19
təhlükəli vəziyyətdə idilər. Ellin sivilizasiyası makedoniyalıları uda bilməmişdi.
Ellinlərin həyatı indi bu qonşuların öz yaşayışı olmağa başladı. Ona görə də
Aleksandrda güclü ellin mədəniyyətini qəbul etmək qabiliyyəti yarandı.
Makedoniyalılar qərbdə yaşayan illiriyalılardan və şərqdə yaşayan
frakiyalılardan fərqlənməklə, ayrıca yer tuturdular. Onlar özlərini tam müstəqil
xalq kimi göstərirdilər, ellinlərin kəndli qohumları idilər. Onlar yunan dilini asan
başa düşür, həm şifahi, həm də yazılı nitqdə işlədirdilər. Lakin ellinlər
makedoniyalıları öz qohumları hesab etmirdilər və əksinə, makedoniyalıların
məişəti də ellinlərinkindən kəskin surətdə fərqlənirdi. Onlar işgüzar yunanlardan
fərqli olaraq ləng idilər. Makedoniyada siyasi həyat ölü kimi idi, nə siyasətçilər, nə
partiya rəhbərləri, nə natiqlər, nə demaqoqlar var idi. Burada ov və ziyafət xüsusi
yer tuturdu. Burada və qonşu Frakiyada yaxşı şərab düzəldirdilər. Yunanlardan
fərqli olaraq makedoniyalılarda bütün işlərdə qadınlar kişilərlə bərabər iştirak
edirdi. Hökmlülüyünə, enerjisinə və xarakterinə görə qadınlar kişilərdən geri
qalmırdı.
Makedoniyanın təbiəti və iqlimi, həmçinin coğrafi amillər burada yaşayan
əhalinin çalışqanlığını və əməksevərliyini xeyli dərəcədə meydana gətirmişdi.
Burada bir-birilə mübarizə aparan üç qüvvə var idi: çar, varlılar və azad icma
üzvləri. Daxili siyasətdə geniş xalq kütləsi mühüm əhəmiyyət kəsb edirdi.
Makedoniyalılar lap əvvəldən öz yazılarını yaratmaqdan imtina etdilər və
yunan yazısını götürməklə, onlar əbədi dil kimi qonşularının dilini qəbul etdilər.
Makedoniyanın fərasətli çarlarından birincisi olan I Aleksandr Filellin (“ellinlərin
dostu”) ləqəbini daşıyırdı. I Aleksandr ellinlərə məhəbbətini yunanların perslərə
qarşı qəhrəman mübarizəsi vaxtı göstərmişdi. Bu mübarizə Elladanın qələbəsi ilə
nəticələnmişdi. O, incəsənətin himayəçisi idi və şair Pindar onun qonağı olmuşdu.
Çar Arxelay ellinlərə olan məhəbbəti ilə daha çox fərqlənirdi. Onun dövründə
liman şəhəri Pella paytaxt oldu. Yevripid ömrünün son illərini Pellada keçirmişdi.
Bu məsələdə çar III Perdikka da ondan geri qalmırdı. Əhalinin ellinləşdirilməsinə
Filipp çar taxt-tacına çıxana qədər ardıcıl qaydada cəhd edilmişdi. Bu hər şeydən
əvvəl özünü incəsənətdə, fəlsəfədə, praktiki sahələrdə - təbabətdə, texnikada, hərbi
20
işdə və vergi sistemində göstərirdi. Lakin yunan polisinin vətəndaş həyatı
makedoniyalılara yad olaraq qalırdı. Yunanlara qarşı mübarizə onlara oyadıcı,
ruhlandırıcı təsir göstərirdi. Bu mübarizə Makedoniyanın birləşməsində və onun
qüdrətli dövlətə çevrilməsində mühüm stimul oldu.
Makedoniyanı daxili münaqişələr taqətdən salırdı, qonşu tayfalar da ona
hücum edirdi. Şərqdən, qərbdən və şimaldan barbar dalğaları ölkəni doldurmalı idi.
Bütün bu bədbəxtliklər altı yaşlı çarın himayəçisi olan gənc Filippin üzərinə düşdü.
Böyük strateq və hərbi islahatçı Epaminondun vaxtında o, girov kimi Fivaya
düşmüşdü. Burada o, Ellada ilə tanış olmuşdu. İndi 23 yaşında o, məhv olunma
uçurumunun kənarında dayanan dövlətin regenti olmuşdu. O, qonşu tayfalarla
dostluğu möhkəmləndirdi, ucuz vədlər hesabına Afinanın rəğbətini qazandı. Ona
vaxt lazım idi ki, yeni qoşun yığsın və onu silahlandırsın. O, dağ çobanlarından
qoşun düzəltdi. 10 min piyada və 600 atlı ilə Peoniyaya hücum etdi, illiriyalılara
qarşı vuruşdu və ağır döyüşlərdə onları məğlub etdi.
Filipp öz islahatlarını yumşaq qaydada aparırdı. O, öz sələflərinin hətta arzu
edə bilmədiyi qaydada çarlığı möhkəmləndirə bildi, Makedoniya dövlətinin
torpaqlarını genişləndirdi. Sonra o, frakiyalılarla müharibə apardı və onların
torpaqlarının xeyli hissəsini Makedoniyaya qatdı. Beləliklə, Makedoniya böyük
Balkan dövlətinə çevrildi. Frakiya qızıl mədənlərindən gələn gəlir Filippə nə
vaxtsa Avropada mövcud olmuş ən böyük və döyüş qabiliyyətli ordu saxlamağa
imkan verdi.
O, Afinaya verdiyi vədlər hesabına vaxt uda bildi və yunan şəhərlərini
Afinadan qopara bildi. Pul hesabına o, polisləri öz tərəfinə keçirirdi, öz düşmənləri
içərisində xəyanət toxumu səpirdi və onlarla müharibəyə başlayırdı. Hərbi qüvvə
sahəsindəki üstünlüyünə görə onların hamısına qalib gəlmişdi. Afina bu vaxt
müharibəyə də başlaya bilməmişdi. M.ə. 350-ci ildə bütün sahil Makedoniyanın
əlində idi. Filippin görünməmiş müvəffəqiyyətlərinə görə xalq onu regentlikdən
çar taxt-tacına keçirdi. Azyaşlı Aminta taxt-tacdan məhrum edildi və ümumi qoşun
yığıncağı çar hakimiyyətini daha layiq olanın ixtiyarına verdi. Bu, m.ə. 357-ci ildə,
bu vaxt hələ Filipp Olimpiada ilə evlənməmişdi, bəlkə də 356-cı ildə, Aleksandrın
21
anadan olmasından əvvəl baş vermişdi. Filipp himayədarlıq etdiyi əvvəlki çara
yaxşı yanaşmaqda davam etdi, ona hörmət göstərirdi və sonralar Amintaya öz
qızını verməklə onunla qohum oldu.
Makedoniyanın ərazisi qərbə tərəf az genişlənsə də şərqə tərəf çox
böyüyərək Egey dənizinin sahillərinə çatmışdı. Epir formal olaraq öz
müstəqilliyini saxlamışdı, əslində isə onu Filipp idarə edirdi. Fessaliya da Filippin
dövlətinə birləşmişdi. Filippin çarlığı Avropada ilk iri dövlət quruluşu idi və
tutduğu ərazilərin böyüklüyünə görə ellin dövlətlərinə oxşamırdı. Tarixə qeyri-
yunan dövləti kimi daxil olan və böyük əraziyə malik olan Makedoniya sonralar da
öz fərqliliyini saxlayırdı. Öz dövlətini yaratmaq üçün Filippə, onun işğallarına
haqq qazandırmaq üçün özü ilə mədəniyyət və sivilizasiya gətirən adamlar lazım
idi. Belə adamları Makedoniya verə bilməzdi. İşğal edilmiş ərazilərdə öz mədəni
və siyasi ağalığını gücləndirmək üçün Filipp bir neçə möhkəmləndirilmiş
məntəqələr yaratdı. Bunlar ellin siyasi nüfuzunu yaymaq məqsədini də güdürdü,
əslində isə yunan həyat tərzinin ocaqlarına çevrildilər. Bu məntəqələr gələcək
ellinist şəhərlərin prototipi oldu, bu şəhərlər isə Aleksandr imperiyasının və
diadoxlar dövlətlərinin xarakterik rəmzlərindən biri oldu. Buradan da Aleksandra
və ellinist imperiyasına aparan yol görünür. Lakin Balkan sərhədlərində qalan
Filipp makedoniyalıların hörmət etdikləri dəyərlərlə də öz əlaqəsini itirmirdi.
Sonra o, bütün ellinləri öz hökmdarlığı altında birləşdirmək fikrinə düşdü.
Filipp ona qədər Periklin və Lisandrın əldə etməyə çalışdığı Ellada üzərində
hegemonluğa can atırdı. Afina İoniyanı perslərə verdikdən sonra Elladada
hegemonluq iddialarını maliyyə cəhətdən mümkün edə bilməzdi. Polis ideyası da
artıq öz həyat qüvvəsini itirmişdi. Oliqarxlar və demokratlar arasındakı ədavətdə
on minlərlə yunan vətəndaşları vətəndən məhrum olmuşdular. Heç bir müharibə də
muzdlu qoşunlarsız ötüşmürdü.
Hərb sənəti sahəsində isə makedoniyalıların yunanlar üzərində böyük
üstünlüyü meydana gəldi. Filipp hətta islahatçı, strateq və taktik kimi
Epaminondun özünü də ötüb keçmişdi. O, hərbi ixtiraları ilə məşhur olan
siciliyalıları da öz tərəfinə çəkmişdi, onların köməyi ilə güclü artilleriya
Dostları ilə paylaş: |