dözməyib keçəl Xonduludan sürgünə göndərilənlərin
heyfini çıxır. Keçəl Xondulunu öldürdükdən sonra
gülləyə tutulan və canını qurtarmq üçün Kürün qoy-
nuna atılan Alan meşədə görünməz olur və aləmi acı
bir ulartı bürüyür. Bu ulartı bəlkə də şüurlu insan
vəhşiliyinə ehtiraz idi...
İmperiya siyasəti mərdi qova-qova namərd eləyirdi.
Əsərin sonunda Kəsəmənli də haqqı bərpa etmək üçün
dağlara çəkilir. O, günahsız insanların qanına susayan
“sapı özümüzdən olan baltaları” öldürdükdən sonra bu
addımı atır. Kəsəmənlinin Fətullayevi öldürməsinin
əsas səbəbi dağlara çəkilib mübarizə aparan ziyalı
Halay bəyin “troyka”nın əmri ilə ölümə məhkum
olunmasıdır. Halay bəyin ölümündə Kəsəmənli özünü
qınayır. Axı o gözləmirdi ki, Fətullayev belə namərdlik
etsin. O, Halay bəyə söz vermişdi, kişi sözü. Əsərdə
Halay bəyin ölməyi təkcə Kəsə-mənlinin yox, milli birlik
uğrunda mübarizə aparan bütün işıqlı beyinlərin və
millətin faciəsidir.
Əsərin epiloq hissəsi daha təsirli mənzərələrlə rənga-
rəngdir. Yazıçı oxucu ilə açıq danışır. Onun əl-qolunu
bağlayan qadağalar sistemi artıq yoxdur. Ancaq dərd
var, acı var. Bütün acılar unudulsa da Vətən acısı
unudulmur. Uzun illərdən sonra Vətənə dönən, vətənin
acısını, yurd-yuva və öz əlləri ilə əkdiyi ağacın, üzüm
tənəyinin ağrısını bu ahıl çağında Həsən ağa yenidən
yaşayır. Yurd yerində yeni həyat qaynayır, lap əsərdə
deyildiyi kimi “elə bil dünyada heç nə olmamışdır.”
…Belə qənaətə gəlmək olar ki, İ.Şıxlının irili-xırdalı
bütün əsərlərində ideoloji problemlər diqqət mərkə-
zində olmuşdur. Onun və yaratdığı obrazların istəyi
azadlıq idi. Şükrlər olsun ki, İ.Şıxlı müstəqil
Azərbaycanı görə bildi!..
28
AZƏRBAYCAN
Hülya MƏMMƏDLİ
BDU-nun tələbəsi
ƏXİLİK VƏ ONUN AZƏRBAYCANDAKI
İZLƏRİ
Hazırda Türkiyənin Kırşehir bölgəsində bir çox
dükana, idarə və müəssisəyə Əxi Evranın adının veril-
diyini görürük. Kimdir Əxi Evran? Əxilik özü nədir?..
Orta əsrlərdə Azərbaycanın Təbriz, Gəncə, Xoy, Şa-
maxı, Ərdəbil, Ordubad, Şəki, Bakı və başqa şəhərlə-
rində sənətkarlıq inkişaf edir, sənətkar birlikləri yara-
nırdı. Azərbaycanda hələ Sasanilər dövründən mövcud
olduğu bilinən sənətkar birləşmələri XIII-XVIII əsrlərdə
möhtərifə, uzan, əsnaf adlanırdı. Bu dövrlərdə sənət-
karlar arasında dini-əxlaqi normalar xüsusilə risalə və
fütuvvətnamələr əsasında təsbit edilirdi. Sənətkarlığın
inkişafı eyni sahəyə mənsub sənətkarların digər sahə-
lərlə rəqabətini də meydana çıxartdı. Əgər gündəlik iş
həyatında usta-şagird, eyni sahənin ustaları, dükanları
və ya ayrı-ayrı sahələrin sənətkarları arasında rəqabət
yaranırdısa, ümumi şəhər həyatında önəmli
ziddiyyətlər meydana çıxanda, bütün sənətkarlar
birləşirdilər. Bu da yavaş-yavaş sənətkarların ümumi
maraq ətrafında təşkilatlanmasına gətirib çıxardırdı.
İslam dini geniş yayılmış şəhər mühitində ümumi
birləşdirici amil din olsa da, dinə də fərqli yanaşmalar
nəticəsində təriqətlər meydana gəlirdi. Yaranmış sufi
təriqətləri əsasən səbri, mütiliyi təbliğ edirdi. Lakin
gündəlik iş həyatlarında daim rəqabətlə qarşılaşan,
daha fəal olmaq məcburiyyətində qalan şəhər varlıları,
tacirlərdən və şəhər sənətkarlarından mənfəət götürən
hakim dairələr tərəfindən haqsızlığa məruz qalan
sənətkarlar müti kənd əhalisindən və şəhər yox-
sullarından fərqli olaraq daha mübariz olmaq məc-
buriyyətində idilər. Əxilərin geniş təsvirini verən səy-
yahlar onların fiziki cəhətdən güclü olduqlarını, kəmər-
lərində uzun xəncər gəzdirdiklərindən yazırdılar. «Əxi»
29
sözünün həm ərəbcə, həm də türkcə izahını verməyə
çalışan tədqiqatçılar onun «qardaşım», «comərd»,
«igid» anlamını verdiyini də qeyd edirlər.
Həddindən artıq qonaqpərvər olan əxilər zəngin zi-
yafətlər verməyə həvəsli idilər. Kasıb sufi süfrəsi ilə
heç cür müqayisə oluna bilməyən bu cür bol süfrəli
qonaqlıqlar bir daha əxilərin sufi dərvişlərdən kəskin
fərqləndiklərindən xəbər verir. Əxilər üçün etnik və
dini mənsubiyyət önəmli deyildi. Təsadüfi deyil ki,
Əbülqasım Qüreyş comərdlik haqqında yazırdı ki, onun
nümayəndəsi evində yemək yeyən şəxsin övliya,
yaxud kafir olmasının fərqinə varmır. Bu ideologiyanın
əsasında humanizm, ictimai bərabərlik, sosial ədalət
durur.
Maraqlıdır ki, əgər Y.E.Bertels əxiliyi (fütuvva) «sə-
nətkarların gizli təşkilatı» adlandırırdısa, İ.P.Petru-
şevski onları «usta əlaltılarının gizli təşkilatı»
adlandırır. Fikrimizcə, bu daha doğru idi. Çünki yaşlı,
təcrübəli usta sənətkarlar fiziki güc tələb olunan əxi
təşkilatının üzvü olsalar da, aktiv mübarizədə daha çox
gənc şagirdlər, usta əlaltıları iştirak edirdilər.
Bakının Gürdəxanı kəndində üzərindəki Əxi Nurullah
zaviyyəsi burada da əxiliyin mövcud olduğundan xəbər
verir. XV əsrin birinci yarısında təbrizlilərin Teymuri
hökmdarı Ömərə qarşı üsyanına Əxi Qəssab başçılıq
edib. Səfəvi müridləri arasında əxilər də vardı. Onlara
Əxi Şadi Xəbbazı, Əxi Düluzini, Əxi Hənifəni, Əxi Hə-
səni və başqalarını misal göstərmək olar.
Tarixi Azərbaycan torpaqlarında geniş yayılan əxiliyin
dini ictimai-siyasi mahiyyəti onun dövlətin bu və ya
digər mühüm işlərində də önəmli rola malik
olmasından xəbər verirdi. Qeyd etmək lazımdır ki,
sənətkar birlikləri Səlcuqlu dövlətinin və Osmanlı impe-
ratorluğunun ilk dövrlərində də cəmiyyətdəki siyasi və
ictimai yerləri ilə seçilmişlər. Belə ki, ara müharibələri,
basqınlar, üsyan və iğtişaşlar zamanı əxilər şəhər
idarəsini öz əllərinə alaraq şəhərin dağılmasına və
qarət olunmasına imkan vermirdilər. XIV əsrin
əvvəllərində əxi təşkilatları daxilində təbəqələşmə
başladı, Osmanlıda, Azərbaycan və şərq ölkələrində
30
Dostları ilə paylaş: |