mərkəzi hakimiyyətin güclənməsi nəticəsində tədricən
keçmiş demokratik ənənələrini itirən əxi təşkilatlarının
hərbi-siyasi qüdrəti sarsıldı.
Bir çoxları əxiliyin Kiçik Asiyaya Azərbaycandan ya-
yıldığını qeyd edirlər. A.Krımski əxiliyi Türkistan mən-
şəli orden adlandıraraq XII əsrdə Türkistandan Azər-
baycana və oradan Kiçik Asiyaya keçdiyini vurğulayır.
Əxilərin Şah İsmayılın hakimiyyəti ələ almasında da
mühüm rolu olmuşdur. Belə ki, Səfəvi dövlətinin banisi
1500-cü ilin axırlarında Şirvana hücum edərkən dəstə-
sində 7 min sufi də vardı. Şah İsmayıl 1501-ci ilin pa-
yızında Təbrizə daxil olarkən də, özünü şah elan
edərkən də sənətkarlığın geniş yayıldığı Təbriz
şəhərində əxilərin dəstəyinə arxalanmışdı. Buna görə
də o, şəhərlərdə sənətkarlığı və ticarəti inkişaf
etdirərək xarici ölkələrlə iqtisadi əlaqələrini
genişləndirir, istehsal olunan malların xarici bazarlara
çıxışını təmin edirdi ki, bu da sənətkarların xeyrinə idi.
Türkiyədəki Əxi Evrandan başlayıb Azərbayanda əxi-
likdən danışmağımız təsadüfi deyil. XII-XIII əsrlərdə
Azərbaycan türkləri arasında, o cümlədən də Xoyda,
Xuvayda, yəni Araz çayından cənubda əxilik geniş ya-
yılmışdır. Əxi Evran da əslən Xoydan idi. Onun baba-
larının XI əsrdə İrana gələn türkmənlərdən olduğu da
bildirilir. 1207-ci ildə Kayseriyə gələrək orada dabbaq-
xana açan Evran sənətkar və tacirlərinin sayı monqol
işğalı zamanı Azərbaycandan qaçanların hesabına
artan Anadoluda əxiliyin əsasını qoydu. Tədqiqatçılar
əxiliyin Anadoluda təşkilatlanmasında «İran
türkmənlərinin əli var» deyəndə məhz Evranı nəzərdə
tuturlar. Əxi Evrandan sonra belə əxiliyin mərkəzinə
çevrilən Kırşehirdə qüvvədə olan fütuvvətnamələr
Azərbaycandan tutmuş Balkanlaradək yayılmışdı. Bu
gün Əxi Evranın məzarı da elə Kırşehirdədir.
Tədqiqatçıların bir çoxu dabbaq Ahi Evranı (1172-
1262) əxiliyin banisi kimi qeyd etsələr də, M.Heydərov
bununla razılaşmayaraq yazır ki, hələ XI əsrdə
Urmiyalı Əxi Fərəc, qacarlardan olan Əmin əd-din
Mahmud ibn Yusuf və başqaları əxi kimi məlum idilər.
XI əsr yazılı abidəsi olan «Qabusnamə»də gənc əxi
31
cavanmərdlərin və sufilərin davranışlarına ayrıca fəsil
həsr olunmuşdu. XII əsrdə mütəfəkkir, «kəmala
çatmış arif, təriqət mürşidi və gerçəklik rəhbəri» olan
Sadəddin Mahmud Əbülqasım oğlu Təbrizi də əxi idi.
Mövlanə Cəlaləddin Rumi dövründə yaşamış,
Konyadakı tanınmış əxi ordeni başçılarından olan Əh-
məd Ərdəbili də Azərbaycandan idi…
Əxiliyin Şirvanda, özəlliklə də Şamaxıda mövcud ol-
masını Xaqani (1120-1199) mahir dülgər olan atası Əli
Naccara həsr etdiyi şeirində də göstərir. Burada o,
ixvan deyərək atasının «qardaşlarının» (ixvan – ərəbcə
«əxi» sözünün cəm şəkli) da adı çəkilir. Elə buradaca
dülgərlərin piri, memarların şeyxi kimi bilavasitə əxiliyə
aid terminlərin işlədilməsi hələ XII əsrin əvvəllərində
əxi qardaşlığının mövcudluğundan xəbər verir.
Gəncədə duluzçu Bəndər üsyanı, N.Gəncəvinin əxi
mürşidin müridi olması, yenə də Gəncə şəhərindəki
Comərd Qəssab türbəsi, Zəngəzurdakı Comərdli kəndi,
Qubadakı «Comərd» adlı müqəddəs yer, Abşeron
ərəzisindəki epiqrafik abidələr, Ordubaddakı Cümə
məscidindəki yazı da orta əsrlər Azərbaycanında
əxiliyin olduğunu təsdiqləyir.
Kəşifi Azərbaycanda əxi üzvlərinin şəcərəsini yazır:
Əxi Əli Mübarək Şirvani, Gəncədəki nəvəsi Qütb əd-
Din-əxi, onun oğlu əxi Tacəddin Əli və b. M.Heydərov
indiki Ermənistan ərazisində, yəni tarixi Azərbaycan
torpaqlarında Mikoyan rayonunun Alayaz kəndindəki
daşın üzərində Əxi Təvəkkülə (XVə.) aid epitafiyadan
bəhs edir.
Təbii ki, hakim dairələrin nümayəndələri əxilərin gü-
cündən istifadə etmək istəyir və edirdilər də. Bu da
əxilər arasında bir çoxlarının vəzifələrə çəkilmələrinə
və nəticədə təbəqələşmə ilə nəticələndi. Şeyx Əxi
Qəssab Təbrizdə yüksək vəzifələrdən olan tamqaçı idi
və XIV-XV əsrlərdə Yaxın Şərqin ticarət və sənətkarlıq
mərkəzlərindən olan Təbrizin əsas gəliri onun əlindən
gəlib keçirdi. Təsadüfi deyil ki, bu əxi şeyx Şirvanşah I
İbrahimi (1382-1417) Qara Yusuf Qaraqoyunlunun
əsirliyindən xilas etmək üçün 1200 tümənlik mal
vermişdi. Qaraqoyunlu dövlətinin banisi Qara Yusufun
32
Şeyx Əxi Qəssabla hesablaşması, onun şəhər
əhalisindən bu qədər malı toplaya bilməsi bir daha əxi
şeyxin Təbriz əhli arasındakı nüfuzundan xəbər verirdi.
Göründüyü kimi, artıq XV əsrin əvvəllərində əxi başçı-
larının feodallarla əlaqəsi ortaya çıxır.
Əxi gənclər təşkilatında yalnız eyni sahənin sənətkar,
usta əlaltıları və şagirdlərinin olması fikrinə İbn Battuta
Rumda gördüyü müxtəlif sənət sahələrindən olan 200-
ə yaxın sənətkarın başında duran gənc rəis haqqındakı
məlumatı ilə son qoyur. Buradan görünür ki, gənc rə-
islər əxi şeyxlər tərəfindən yönləndirilirdilər. Hətta sufi
ordenlərinin şeyxləri belə əxiləri öz tərəflərinə
çəkməyə, bununla da özlərini dini-siyasi güclə təmin
etməyə çalışırdılar.
XV əsrin sonu – XVI əsrin əvvəllərində Ərdəbil şeyx-
lərinin başçılığı ilə Azərbaycanda, İran və Kiçik
Asiyanın bir sıra yerlərində ilkin mərhələdə birlik və
bərabərlik təbliğ edən, bununla da sənətkar və yox-
sullar arasında rəğbətlə qarşılanan şiəlik inkişaf edir.
Bu da əxilərin Səfəviyyə, Heydəriyyə və
Nemətullahiyyə ordenləri ilə əlaqəsini gücləndirir. Sə-
fəviyyə tezliklə hərbi-siyasi gücə çevrilir. Şah İsmayılın
sərkərdələrindən biri Əxi sultan Təkəli idi. Bu əxi bəyə
şah Xəzərin cənub-qərb sahillərini vermişdi. XV əsrin
sonlarında Ağqoyunlu sarayında nüfuzlu əmirlərdən
biri də Əxi Fərəc ibn Əli idi. Sosial-siyasi dəyişikliklərə
uğrayan əxilər şəhər sənətkarlarının və yoxsullarının
həyatında önəmli rollarını və bununla da mövqelərini
əldən verdilər. Təbii ki, qazi kimi Səfəvi ordusunda vu-
ruşan əxilərdən fərqli olaraq sərkərdə əxilər varlanır,
şahdan ənamlar alır, təbəqələşmə artır, onlara inam
azalırdı.
Tədqiqatçı M.Heydərov bir sıra tədqiqatçılarla birgə
orta çağlarda Gəncədə tez-tez baş verən üsyanlarda
şəhər sənətkarlarının və yoxsullarının iştirakı, eləcə də
Gəncədə əxiliyin mövcudluğu barədə materialların ol-
mamasından təəssüflənsə də, tarixdə «Gəncə üsyanı»
kimi qalan usta Bəndər üsyanı, Comərd Qəssab türbəsi
və N.Gəncəvinin əxiliyi ilə bağlı fikirlər (onun şeyxinin
adı Əxi Fərrux Zəncani idi) bu şəhərdə də əxiliyin var-
33
Dostları ilə paylaş: |