104
Gündüz İsmayılov
To l e r a n t l ı ğ a
zəmin yaradan iqti-
sadi amillərdən da-
nı şarkən, ilk növ-
bədə Azər baycanın
ta rixi İpək yolunun
üzərində yerləşməsi
xüsusi qeyd olunma-
lıdır. Uzaq Çin
dən
başlayan və Avropa-
nın qurtaraca
ğında
bitən İpək yo
luna
təkcə ticarət yo lu və iqtisadi məsələ kimi baxmaq olmaz. Bu yolla
həm ipək və müxtəlif məhsullar daşınmış, həm də insanlar, fərqli
dinlər, mə dəniyyətlər səyahət etmişdir. Nəticədə Azərbaycan xal-
qı müxtəlif mədəniyyətlərlə, dini, fəlsəfi cərəyanlarla tanış olmuş,
hətta, bəzən onların nümayəndələrinə sığınacaq belə vermişdir.
Tarixi qaynaqlar təsdiqləyir ki, həm Avropadan, həm Yaxın,
həm də Uzaq Şərqdən gəlmiş tacirlər Azərbaycanda sərbəst ticarətlə
məşğul olmuşlar. Onları ölkəmizə cəlb edən yalnız vergi güzəştləri
deyil, eyni zamanda, mədəni və mənəvi mühit idi. Müxtəlif etnik
və dini qruplara mənsub olan tacirlər heç bir ayrı-seçkiliyə məruz
qalmır, rahat və təhlükəsiz şəraitdə öz inanclarına uyğun yaşayır-
dılar. Tarixdə fərqli dinə və etnik qrupa mənsub olan hansısa ta-
cirin buna görə ayrı-seçkiliyə məruz qalmasına dair bir dənə də
olsun fakt yoxdur. Əksinə, bu qəbildən olan tacirlərə dövlət və
yerli əhali tərəfi ndən hörmət və dözümlü münasibət göstərilməsini
təsdiqləyən onlarla fakt mövcuddur. Bu fi kri təsdiqləyən ən ba-
riz nümunə Azərbaycanda ticarətlə məşğul olan katoliklərin və
atəşpərəstlərin ölkəmizdə öz inanclarına uyğun ibadət etmələri
üçün monastır və atəşgah tikmələridir. Azərbaycanda venesiyalı
tacirlərin himayəsində katolik monastırlarının olması, hindistanlı
tacirlərin isə Bakıda Atəşgah tikmələri hər kəsin bildiyi həqiqətdir.
Tarixi İpək yolu.
105
Tolerantlıq: bildiklərimiz və bilmədiklərimiz
Əslində, fərqli dinlərin mənsublarının Azərbaycanda ticarətlə
məşğul olması yerli əhali üçün də olduqca sərfəli idi. Çünki ticarətin
inkişafı həm dövlətin, həm də insanların rifah halını yaxşılaşdırırdı.
Başqa sözlə, tacirlər sərbəst ticarətlə məşğul olur, etiqadlarını yaşayır,
yerli əhali isə onlara iqtisadi və mənəvi cəhətdən əlverişli mühit yara-
daraq sosial rifah halını yaxşılaşdırırdı. Təbii ki, hər iki tərəfi n iqtisa-
di baxımdan maraqlı olduğu belə bir mühitdə tolerantlığın, qarşılıqlı
hörmətə əsaslanan dözümlülük ənənələrinin formalaşması labüd idi.
Bəzən Azərbaycanda tolerantlıq mədəniyyətinin formalaş-
masının səbəblərindən danışılarkən yalnız Quzey Azərbaycanla
bağlı məqamların üzərində dayanılır. Məsələn, xalqımızın tole-
rantlığı təkcə Quzeydəki tarixi mühitlə şərtləndirilir. Halbuki,
Azərbaycan xalqının yayıldığı və yaşadığı areal Azərbaycan Res-
publikasının ərazisindən daha böyükdür. Eyni zamanda, dünya
azərbaycanlılarının sayı Azərbaycan Respublikasının əhalisinin
sayından ən azı beş dəfə çoxdur. Deməli, xalqımızın tolerantlığı-
nın səbəblərini ərazi və əhalicə daha böyük miqyasda araşdırmaq
lazımdır. Belə yanaşıldıqda tolerantlığımızın səbəblərindən biri
kimi sosial-iqtisadi amil daha qabarıq nəzərə çarpacaq. Məsələn,
Uzaq Şərqi, xüsusilə Çini, Hindistanı və Orta Asiyanı Avropa və
Ərəb dünyası ilə birləşdirən yeganə “körpü” – Xəzər dənizi ilə
Fars körfəzi arasındakı quru ərazinin böyük bir qismində tarixən
azərbaycanlılar yaşamışlar. Təkcə İpək yolu deyil, həm də onun
ucqarlara uzanan qolları belə son nəticədə bu ərazidə birləşmişdir.
İpək yolunun, xüsusilə bu coğrafi yanın ən önəmli nöqtəsi bütün
tarixi dövrlərdə Təbriz şəhəri olmuşdur. Azərbaycanlıların böyük
coğrafi ərazidə yaşamalarının tolerantlıq baxımından başqa üs-
tün cəhətləri də var. Xəzər dənizindən Tifl isə qədər, Dərbənddən
Həmədan və Zəncana, Gilandan İraqa, Anadoluya kimi uzanan
bu ərazilərdə azərbaycanlılarla qonşuluq edən və iç-içə yaşayan
onlarla xalq və yüzlərlə etnik qrup olmuşdur. Bu xalqlar arasın-
da formalaşmış sosial-iqtisadi münasibətlər və mədəni mühit son
nəticədə tolerantlığı daha da möhkəmləndirmişdir.
106
Gündüz İsmayılov
Dini-mədəni amil: din insanların ümumilikdə cə miy yətin
digər dinlərə və xalqlara münasi bətini müəyyən ləş dirən başlıca
amil lər dən biridir. Çünki insanların dünyagörüşü, əxlaqı, həyat
tərzi daha çox din əsasında formalaşır. Təbii ki, ən uzağı bir əsr
öncəni götürsək, din cəmiyyətin həyatında indikindən qat-qat artıq
rol oynayıb. O dövr üçün nəinki dinsiz cəmiyyəti, hətta, dindən
uzaq insanı belə təsəvvür etmək çox çətindir. Yəqin, elə buna
İrfan mədəniyyətinin görkəmli nümayəndəsi
Seyid Yəhya Bakuvinin türbəsi (İçərişəhər)
görədir ki, mütəxəssislər tolerant cəmiyyətin sirrini daha çox din
amilində axtarırlar. Bunu hətta standart və qəti fi kirlə belə ifadə
edirlər: dini tolerant olmayan xalqın özü tolerant ola bilməz. Bəlkə
də, bu fi krin təsdiqinin ən gözəl nümunəsi Azərbaycan xalqı və İs-
lam dinidir. On üç əsrdir ki, İslam Azərbaycan ərazilərində yayılıb
və bu coğrafi yada aparıcı dinə çevrilib.
Şübhəsiz ki, İslam tolerant din olmasaydı, onun mənsublarının
yaşadığı Azərbaycanda indiki səviyyədə dözümlülük mədəniyyəti
formalaşa bilməzdi. Bu baxımdan, Azərbaycan xalqının tolerantlı-
ğının əsas səbəblərindən biri də din amili – İslamla bağlıdır.
107
Tolerantlıq: bildiklərimiz və bilmədiklərimiz
İslamdakı tolerantlığın səbəbini bu dinin iki əsas qaynağında –
Qurani-Kərim və Məhəmməd peyğəmbərin sünnəsində axtarmaq
lazımdır. Hər iki qaynaqdan az-çox xəbəri olanlar bilirlər ki, İslam
seçim azadlığına, bərabərliyə, insan ləyaqətinə, din azadlığına, et-
nik fərqliliklərlə hesablaşmağa xüsusi önəm verir. Dinimizə görə,
bütün insanlar və millətlər bərabərdir, ali irq, ali millət anlayışı
yoxdur. Qurani-Kərim buyurur: “Ey insanlar! Biz sizi bir kişi və
bir qadından (Adəm və Həvvadan) yaratdıq. Sonra bir-birinizi ta-
nıyasınız (kimliyinizi biləsiniz) deyə, sizi xalqlara və qəbilələrə
ayırdıq...” (Əl-Hucurat, 13).
Peyğəmbərimizin hədisi-şərifi ndə bu fi kir daha da konkret ləş-
dirilir: “Heç bir ərəb qeyri-ərəbə nisbətən hansısa üstünlüyə ma-
lik deyil. Eləcə də qeyri-ərəb zənciyə nisbətən, zənci ağ adama
nisbətən hansısa üstünlüyə malik deyil”.
Qurani-Kərimdə insanlara bəyan edilir: “Dində məcburiyyət
(zorakılıq) yoxdur...” (Əl-Bəqərə,256); “...İnsanları iman gətirməyə
sənmi məcbur edəcəksən?!” (Yunus,99).
Göründüyü kimi, İslam prinsipial şəkildə insanların vicdan və
seçim azadlığına müdaxilə edilməsinə icazə vermir. Hətta Pey ğəm-
bər belə olsa, o, insanları inanmağa məcbur edə bilməz. İnsanlar
inanıb-inanmamaqda sərbəstdirlər. Peyğəmbər yalnız təbliğ edən
və düz yolu göstərəndir. “Və de: “Haqq Rəbbinizdəndir. Kim is tə-
yir inansın, kim də istəyir inanmasın (kafi r olsun)...” (Əl-Kəhf, 29).
İslama görə, əsl müsəlman əlindən, dilindən başqasına ziyan
dəyməyən insandır. Qurani-Kərimin “əl-Bəqərə” surəsinin 177-ci
ayəsində buyurulur: “Yaxşı əməl heç də (ibadət vaxtı) üzünü gün-
çıxana və günbatana tərəf çevirməkdən ibarət deyildir. Yaxşı əməl
sahibi əslində Allaha, axirət gününə, mələklərə, kitaba (Allahın na-
zil etdiyi bütün ilahi kitablara) və peyğəmbərlərə inanan, (Allaha)
məhəbbəti yolunda (və ya mal-dövlətini çox sevməsinə baxmaya-
raq) malını (kasıb) qohum-əqrəbaya, yetimlərə, yoxsullara, (pulu
qurtarıb yolda qalan) müsafi rə (yolçulara), dilənçilərə və qulların
azad olunmasına sərf edən, namaz qılıb zəkat verən kimsələr, eləcə
Dostları ilə paylaş: |