321
Musiqi.Opera.Balet
Fikrət Əmirov
1922-1984
NOY
ABR
Fikrət Məşədi Cəmil oğlu Əmirov
1922-ci il noyabr ayının 22-də Gəncə
şəhərində, məşhur tarzən və xanəndə
ailəsində anadan olmuşdur. Əvvəlcə
Gəncədə musiqi məktəbinin tar sinfində,
sonra Bakıda musiqi məktəbinin kom-
pozisiya sinfində oxumuşdur. 1939-cu
ildə Azərbaycan Dövlət Konservatori-
yasına daxil olmuşdur. Müharibə baş-
layanda cəbhəyə getmiş, yaralanandan
sonra Bakıya qayıtmışdır.
1942-1945-ci illərdə Azərbaycan
Dövlət Filarmoniyasının direktoru və
bədii rəhbəri, eyni zamanda Gəncə Mu-
siqi Məktəbinin direktoru olmuşdur.
1945-ci ildə konservatoriyada təhsilini
davam etdirmiş, 3 il sonra bitirmişdir.
1946-1947-ci illərdə M.Maqomayev
adına Azərbaycan Dövlət Filarmoniya-
sının bədii rəhbəri, 1956-1959-cu illərdə
isə M.F.Axundov adına Azərbaycan
Opera və Balet Teatrının direktoru
olmuşdur. Azərbaycanı dünyada ta-
nıdan milli bəstəkarlıq məktəbinin ən
layiqli nümayəndələrindən biri olan
F.Əmirov sağlığında ölməzlik qa-
zanmış sənətkarlardandır. Onun ya-
radıcılığı XX əsr Azərbaycan musiqi
tarixinin ən parlaq səhifələrindəndir.
Bəstəkarın yaradıcılıq ideyaları, ge-
niş dinləyici auditoriyasına ünvan-
lanmışdır. F.Əmirovun əsərləri təkcə
ölkəmizdə deyil, həm də Rusiya, ABŞ,
Almaniya, İngiltərə, Fransa, Meksika,
İran, Türkiyə, Misir, İsveç, Mərakeş və
başqa ölkələrdə böyük müvəffəqiyyətlə
səslənmiş və dinləyicilərin böyük
rəğbətini qazanmışdır. F.Əmirov lirik
bəstəkardır. Onun musiqisində ide-
ya, forma, məzmun baxımından asılı
olmayaraq lirika həmişə aparıcı amil
olmuş, bəstəkarın bütün yaradıcılığına
sirayət etmişdir. Onun əsərlərində dra-
matik, epik obrazlar, fəlsəfi düşüncələr
belə lirik planda verilmişdir. F.Əmirov
Azərbaycan musiqi tarixinə əsl nova-
tor, yeni şair, yeni movzular gətirmiş
bir sənətkar kimi daxil olmuşdur.
F.Əmirovun simfonik yaradıcılığı
rəngarəngdir. Fəlsəfi mahiyyət kəsb
edən “Nizami” (1947) simli simfoni-
yası lirizmi, təsirliliyi, aydın və incə
musiqi üslubu ilə fərqlənir. F.Əmirov
simfonik müğam janrının yaradıcısıdır.
Onun “Şur”, “Kürd-ovşarı”, “Gülüstan
Bayatı-Şiraz” simfonik muğamları,
“Azərbaycan” süitası, “Sevil” opera-
sı, “Min bir gecə” baleti, “Azərbaycan
kapriççiosu”, “Nəsimi” xoreoqrafik
poeması, “Simfonik rəqslər”, vokal
instrumental əsərləri dünya musiqi
mədəniyyəti xəzinəsinə dəyərli töhfə
olmuş, musiqimizin qızıl fonduna da-
xil edilmişdir. 1956-cı ildə Azərbaycan
Bəstəkarlar İttifaqının, 1975-ci ildə
keçmiş SSRİ Bəstəkarlar İttifaqının
katibi olmuşdur.
Azərbaycanın musiqi mədəniyyə-
tinin inkişafında göstərdiyi misil-
siz xidmətlərinə görə Fikrət Əmirov
1965-ci ildə SSRİ, 1958-ci ildə isə
Azərbaycan SSR-in “Xalq artis-
ti”, 1982-ci ildə “Sosialist Əməyi
Qəhrəmanı” fəxri adlarına layiq görül-
müşdür. SSRİ (1980) və Azərbaycan
(1974) Dövlət mükafatları laureatı ol-
muş, iki dəfə “Qırmızı Əmək Bayrağı”
ordeni (1967, 1971), iki dəfə “Lenin”
ordeni (1959, 1982) ilə təltif olunmuş-
dur.
Fikrət Əmirov 20 noyabr 1984-cü
ildə Bakıda
vəfat etmiş, Fəxri Xiya-
banda dəfn olunmuşdur.
22
Ə d ə b i y y a t
Musiqi aləmində
/F.Əmirov.- Bakı:
Gənclik, 1983.- 267 s.
Fikrət Əmirov: biblioqra-
fiya /tərt. T.Məmmədova,
A. Novruzova.- Bakı,
2009.- 271 s.
Qasımova, S. Fikrət
Əmirov /S.Qasımova.-
Bakı: Nağıl evi, 2004.-
208 s.
Təhmirazqızı, S. Fikrət
Əmirov /S.Təhmirazqızı.-
Bakı: Aspoliqraf, 2012.-
399 s.
Əmirov, T. Fikrət Əmirov
/T.Əmirov //Ədalət.-
2015.- 28 oktyabr.- S. 5.
Шарифова-Алиханова,
В. Фикрет Амиров:
Жизнь и творчество
/В.Шарифова-
Алиханова.- Баку: Сада,
2005.- 240 с.
İ n t e r n e t d ə
https://az.wikipedia.org/
wiki/Fikrət_Əmirov
mim.ucoz.org/publ/7-1-
0-11
www.musigi-dunya.az/
new/added.asp?...txt...
95
illiyi
Bəstəkar
322
Milli Qəhrəmanlar
Oqtay Güləliyev
1962-1992
NOY
ABR
Oqtay Güləli oğlu Güləliyev 1962-
ci il noyabr ayının 10-da Laçın rayonu-
nun Xaçınyalı kəndində anadan olmuş-
dur. 1982-ci ildə orta məktəbi bitirmiş
və hərbi xidmətə çağırılmışdır. 1984-cü
ildə Poltava Kooperativ İnstitutunun
Bakı filialına daxil olmuşdur. 1989-cu
ildə institutun iqtisadiyyat fakültəsini
fərqlənmə diplomu ilə bitirərək, Laçın
rayon Daxili İşlər Şöbəsində pasport
bölməsində baş inspektor, sonra isə po-
lis rotasının komandiri təyin olunmuş-
dur. Məlum “Daşaltı əməliyyatı” zama-
nı onun rotası mühasirəyə düşmüşdür.
O, 80 nəfər əsgərimizi təhlükəsiz zona-
ya çıxarmağa nail olmuşdur. Pircahan
kəndi yaxınlığında yaralanan Oqtay
hospitalda müalicə olunduqdan sonra
yenidən cəbhəyə qayıtmışdır. 1992-ci il
sentyabrın 19-da Oqtay Güləliyev La-
çın dəhlizini götürmək üçün əməliyyat
planını hazırlayır. Əvvəlcə Hocaz
kəndini, sonra isə Nərgiz yüksəkliyini
ələ keçirmək planı hazırlamış, rota-
sı ilə birlikdə düşmənin canlı və hərbi
texniki qüvvəsini məhv etmişdir. Sus
və Qızılca kəndlərindən keçib yenidən
Hocaz kəndinə dönərkən mühasirəyə
düşmüşdür. Oqtay Güləliyev yoldaş-
larını çətin vəziyyətdən xilas edərək,
onları təhlükəsiz yerə keçirsə də, özü
qəhrəmancasına həlak olmuşdur.
Ailəli idi. İki övladı yadigar qalıb.
Azərbaycan Respublikası Preziden-
tinin 11 may 1993-cü il tarixli 599 say-
lı Fərmanı ilə Güləliyev Oqtay Güləli
oğlu ölümündən sonra “Azərbaycanın
Milli Qəhrəmanı” fəxri adına layiq gö-
rülmüşdür.
Bakı şəhərindəki Şəhidlər Xiyaba-
nında dəfn edilmişdir. Laçın şəhərində
və Piçənis kəndində adına məktəb var.
2015-ci il noyabr ayının 24-də La-
çın rayonundan məcburi köçkünlərin
məskunlaşdığı
Ağcabədi rayonu-
nun Taxtakörpü qəsəbəsində Oqtay
Güləliyev haqqında çəkilmiş “La-
çın qartalı” sənədli filminin təqdimat
mərasimi keçirilmişdir.
30
10
Ə d ə b i y y a t
Azərbaycan Respublikası Daxili işlər orqanlarının əməkdaşlarına “Azərbaycanın Milli Qəhrəmanı” fəxri adı verilməsi haqqında:
[Güləliyev Oqtay Güləli oğlu – Laçın rayon polis şöbəsinin post-patrul xidməti batalyonunun rota komandiri, polis baş leytenan-
tı – Azərbaycan Respublikasının suverenliyi və ərazi bütövlüyünün qorunmasında, dinc əhalinin təhlükəsizliyinin təmin edilməsində
göstərdiyi şəxsi igidlik və şücaətə görə]: Azərbaycan Respublikası Prezidentinin Fərmanı, 11 may 1993-cü il //Azərbaycan Respublikası
Ali Sovetinin Məlumatı.- 1993.- № 9 .- S. 55.- (Ölümündən sonra).
Əsgərov, V. Güləliyev Oqtay Güləli oğlu //Əsgərov V. Azərbaycanın Milli Qəhrəmanları.- Yenidən işlənmiş II nəşr.- Bakı, 2010.- S.103.
Güləliyev Oqtay Güləli oğlu //Azərbaycanın Milli Qəhrəmanları: biblioqrafiya /Azərbaycan Milli Kitabxanası; tərt. A.Həmidova.- Bakı,
2008.- S.76-77.
Seyidzadə, M. Güləliyev Oqtay Güləli oğlu //Seyidzadə M. Milli Qəhrəmanlar zirvəsi.- Bakı, 2010.- S.79.
Muradov, H. “Səngər xatirələri” /H.Muradov //Laçın yurdu.- 2014.- № 1.- S.63-66.
55
illiyi
Milli Qəhrəman