müəssisələrin özəlləşdirilməsi
sürətlə getmiş və təxminən, 1,500 orta və iri müəssisə
özəlləşdirilmişdir.
Hökumət neft sektorunda irimiqyaslı birbaşa xarici investisiyanın yatırılmasına icazə versə
də ARDNŞ hələ də özəlləşdirilməmişdir. Bu sahədə əsas müəssisə 1994-cü ilin dekabr
ayında yaradılan və 10 iri beynəlxalq şirkətlə (BP, TPAO, ITOCHU, Statoil, Lukoil, Delta
Hess, Pennzoil, Exxon and Unocal) ARDNŞ-in konsorsiumu olan Azərbaycan Beynəlxalq
Əməliyyat Şirkətidir (ABƏŞ). 2002-ci ilin mart ayında enerji sektorunda islahat siyasəti qəbul
edilmiş və görüləcək tədbirlər paketinə “Azərenerji” və “Azəriqaz” kimi əsas enerji
müəssisələrinin yenidən strukturlaşması daxil edilmişdir. Bundan başqa, 2001-ci ilin noyabr
ayında Bakı elektrik paylanma şəbəkəsi (BAGES) Türkiyə şirkəti olan “Barmek”ə 25 illik
konsessiya əsasında verilmişdir. 2002-ci ilin iyul ayında Özəlləşdirmə Departamenti “Bakı
Elektroştamp” və “Bakı Rezin Məhsulları” səhmdar cəmiyyətlərinin səhmlərinin alındığını
bəyan etdi. Bank sektoruna gəldikdə, bu sahədə özəlləşdirmə ilə əlaqədar yalnız bəzi işlər
sona çatdırılmışdır. Ən iri banklardan olan Azərbaycan Beynəlxalq Bankının 1998-ci ildən
özəlləşdirilməsi planlaşdırılsa da hökumət bu vaxta kimi yalnız azlıq payını AYİB-na
satmışdır.
1.2 M
AKRO
İ
QT
İ
SAD
İ
V
ƏZIYYƏT
1.2.1 Real sektor
2004-cü ildə əlverişli yerli və xarici iqtisadi mühit ölkə iqtisadiyyatına əhəmiyyətli təsir etmiş və son
illərdə Azərbaycanın yüksək iqtisadi artım tempini qorumasına köməklik göstərmişdir. Faktiki
ümumdaxili məhsulun (GDP) artım tempi bu il 10.2 faiz olmuşdur. Neftin rekord yüksək qiymətləri və
bununla əlaqəli böyük fiskal siyasət 2004-cü ildə yüksək iqtisadi artımı təmin edən əsas amillərdən idi.
Nəzərə alaq ki, qeyri-neft sektorunun artım tempi cəmi ÜDM-a nisbətən daha yüksək olmaqla 13.4 faiz
səviyyəsini göstərmişdir.
2004-cü ildə ÜDM 41,872.5 milyard AZM (USD 8.5 milyard) olmuşdur. Adambaşına düşən
ÜDM 2003-cü illə müqayisədə 9.2 faiz artmışdır. ÜDM əmtəə istehsalı sektorunda 10.8,
xidmət sektorunda isə 8.9 artmışdır.
Cəmi tələbin bütün komponentlərində əhəmiyyətli artım yüksək iqtisadi artım tempinin
saxlanılmasında mühüm rol oynamışdır. Təsərrüfatların nominal gəlirlərindəki 20.7 faiz artım
nominal xərclərin 24.4 faiz artmasına səbəb olmuşdur. Təsərrüfat xərclərindəki kəskin artım,
öz növbəsində, cəmi tələbin istehlak tələbi komponentində əvvəlki illərə nisbətən böyük
artıma səbəb oldu. Digər tərəfdən, istehlak tələbindəki nominal artımın həm istehlak
qiymətləri, həm də əmtəə təklifinin artımına müsbət təsiri olmuşdur.
Dövlət xərclərindəki artım da 2004-cü ildə cəmi tələbin artımında əsas amillərdən biri kimi
çıxış etmişdir. Bu il dövlət büdcəsi xərcləri 21.6 faiz artmışdır. Dövlət xərclərindəki artım
sosial sektorda iqtisadi artımın sürətləndirilməsində və sosial rifahın yaxşılaşdırımasında
köməklik göstərmişdir.
Müxtəlif mənbələrdən maliyyələşən investisiya xərcləri 2004-cü ildə 36.1 faiz artmışdır.
Əvvəlki illərdə olduğu kimi, investisiyalar, əsas etibarilə, tikinti işlərinin
maliyyələşdirilməsi və iri həcmli layihələrin reallaşdırılması istiqamətində yönəlməklə,
başlıca olaraq idxal hesabına örtülən investisiya yönümlü əmtəələrə olan tələbi əks
etdirmişdir. Yenə də 73.7 faizini xarici investisiya təşkil edən cəmi investisiyalar iqtisadi
inkişafa əhəmiyyətli dəstək verməkdə davam edir. Beləliklə, neft və qeyri-neft
sektorunda irihəcmli layihələrin icrası ilə əlaqəli investisiyalar müəyyən tikinti
xidmətlərinə dəstək verməklə, 2004-cü ildə tikinti sektorundakı kəskin artım üçün əsas
amilə çevrilmişdir.
9
2004-cü ildə dövlətin fasiləsiz olaraq özəl biznesin inkişafına verdiyi dəstək biznes mühitinin
yaxşılaşmasına və
qeyri-neft sektorunun potensial imkanlarından effektli istifadəyə
köməklik göstərmişdir. 2004-cü ildə özəl sektor cəmi ÜDM-un 73.5 faizinə bərabər
olmuşdur.
Özəl sektorun investisiya baxımından payı 2004-cü ildə artmaqda davam etmişdir. Hesabat
ilində qeyri-dövlət sektoruna edilmiş investisiyalar 39.9 faiz artdığı halda, dövlət sektoruna
investisiyalar cəmi 6.6 faiz artmışdır.
Sənaye və tikinti sektorunda bir neçə il müşahidə edilən artım bu gün də davam etməkdədir.
Son vaxtlar artım baxımından ən sürətlə inkişaf edən tikinti sektorunun ÜDM-da payı son iki
ildə 8.7 faizdən 13 faizə qalxmışdır.
Demək olar ki, bütün sektorlar sənaye istehsalına öz dəstəyini vermişdir. Kənd təsərrüfatı
sektorunda artım 2004-cü ildə 4.6 faiz olmuşdur. Artım meyvə, tərəvəz, yemiş və balqabaq
istisna olmaqla, kənd təsərrüfatının demək olar ki, bütün sektorlarına öz təsirini göstərmişdir.
Kənd təsərrüfatında artım məhsul yığımında 3.6 faiz, heyvandarlıqda isə 6 faiz olmuşdur.
ÜDM-un artımında mühüm komponent olan nəqliyyat sektorunda dövriyyə artmaqda davam
etmiş, yük daşımaları 6.9 faiz, sərnişin daşımaları isə 3.6 faiz artmışdır. Yük daşımalarının
artımına dəmiryolu daşımalarında 3.1, avtomobil daşımalarında isə 10.4 artım daxil olduğu
halda, sərnişin daşımalarına avtomobil nəqliyyatında 3.1, metro nəqliyyatında 7.8, hava
nəqliyyatında isə 26.1 faiz artım daxil olmuşdur.
2004-cü ildə istehlak məhsullarına olan tələbdə əhəmiyyətli artım istehlak bazarında kəskin
artıma səbəb olmuşdur. Hesabat ilində pərakəndə əmtəə dövriyyəsinin faktiki həcmi 2003-cü
ilin müvafiq rəqəmləri ilə müqayisədə 13, ödənişli xidmətlər isə 16.4 faiz artmışdır.
1.2.2 Monetar sahə
AMB 2004-cü ildə sürətli iqtisadi artımı dəstəkləmək, makroiqtisadi sabitliyin əsas amili kimi
inflyasiyanı nəzarətdə saxlamaq, qeyri-neft sektorunun rəqabət qabiliyyətini təmin etmək,
iqtisadiyyatın yenidən monetarlaşmasını sürətləndirmək və faktiki nağd pula olan tələbatı
təmin etmək məqsədini daşıyan monetar siyasəti icra etmişdir.
Qısamüddətli depozitlər üçün ehtiyat tələbləri 10 faiz, uzunmüddətli depozitlər üçün 0 faiz
olmuşdur. AMB 2004-cü ildə ölkədə fəaliyyət göstərən banklara AZIPS banklararası ödəniş
sistemi çərçivəsində manatla tələb olunan ehtiyatlardan gündəlik klirinq əməliyyatları üçün
istifadə etmələrinə icazə verilməsi qərarına gəldi.
AMB 2004-cü ildə qısamüddətli notlar buraxmağa başladı, Lombard və overnayt kreditləri
verməkdə davam etdi və bir sıraq svop əməliyyatlarını həyata keçirdi. AMB qısamüddətli
notları bank sektorundakı artıq likvidliyi sterilizə etmək üçün əvvəlki tədbirlərin nəticəsi olaraq
dövriyyədəki artıq nağd pulu azaltmaq məqsədilə buraxmaq qərarına gəlmişdi. Qısamüddətli
notlar ilk dəfə 14 sentyabr 2004-cü ildə emissiya edilmişdir. 2004-cü ildə qısamüddətli notların
cəmi 11 hərracı keçirilmişdir.
2004-cü ildə istehlak malları və xidmətlərinin qiymətləri 6.7 faiz artmışdır. İstehlak
qiymətlərində 10 faiz artım ərzaq məhsulları, içkilər və tütün, 1.5 faiz qeyri-ərzaq məhsulları
və 0.3 faiz xidmətlərdə olmuşdur.
10