Türk Dilinde Konuşan Ülkelerin politikasına Destek Fonu Bu kitap Türk Dilinde Konuşan Ülkelerin politikasına Destek
Yüklə 144 Kb. Pdf görüntüsü
|
qəbul etmişlər! Ən balacası, doğuş zamanı anasını itirmiş özbək qızı idi. Deyirlər, heç vaxt doğmamış Şamahmudova binəva çağanı görəndə ürəyi elə sıxılıb ki, özündə ana südü yaranıb. Qadın təbiəti nə dərəcədə səxavətli və izaholunmazdır! Qadınlar barədə söz açmışamsa, anam haqqında, onun xeyirxah qabaqcadangörən qəlbi haqda kəlmə kəsməsəm, ədalətsizlik olar. 1987-ci ildə Sovet Ordusu sıralarında uzaq Baykalarxasında qulluq edirdim. Bir dəfə bütün bölümlər, tibbi-sanitar hissəsi də daxil olmaqla, təlimlərə göndərilmişdi. Yalnız növbətçilər, o cümlədən mən qalmışdım. Soyuq yazın burnu hələ təzə-təzə qanayırdı, növbətçilikdə duranda, möhkəm soyuqladım. Dərman yox, tibbi-sanitar hissənin qapısı bağlı, boğazımın ağrısından isə gözüm açılmır. Yarım gün zülm çəkdim, birdən yadıma düşdü ki, qışın oğlan çağında anam evdən barat göndərəndə, içinə qoyun quyruğu qoymuşdu. Onda elə hirslənmişdim ki, utandığımdan, anamın göndərdiyi payı camaat görməsin deyə, baratı YBM- in (Yoxlama Buraxılış Məntəqəsi) taxtapuşuna tolazlamışdım. İndi yadıma düşən kimi özümü taxtapuşa atdım, tələsik qoyun quyruğu bağlamasını açıb bir parçasını odun üstündə əritdim, yavaş- yavaş qurtumladım. Qırğız xalq təbabəti vasitəsi kömək etdi, boğazımın ağrısı səngidi, boğulmam keçdi. Fikrə getdim: anam haradan bilə bilərdi ki, başıma nələr gələcək? O qədər ona minnətdar idim ki, yalnız Allahıma bəllidir. Bu quyruq məni və əsgər yoldaşlarımı sonradan nə qədər azr-bezardan qurtardı. Bineyi-qədimdən müdrik atalar sözləri var: “Uşağın barmağı incidirsə, ananın ürəyi”; “Ananı belində üç dəfə Məkkəyə apar – borcundan çıxa bilməzsən”. Başıma bir iş də gəlmişdi – iş yoldaşlarım şahiddir. Beş il bundan əvvəl baş vermişdi. Qəflətən əllərimdə ekzema əmələ gəldi. Açığını deyim, heç də ürəkaçan mənzərə deyil. Qələmi əldə tutmaq mümlün deyil, dostlarla görüşəndə əl verə bilmirsən. Xülasə, həm fiziki, həm mənəvi cəhətdən üstümə min tərəfdən pisliklər töküldü. Dörd ay bu dərdlə əlləşdim. Həkim qalmadı – qəbuluna düşməyim, davacat qalmadı – içməyim, ara həkimi qalmadı – baş çəkməyim. Hər şey bihudə idi. Əlimi hər yerdən üzmüşdüm ki, anam kənddən gəldi və İssık-Kul kökü gətirdi. O dəqiqə qaynatdı, birinci suyunu atdı, ikinci suyunu soyudub əllərimi ora qoymağa məcbur etdi. Bu proseduru düz bir həftə sərasər etdim. Bir neçə gündən sonra ekzema necə gəlmişdisə, elə də yoxa çıxdı – özündən sonra yalnız xatirə qoydu. Əminəm, mənə həm ot dəmləməsi kömək etdi, həm də anamım sidq- ürəkdən etdiyi duası. İndi hamıya deyirəm ki, ən yaxşı təbib – həkimlik təhsili almayan anamdır. Rəhmdil ürəkdən – mülayim niyyətlər doğur. Mülayim niyyətlərdən – xeyirxah əməllər. Xeyirxah əməllərdən isə ədalətli, humanist ideallara söykənən mehriban cəmiyyət. Qırğızıstan – balaca, dağlıq ölkədir, onu əsil xoş niyyətlər və xeyirxah ideallar cəmiyyətinə döndərmək ancaq bizim əlimizdədir. Qırğız xalqının qadın gözəlliyinə də, qadın qəlbinin genişliyinə də həsr etdiyi çoxlu nəğmə və rəvayəti var. Bizdə deyirlər: ən yaxşı alma – İssık-Kuldadır, bal – Toktoquldadır, kumıs – Suusamırdadır, qaysı – Batkəndədir, düyü – Üzgəndədir, gözəllər isə Son-Kuldadır. Məhz bu unikal dağ gölünün yaxınlığında qənirsiz gözəl və istedadlı aktrisa Tattıbübü Tursunbayeva anadan olmuş və böyüyüb ərsəyə yetmişdi. Belə göyçəklər haqqında xalq arasında deyirlər: “Qızı öpərsən – almanın, şəkərin, balın dadını bilərsən”. Həyatdan çox tez köçmüş misli görünməmiş qənirsiz gözəl. Aktrisanın doğma qardaşından müsahibə götürmüşdüm. Onun sözlərinə görə sonda dəfnə yığılanlardan heç kəsin onun üzünü örtməyə əli gəlmirdi. Hamının ölüm yatağında sanki yatmış gözəl kimi uzanmış Tattıbübüdən ayrılmağa heyfi gəlirdi... Hamı diqqət yetirmişdi ki, qızın qəbri üstündə qağayılar necə uzun müddət hərlənmişdilər. Hər kəs quşların da insanlarla bahəm göz yaşı töküb ağlamağına, cahandan bir gözəlin getdiyinə yandıqlarına inanmaq istərdi. Belə gözəl qadınlar dünyamızı tərk edəndə onları tanıyan üçün də, tanımayan üçün də əfsanəyə dönürlər... F.Dostoyevski “Dünyanı gözəllik xilas edəcək” deyəndə, haqlı idi. Axı ən avam adam da qadın gözəlliyinin dəyərini anlayır. Atay Oqonbaeyevin “Oy, Bülbül” mahnısı sevgilisi Bülbülə həsr olunmuşdur. Şair aşiqinin səsini bülbülün cəh-cəh ilə müqayisə edir. Deməliyəm ki, xalqın ən sevimli mahnıları – akınların məhəbbətə dair nəğmələridir. Hətta şair- demokrat Toktoqul ən yaxşı əsərlərini vurğunu Alımkana həsr etmişdir. Mahnıların birində ona xitabən deyir: At belində qızıl kimi gözəlsən, Mənə verilməmiş al bir çiçəksən, Alımkan, sağlamam, ancaq yanıram – Sitəmliyəm, ancaq sən bilməyəcəksən... Xalqın sevimli akını Jenijok son günlərinə qədər sevgilisi Koksuluunun vurğunu qalmışdı. 73 Hərçənd övladları olmasa da, Koksuluu – kişi üçün dünyada yeganə qadın idi. Onun sevgili qadınına yazdığı çılğın nəğməsindən sətirlər: Kim sevgi ehtirasının oduna düşməmişsə, Nə sevgiyə dəyər verər, nə bəxtiyarlığa. “Manas” dastanında Semetey bahadırın arvadı Ayçörəyin gözəlliyi belə vəsf olunur: Sözləri qənddən şirin, Gözləri – bir cüt ulduz, Ağ dərisi məxmərdir, Al yanağı – qırmızı. Sanki bəyaz qar üstə Qan yerə dağılmışdır. Üzü od tutub yanır, Gözdən nəvaziş yağır. Hörükləri lap ipəkdir. Tel alnına dağılmış, Qaməti hilala bənzər. Dodaqları nar kimidir, Ağzından da alov çıxır... Qadın gözəlliyini hamıdan yaxşı tərənnüm edən qırğız akını Barpı Alıkulov ömrünün son illərində dünya işığından məhrum olmuşdu. Lakin nəğmələrinin qəhrəmanları qadınlar batinində daha parlaq şüalarla bərq vurub cilvələnirdilər. Ölən günü iyirmi saat sərasər gözəlliyin ilahi əsrarəngizliyi barədə yeni sətirlər düzmüş, yalnız təbi bitəndən sonra dünyasını dəyişmişdi. Toktoqul Qızlara Qızlar, atlaslara, ipəklərə, Bəzənərək siz qurşanın. Nə qədər cavansınız, Deyin, gülün, əylənin. Cavanlıq tez sürəcək, Bunu siz unutmayın. Dərd-bəla sizi qocaltmasın, Yadınızdan çıxarmayın. Həm rəqs edin, həm oynayın, Axı biz də gənc olmuşuq. Qızlar, atlaslara, ipəklərə, Bəzənərək siz qurşanın. Libas nə qədər xoşa gəlir, Geyinin, həm tumarlanın. Həyat budur – gözəl günlər, Çiçək açın, sığallanın. Ancaq keçən əyyamları Qaytarmağa çalışmayın. Həm rəqs edin, həm oynayın, Axı biz də gənc olmuşuq. Balbay kimi gül açmısız, Göylərin rəngi qoy çoxalsın. Oxuyun, həm oynayın, qızlar, Hər anın sevincini yaşayın. Qocalıq gəlib çatdıracaq özünü, Sevməyə ümid bağlamayın. Üstünüzü torpaq örtəcək, Əbədi qarlarsa sizi göməcək. 74 Yüklə 144 Kb. Dostları ilə paylaş:
|