə bil ki, bütün əməllərində o,
özü ilə müqayisə edilmə üçün başqa görkəmli şəxsiyyətlərə də elə bir şans qoymaq
istəmirmiş.
17
Böyük Aleksandr
Dünyanın və tarixin ən böyük sərkərdəsi, dahi fatehi sayılan Makedoniyalı
Aleksandr özündən sonra gələn tarixi şəxsiyyətləri elə vurğun etmişdir ki, heç kəs
özünü onunla müqayisə etmək cəsarətində də olmamışdır. Hannibal onu tarixdəki
ən istedadlı sərkərdə hesab etmiş. Qay Yuli Sezar İspaniyada Aleksandrın
heykəlini görəndə ağlamışdır ki, çox tez həyatdan gedən və dünyanı fəth edən bu
adamla müqayisədə hələ heç nə etməmişdir. İsveç kralı XII Karl Aleksandr kimi
yaşamamağa heyifsləndikdə, fatehin gənc yaşında olduğunu yada salanlara
demişdir ki, həmin qısa müddətdə o, dünyanı zəbt edə bilmişdir. Aleksandr ilk dəfə
müdaxilə etdiyi Persiya monarxiyasının sərhədlərindən uzağa gedərək, qarşısındakı
bütün maneələri dağıtmış, Afrikada və Asiyada o vaxta qədər avropalının ayağı
dəymədiyi ucsuz-bucaqsız torpaqları tutmuşdur. Onun nəhayətsiz iddiaları, strateji
düşüncələri, döyüşdə dəlisov igidliyi və inadkarlığı min illər keçsə də adamı
heyran etməyə bilmir. Lakin həm də o, ziddiyyətli şəxsiyyət olmuşdur, bəzi
xüsusiyyətləri isə adamlarda ikrah hissləri doğurur. Bu mürəkkəb insan təbiətində
olduqca müxtəlif keyfiyyətlər birləşmişdir. Bu müxtəliflik onun şəxsiyyətinin
titanik miqyasına uyğun gəlir.
Makedoniya çarının həyatı və fəaliyyəti o qədər nadir hadisələrlə doludur ki,
bu epik tablonu təsəvvür və dərk etmək də asan iş deyildir. Biz diqqət yetirəndə
onun fikirləri və əməllərində məntiqi əlaqəni, hər bir şəraitə və şərtlərə yalnız ona
məxsus olan reaksiyanı görürük. Hər bir real hadisədə onun davranış tərzini
öyrəndikdə, bu adamın özü qarşısında hansı məqsədlər və niyyətlər qoyduğunu
görə bilirik. Onun fikir, düşüncə gedişləri də böyük sərkərdə və dövlət xadiminin
şəxsiyyətini açmaqda xeyli köməklik göstərir. Lakin Aleksandrı bütünlükdə dərk
etmək olduqca çətindir, çünki o, özü nə siyasi, nə mənəvi sferalarda şərti hədləri
tanımırdı, bu çarın tarixi fəaliyyəti də müddət etibarilə qısa dövrü əhatə etsə də,
hadisələr çoxluğuna və onların tarix və dünya üçün əhəmiyyətinə görə onunla
müqayisəyə yarayan ikinci bir analoq tanımır. O, Böyük Tarixə mənsubdur, qalan
hər şey nisbidir. Ona görə də bu təkrarolunmaz şəxsiyyət barədə xırda ştrixlərdə
18
tarixə və dünyanın sifətinə öz damğasını vurmuş fatehin həyatını öyrənmək də
müəyyən köməklik edə bilər. Keçmişin hadisələrinin təsviri isə gələcəyə ibrət
məqsədini daşımağa xidmət edir.
Elladanın şimali-şərqində Makedoniya adlı bir ərazi var idi və burada
yaşayan xalq dünyaya bütün dövlətin ən böyük fatehlərindən biri olan Böyük
Aleksandrı vermişdir. Bu vilayətin paytaxtı Egi şəhəri iki dünyanın – ellin və
barbar dünyasının sərhəddində, Avropa ilə Aralıq dənizinin arasında yerləşirdi.
Makedoniyalılar bu dünyaların hər ikisinə aid idilər. Dəniz isə adamlara səadət
verirdi, onları öz nəhayətsizliyinə çağırırdı, yaradıcı insanlarda enerji axını
oyadırdı. Dəniz mütləq gözəllik və harmoniya hissləri təlqin edirdi. Bu, şəhər
əhalisinə xas olan ünsiyyətə şərait yaradırdı və Aralıq dənizi şəhər həyat tərzinin
üstünlüyünü açaraq bəşəriyyətə öz qiymətli hədiyyəsi olan urbanizmi verdi.
Egeidada çiçəklənən şəhərlər meydana gəldi. Hər şey onlara kömək edirdi: həm
açıq məkan, həm cazibədar guşələri olan gözəl peyzajlar. Bütün bunlar birlikdə
yüksək harmoniya yaradırdı, əməksevərlik və zəriflik, borc və azadlıq, düşüncəlilik
və fantaziya, təbiilik və gözəllik birlikdə özünü biruzə verirdi. Ellin
mədəniyyətində də biz sevinc və ehtirası, məhəbbət və nifrəti bir yerdə görürük.
Bu dövrdə bütün yeniliklər doğulurdu, görünməmiş incilər yaranırdı, siyasi
ideyalar fədakar igidliklərdə təcəssüm olunurdu, biliklər elmə çevrilirdi, sənət və
texnika inkişaf edirdi. Hər bir nəsil özündən əvvəlkini mənəvi zənginlikdə,
kamillikdə, ağıl və cəldlikdə geridə qoyurdu, insan öz inkişafının pillələri ilə daha
yuxarıya qalxırdı. Bir-birilə rəqabət aparan yunan şəhər-dövlətləri və ya polisləri
bu coşqun fəaliyyət və ehtirasların baş alıb getdiyi səhnə rolunu oynayırdı.
Ellinlərdə heç vaxt vahid dövlət olmamışdı.
Makedoniya gəmi qayırmaq üçün ağac materialı verən geniş meşələrə malik
idi və makedoniyalıların iki limanı var idi. Egeida ellin dünyasını təmsil edirdisə,
Balkanlar örtülü dünyanın, kənd şəhərə qarşı duran kimi barbar dünyasını təmsil
edirdi və onların arasında ziddiyyətlər mövcud idi. Geridə qalmış Balkanlardan
fərqli olaraq Egeida öz inkişaf zirvəsinə çatmışdı. Onlar zaman və inkişaf
dərəcəsinə görə bir-birindən fərqli idilər. Bu iki dünyanın arasında olanlar daha
Dostları ilə paylaş: |