Tillar kafedrasi” Jismoniy madaniyat fanidan

“Tillar kafedrasi”

Jismoniy madaniyat fanidan

GANDBOL

Bakalavriat ta’lim yo‘nalishlari talabalari uchun



Farg‘ona-2018
Ushbu uslubiy ko‘rsatma TATU Farg‘ona filiali Telekommunikatsiya texnologiyalari va kasbiy ta’lim fakulteti Tillar kafedrasining 2018 yil 23 yanvarda o‘tkazilgan 6-sonli yig‘ilishida ko‘rib chiqildi va Filial Kengashiga tavsiya qilindi.

TATU Farg‘ona filiali Kengashida tasdiqlangan.

Bayon № ____
“____” ___________ 2018 yil.


Tuzuvchi: X. Arabboev, TATU Farg‘ona filiali Tillar kafedrasi katta o‘qituvchisi
Taqrizchilar: Filologiya fanlari nomzodi, dotsent M.Mirzaev, TATU Farg‘ona filiali Tillar kafedrasi dotsenti

Pedagogika fanlari nomzodi, dotsent

R. Hamraqulov, FarDU Jismoniy tarbiya fakulteti dekani
Tillar kafedrasi mudiri N. B. Qurbonov

TATU FF, Telekommunikatsiya texnologiyalari va kasbiy ta’lim fakulteti Uslubiy Kengashida tasdiqlangan (2018 yil ______ _____-sonli bayonnoma).

Telekommunikatsiya texnologiyalari va kasbiy ta’lim
fakulteti dekani
dotsent O. Qo‘ldoshev _____________
O‘quv-uslubiy bo‘lim
boshlig‘i Sh.A.Umarov ______________
Kirish
Keyingi yillarda O‘zbekistonda jismoniy tarbiya va sportning rivojlanishi, xalqaro musobaqalarda sportchilarimizning yutuqlarini ko‘payishiga va mamlakatimizni obro‘si oshishiga zamin yaratmoqda. Yurtimizda sportchilarni tayyorlash bilan birga Osiyo va Jaxonning eng nufuzli xalqaro sport musobaqalarini o‘tkazish borasida ham juda katta tajribaga erishilmoqda. So‘ngi paytlarda vatanimizda ham ana shunday xalqaro sport musobaqalarga mezbonlik qilmoqda. Yurtimizda sport infratuzilmasining bugungi zamon talablariga to‘la mosligi, har bir sport turnirining yuksak saviyada tashkil etilishi, sporchi va murabbiylarga mashg‘ulot o‘tkazish, xordiq chiqarish uchun yaratilgan qulayliklar, eng muximi vatanimizda hukm surayotgan tinchlik va osoyishtalik xalqaro musobaqalar mezbonligini mamlakatimizga ishonib topshirilishida asosiy mezon bo‘lib xizmat qilyapti.
Bugungi kunda yoshlarimiz istagan sport turi bilan shug‘ullanishi va har qanday cho‘qqini zabt etish imkoniyatiga ega. Buning uchun faqat izlanish, intilish va harakat bo‘lsa bas. Mustaxkam moddiy-texnik bazaga ega ana shu majmualarda minglab istedod egalari kashf etilmoqda. Yoshlarni ommaviy sportga jalb qilishda “Kichiq olimpiada” nomini olgan uch bosqichli musobaqalar ham muxim o‘rin tutmoqda. Uning doirasida o‘tkaziladigan umumta’lim maktab o‘quvchilarining “Umid nihollari”, Akademik litsey va kasb-xunar kollejlari o‘quvchilarining “Barkamol avlod” hamda Oliy o‘quv yurtlari talabalarining “Universiada” sport o‘yinlari yosh o‘g‘il va qizlarni yangi marralar sari yetaklovchi betakror bellashuvlariga aylangan. Ushbu tizim yoshlarni jismonan sog‘lom qilib tarbiyalash, foydali hamda mazmunli harakatga yo‘naltirish, g‘alabaga intilish fazilatlarini rivojlantirish, sportni ularning xayotiy extiyojiga aylantirishga xizmat qilmoqda.
Mamlakatimizda sportning barcha turlari ham jadal sur’atlar bilan rivojlanib, keng ommalashib bormoqda. Bunday sharoitlardan unumli foydalanayotgan murabbiy va sportchilarimiz nufuzli xalqaro musobaqalarda vatanimiz sharafini munosib himoya qilib kelishmoqda.
Gandbol sporti ommaviy sport o‘yinlari turi hisoblanib, aholining barcha qismi bu sport turi bilan sevib shug‘ullanib keladilar. Gandbol mashg‘ulotlari bilan bolalar va o‘smirlar sport maktablarida, ixtisoslashtirilgan sport maktablari va bilim yurtlarida muntazam shug‘ullanish mumkin. Shuningdek gandbol sportiga o‘rgatish o‘rta maktablar, kasb hunar kollejlari va oliy o‘quv yurtlari jismoniy tarbiya darslari va to‘garak mashg‘ulotlari jarayonlariga kiritilgan.