190
«Bizdə ədəbi tənqid yoxdur» fikrinə zidd olan «Tənqidimiz
ədəbiyyatın inkişafına kömək edə bilmək qüdrətinə malikdir»
tendensiyasını irəli sürürdü.
1
Kitabdakı məqalələrində ədəbi tənqidin bir sıra nöq-
sanlarını üzə çıxarmaqla ədəbi zövqün, fikrin inkişafına yeni
bir yol göstərən K.Talıbzadə qeyd edirdi ki, tənqid ədəbiyyatın
yalnız müvəffəqiyyətlərinə diqqət yetirməməli, onun
qüsurlarını da görməlidir. O, tənqidi tərifə çevirmək meylinə
qarşı çıxaraq özünün də «Günəşin sorağında» və «Azərbaycan
sovet şeiri sülh və demokratiya uğrunda mübarizədə»
məqalələrində
təhlil olunan əsərlərin birtərəfli
qiymətləndirildiyini vurğulayırdı. Ədəbiyyatşünaslığın bu
sahəsinə ciddi təfəkkür hadisəsi kimi baxan tədqiqatçı yazırdı:
«Tənqid – əsər haqqında təəssürat deyildir, oxucu və yazıçı
rəyi də deyildir. Tənqid elmi şəkildə müasir ədəbiyyatın
qanunauyğunluqlarını kəşf etməlidir. Həyatın aparıcı
tendensiyasını tuta bilməli və bunu ədəbiyyatda necə əks
etdirməyin yollarını göstərməlidir.»
1
Ədəbi tən-qiddən canlı
dil, bədiilik tələb edən K.Talıbzadə göstərir ki, bu
xüsusiyyətlər tənqidin özünə daha çox diqqət tə-ləb etməsi,
onun təsir qüvvəsini artırmaq üçün mühüm şərtlərdəndir.
Burada müasir milli tənqidin vəziyyətindən, onun
qarşısında duran məsələlərdən bəhs edən məqalələrlə ya-naşı,
ayrı-ayrı sənətkarların, daha dəqiq desək, M.Qorkinin və
S.Vurğunun elmi-nəzəri görüşlərindən bəhs edən iki məqalə,
eləcə də resenziya xarakterli yazılar toplanmışdır. Müəllifin
1
Талыбзадə K.Тənгидиmиз щаггыnда гeyдлəр, Баkы, Gənжлиk, 1967, s.4.
191
«Tənqidimiz haqqında qeydlər» kitabında topla-nan
məqalələrinin demək olar ki, hamısı müasir tənqidin ədəbi
proseslə əlaqəsinin öyrənilməsi, ədəbi tənqidin başlıca
meyllərinin və axtarışlarının elmi cəhətdən ümumiləşdi-rilməsi
baxımından əhəmiyyət kəsb edən qiymətli tədqi-qatlardan
hesab olunur.
K. Talıbzadənin sonrakı kitablarında da ədəbi tən-qidin
problemləri ilə əlaqədar yazılan məqalələr əksəriyyəti təşkil
edir. Tədqiqatçının belə kitablarından biri də «Ədəbi irs və
varislər»dir. «Ədəbi irs və varislər» (1974) kitabında K.
Talıbzadə öz yaradıcılıq ənənələrinə sadiq qalaraq ədəbi tənqidi
ədəbiyyatşünaslıqla vəhdətdə
təqdim edir. Buradakı
məqalələrin böyük bir qismi milli ədəbi tənqidin tarixinə və
müasir problemlərinə həsr olunmuşdur. Qeyd etmək lazımdır
ki, 70-ci illərdə ədəbiyyatşünaslığın bu mühüm sahəsinə dövlət
səviyyəsində diqqət göstərilirdi. Hətta 1972-ci ildə ədəbi
tənqidin vəzifələrini müəyyənləşdirən «Ədəbi-bədii tənqid
haqqında» rəsmi sənəd də tərtib edilmişdi. K.Talıbzadənin
«Ədəbi irs və varislər» kitabı ədəbi tənqidin özünüdərki kimi
səciyyələndirilən belə bir mərhələnin məh-sulu idi. Tədqiqatçı
burada «Tənqidimizin yeni mərhələsi» (1971) adlı məqaləsində
bu dövrün ədəbi tənqidinin əvvəlki dövr və illərə nisbətən daha
mürəkkəb şəkil aldığını, daha çətin və məsuliyyətli vəzifələri
icra etdiyini göstərirdi. O, yazırdı: «Bu günkü bədii tənqid
ədəbi prosesə güclü ideya-estetik təsir göstərir, əldə edilən
nailiyyətləri möhkəmlət-məyin, inkişaf etdirməyin elmi-nəzəri
1
Yenə орада, s.128.
192
əsaslarını yaradır… Ədəbiyyatın hərhansı janrı kimi bədii
tənqid əsərində də müəllifin həyata münasibəti öz ifadəsini
tapır, onun möv-qeyi, dünyagörüşü, ictimai-siyasi baxışları
təbliğ edilir, nəyə rəğbət bəslədiyi, nəyə nifrət etdiyi ifadə
olunur.»
1
Milli ədəbi tənqidin tarixi və nəzəri məsələlərinin
həllində yaxından iştirak edən K.Taıbzadənin rəhbərliyi ilə
80-ci illərdə nəşrə hazırlanan «Ədəbi tənqid» kitabı (1984) da
ədəbiyyatşünaslığımıza əvəzsiz töhfə olmuşdur. Tədqiqatçının
burada «Ədəbi tənqid: yekunlar, mülahi-zələr» məqaləsi işıq
üzü görmüşdür. Müəllif bu məqaləsində ədəbi tənqid haqqında
nəzəriyyəni daha da dərinləşdirir, tənqidin spesifikası barədə
yeni mühakimələrə yol açırdı. O, burada tənqidçi şəxsiyyəti
məsələsinə diqqəti yönəldir, ədəbi tənqidin yaradıcılıq aktına
çevrilməsi amilinin tənqidçinin şəxsiyyətindən asılı olduğunu
göstərir və əsaslandırırdı. Miqyaslı ədəbiyyatın yaranması üçün
miqyaslı tənqidçi şəxsiyyətinə ehtiyacın artdığını vurğulayan
tədqiqatçı belə bir düzgün qənaətə gəlirdi ki, «böyük tənqid
Səməd Vurğun yanğısı və miqyası, Mehdi Hüseyn ehtirası,
Məmməd Arif prinsipiallığı və dəqiqliyi, Mirzə Ibrahimov
ictimai fəallığı, Cəfər Cəfərov erudisiyası tələb edir.»
1
K.Talıbzadənin milli ədəbi tənqidin problematikasına,
tarixi-nəzəri məsələlərinə diqqəti «Sənətkarın şəxsiyyəti»
kitabında (1978) da aydın şəkildə nəzərə çarpır. Kitabda
«Klassik ədəbiyyat», «Sovet ədəbiyyatı», «Tənqid: dünən və
bu gün» ümumi başlıqları altında birləşdirilən məqalə- lərin
1
Талыбзадə K. Əдəби ирs вə вариsлəр, Баkы, Азəрnəшр, 1974, s.9.
193
böyük əksəriyyəti Azərbaycan tənqidinin tarixinə və müasir
dövrünə həsr olunmuşdur. «Tənqid: dünən və bu gün» adı
altında toplanan məqalələrdə milli tənqidin tarixi inkişaf
qanunauyğunluqları, onun dünənki və bu günkü nailiyyətləri
F.Köçərli, A.Sur, S.Hüseyn, M.Arif, B.Nəbiyev kimi görkəmli
tənqidçilərin görüşləri əsasında təhlil edilirdi.
«Tənqid və tənqidçilər» kitabında (1989) da tədqiqatın bu
istiqaməti davam etdirilir, daha dərin və əhatəli təhlillərlə
səciyyələndirilir. Burada «Tənqid etüdləri» adı altında toplanan
məqalələrdən başqa bütün digər yazılar milli ədəbi tənqidin
problemlərinə həsr olunmuşdur. Qeyd olunmalıdır ki, kitabın
mövzusu yalnız ədəbi tənqiddir; milli tənqidin tarixi və müasir
mərhələsinin müxtəlif problemləri, tənqidin həyatla, ictimai
proseslə, ədəbiyyatla əlaqəsi bu mövzunun əsas mündəricəsini
təşkil edir. Müəllif milli ədəbi-estetik fikrimizin qaynaqlarını
və əsas istiqa-mətlərini müəyyənləşdirir, eyni zamanda,
görkəmli tənqid-çilər barəsində qeydlərində, tənqid icmalları
və resen-ziyalarda bütünlükdə ədəbi tənqidin inkişaf prosesini
aydınlaşdırırdı. K.Talıbzadə bu tədqiqatlarında müasir ədəbi
tənqidimizin mövcud vəziyyətini daha diqqətlə araşdırır, onun
nailiyyətlərinə nəzəri cəlb edir, eyni za-manda, bir sıra nöqsan
və çatışmazlıqlarını göstərirdi. O, çağdaş tənqidin əsas
çətinliklərini yazıçı və müasir həyat problemlərinin həllindəki
mürəkkəbliklə əlaqələndirir, cəmiyyətdə baş verən ictiamai-
siyasi hadisələrin, xalq taleyinin bir çox vacib məsələlərinin,
yeni insanın mənəvi aləmindəki təbəddülatların geniş miqyasda
1
Талыбзадə K. Seçилmиш əsəрлəри, иkи жилддə, ж.2, s.204.
Dostları ilə paylaş: |